منتديات تو زوو - ●|[ كَيفْ تُربّى الثعُآبَينْ ؟ِ ]|●

http://img808.imageshack.us/img808/5...1336039050.jpg

تربية الثعابين إنتشرت بشكل كبير عندنا في هالفتره ، و صاروا كثير ودهم يدخلون في هالهوايه لكن الأغلب خايف منهم او ان تربيتهم صعبه و ما يعرف هم أو أياً كان السبب ، في هالموضوع بنعطي موجز قصير عن تربيتهم و الأسئله الشائعه عنهم =)

http://img819.imageshack.us/img819/6315/7yaya.png

ما هي أفضل الأنواع للمبتدئين ؟

من أفضل الأنواع الي من الخارج هي الـ Ball Python و الـ Corn Snake و الـ King Snake و ممكن من الأنواع المحليه الأرقم او الدساس او ابو سيور .

http://img819.imageshack.us/img819/6315/7yaya.png

أين يمكننا تربيتها ؟

تتربى الثعابين في أحواض و حجم الحوض يعتمد على طول و نوع الثعبان الي بتربيه ، لكن بالنسبه للثعابين الي العاديه و الي موجوده و الي طولها ما يكون أكثر من المتر و نص ممكن تتربى في حوض 60 × 30 ، لكن أكرر مو شرط كل ثعبان ينفع له هالحجم البعض يحتاج أكثر مع انهم أصغر ,,

http://img819.imageshack.us/img819/6315/7yaya.png

ما هي أرضية الحوض ؟

الأغلب بيروح و يحط تراب او رمل ! ، و هذا الشي غلط ، التراب او الرمل مو كل نوع ينحط له ، يعني مثلاً بالنسبه لبعض الأنواع المحليه او بإختصار الصحراويه هي الي تفرش لها رمل ، لكن الأنواع الباقيه نشارة خشب أو تربه زراعيه " الغامقه " او ممكن تفرش مناديل أو جرايد او ورق ، لكن الأفضل من بعد تجربتي و الي نصحوني فيها بعض الناس و حتى أعضاء من هني و فعلاً حسيت إنها الأفضل و الأريح ولي هو العشب الصناعي مثل الي يستخدم بالملاعب ،و هذا ملائم للكل =)

http://img819.imageshack.us/img819/6315/7yaya.png

نحتاج وضع ديكورات ؟

ممكن تربيها و انت ما تحط الا شي واحد و الي هو فقط ماعون الماء ، لكن هالكلام ما يمشي الا مع الأنواع الي غير خجوله ، لكن الأنواع الباقيه بتحتاج تحط مخبأ لها عشان تحس بالأمان و ما تخاف ، لأن لما يخافون يضربون عن الأكل ، و باقي الديكورات شي راجع لك ، لكن الأهم ما يكون شي يجرحها ، لكن في نقطه مهمه ، في أنواع تحتاج أغصان مثل الـ Green Tree Python و يكون لازم تحط لها أغصان ، فكل ديكور يعتمد عالثعبان نفسه ، لكل ثعبان بيئته الخاصه .

http://img819.imageshack.us/img819/6315/7yaya.png

و درجات الحراره و الرطوبه ؟

النقطه الأهم و الي بعض ما يهتم لها و هي الي تمرض الحيوان او تموته ، مثل ما نعرف انهم ينتمون لفصيلة الدم البارد ، يعني انهم يستمدون الطاقه من الحراره الخارجيه ، الجو الملائم للأغلب فترة النهاره درجة الحراره بين الـ 27 و 29 ، و في الليل 23 - 24 ، و شي مهم أيضاً و الي هو الرطوبه و تكون 70 % تقريباً .

http://img819.imageshack.us/img819/6315/7yaya.png

كيف نحكم بدرجة الحراره او الرطوبه ؟

أولاً يعمتد عالنوع لا تنسون ، لكن بشكل مختصر طرق التدفئه تعتمد عليك انت ، انت وين مربيهم و شنو الأشياء الي تقدر تستخدمها افضل مصدر الي هو الإضاءه لكن ممكن تستخدم دفايات عاديه ، يعني تدفي الغرفه كلها ، بالنسبه للرطوبه ممكن انك ترش ماي برشاش الماي او انك تسلط الإضاءه على ماعون الماي و مع التبخر راح يوفر الرطوبه .

http://img819.imageshack.us/img819/6315/7yaya.png

و الأكل ؟

يعتمد عالثعبان الي عندك ، البعض يعتقد انه البيض ، و الصحيح انه أنواع محدده قليله هي الي تاكل بيض ، الأكل للأنواع الموجوده يبدي من الفيران ، الجرذان ، الأرانب ، الهامسترات ، الكتاكيت ، و الفري و غيرها يعتمد على حجم الي عندك نوعها و حجمها .

http://img819.imageshack.us/img819/6315/7yaya.png

هذا بإختصار تربيتهم ، و الي محتاج شي ما انذكر تقدر تسأل =)