منتديات تو زوو - اذكى 10 كلاب فى العالم

بسم الله الرحمن الرحيم

اهلا بكم يا اعضاء و يا مشرفين انا النهاردة هكلمكم عن اذكى 10 كلاب فى العالم و صفاتهم نبدا يلا :88:

#10 Australian Cattle Dog

كلب نشيط جدا , محتاج تمرين علي طول , زهنيا و بدنيا , كلب مكار فعلا , و استخدموه لرعايه الماشيه ف استراليا ( من هنا جه الاسم )

[IMG]http://www.2zoo.org/uploads/14089275481.jpg[/IMG]
#9 Rottweiler

كلب معروف بأنه كلب مرعب , هو كلب متوسط ف العنف لكنه عنده شراسه فطريه للغرباء , محب للأسره جدا, رقم 9 ف الذكء علي مستوي الفصائل.

[IMG]http://www.2zoo.org/uploads/14089275482.jpg[/IMG]

#8 The Papillon

كلب شبه القطط؟ , عمره ميخوف دبانه؟ , لازم تخاف منه صدقني , الكلب البابلوني كلب عصبي جدا و مزاجي, بس طبعا محبين جدا لأصحابهم و عيلتهم , سهل التدريب جدا لأنه من اكتر الكلاب حنانا تجاه الانسان.

[IMG]http://www.2zoo.org/uploads/14089275493.jpg[/IMG]

#7 Labrador Retriever

كلب حبوب و عطوف و صبور , مشهور جدا ف مصر , من اشهر الفصائل ف العالم , بيحبوا اللعب فلازم تمرنهم كل يوم , علشان كمان حلو ممرنتهمش كل يوم قابل مشاكل ف الوزن بسبب طبيعتهم , غير كده معروف عنهم انهم كلاب اجتماعية جدا , بس خاف عليه من اصدقاء السوء !!!

[IMG]http://www.2zoo.org/uploads/14089279421.jpg[/IMG]

#6 Shetland Sheepdog

اللي بيربي الكلاب دي بيحلف انهم عندهم ذكاء بشري تقريبا !!!, بالنسبه لشغلهم ( حراسه الماشية ) محتاج تركيز عالي و ذكاء طبعا , ممكن يكونوا صعبين شويه مع الغرباء بس كل الولاء للعيله , الكلب ده بيحب الصحبة البشرية جدا .

[IMG]http://www.2zoo.org/uploads/14089279422.jpg[/IMG]

#5 Doberman Pinscher

الدوبر مان كلب مطيع جدا , و يمتاز بالولاء الكامل لصديقه ,عديم الخوف , صحته عاليه جدا , لو دربته ف سن صغير تدريب مناسب , يبقي الدوبر مان احسن كلب ف العالم بالنسبه ليك .

[IMG]http://www.2zoo.org/uploads/14089279423.jpg[/IMG]

#4 Golden Retriever

مين ميعرفش الجولدن , و مين منفسوش ف جولدن , الكلب الجولدن هو ( الكلب ) اللي نعرفه لما نوصف ولاء الكلاب , لو هتسيبه مع اطفالك اعرف انه هياخد باله منهم احسن من مربيه , زكي جدا و سهل التدريب , و لو بتتفرج علي مسابقات طاعه اول فصيله عينك هتجيبها هي الجولدن.

[IMG]http://www.2zoo.org/uploads/14089281001.jpg[/IMG]

#3 German Shepherd

اول ما دخلت الصفحه دي عارف انك هتدور علي الجيرمن ف اذكي عشر كلاب ( اديك لاقيته ) , مينفعش نقول ذكاء الكلاب و منقولش الجيرمن , من ذكائه بيشتغل ظابط - كلب بوليسي – زي ما بنشوفه دايما , شجاع جدا جدا ( من افضل عشر كلاب للحراسه ) بس كله بالتدريب , بيحب الشغل جدا , لو حد سألك ممكن كلب يخليك سعيد ؟ ؟؟؟ ايوه ... الجيرمن .

[IMG]http://www.2zoo.org/uploads/14089281002.jpg[/IMG]

#2 Poodle

تخيل انت بقي ان الكلب ده رقم 2 في الذكاء !!! , فعلا من اذكي الكلاب و من اسهلهم ف التدريب , بيحب الناس جدا و مش بيحب القعده لوحده , علي فكره الكلب ده ممكن يبقي حارس كمان , او حتي صياد لو اتدرب , كلب ذكي فعلا , علشان كده هو من اشهر الكلاب ف امريكا .

[IMG]http://www.2zoo.org/uploads/14089281003.jpg[/IMG]

#1 Border Collie

اذكي فصيلة علي الاطلاق , طبيعي انه يبقي محتاج شغل عشان يعيش سعيد , طبيعي انه ميقدرش يقعد لوحده , ممكن يخربلك البيت لو قعد لوحده او حس بأكتئاب ,لو كنت قاعد ف مدينه يبقي مش هتعرف تربيه , لو كنت ف الريف ممكن تلاقيه ف الشارع للأسف , الكولي ده علي طول بيحقق ارقام قياسيه , تخيل انت ان الذكاء ده ف مصر ... في الشارع .

[IMG]http://www.2zoo.org/uploads/14089283221.jpg[/IMG]

و بكدة اصدقائى اكون انتهيت و شكرا لكم و ملحوظة بردو الموضوع دة ميش منقول الموضوع دة انا مترجمو من احد المواقع الاجنبية و مع اضافة لمساتى :12: شكرا