منتديات تو زوو - حركه سواها ثعباني؟؟!

منتديات تو زوو (http://www.2zoo.com/vb/index.php)

- سؤال و جواب لقسم هواة الزواحف (http://www.2zoo.com/vb/forumdisplay.php?f=60)

- - حركه سواها ثعباني؟؟! (http://www.2zoo.com/vb/showthread.php?t=6581)

حركه سواها ثعباني؟؟!

السلام عليكم ..

بعد ان قرأت في المنتدى ان البايثون يحتاج الى حراره معقوله .. ولأني حاطنه في غرفتي وغرفتي اسكيموو هههه ركبت اللمبه الصفرا 60 واط ولكن حسين انها تطلع حراااره كثير بالنسبه لحجم الحوص اللى موجود عندي فقمت وبدلتها بلمبه 40 واط ..
السؤال الاول هل تصلح هذي النوعيات من الاناره او الحراره الناتجه منها للبايثون ام تضره .. لاني قريت على ما اعتقد مره ان الاناره تضر بعين الثعبان ..

ثانيا وبعد ما ركبت اللى بفتره اول شي لقيت الثعبان يتحرك في الحوض وهذ مو بالعاده بالنسبه للثعبان اللى عندي قلت يمكن لان دووم يكون متجمد والحين في حراره فتحمس شويه .. وتمييت اراقبه لفتره الى ان شفت ان حركاته مو بالعاده مره تصرفات غريبه ما كان يسويها قبل .. انا كنت حاط له الماء في شي صغير شفته يحاول يدخل جسمه بالماي .. قمت وشلت الماي وحطيت له شي اكبر وهو ما كذب خبر قام وقعد بالمااي دخل جسمه كله في الماي انا استغربت هذا التصرفه منه وخف الصراحه فقمت وسكرت اللمبه ..

ولكن هل هذا اللى صار تصرف طبيعي منه او ان غلطه منى ان وضعت هذا النوع من اللمبات ؟؟

وهل دخوله للماء شي طبيعي ولا في مشكله في هذا .. لان حتى راسه دخله كامل في الماء انا جي قلت عن يموت علينا :eek:
فأستغربت هذا التصرف منه .. فأرشدووني جزاكم الله خير :rolleyes:

شاكر لكم تعاونكم .. اخوكم عمر

رد: حركه سواها ثعباني؟؟!

هلا عمري
انشاء الله الاخوان يفيدونك

تحياتي

رد: حركه سواها ثعباني؟؟!

مرحبا فيك اخوي

بالنسبة للإضائة المقصد منها للتدفأه ومهي ظرورية مره الا لبعض الأنواع ممكن تستخدم الإضائة

لفترات لكن ليست طويلة وبالنسبة لبقاء الثعبان داخل الماء فهذا شي طبيعي ولا خوف منه

أحيانآ هذا الأمر يسبق الفتره اللتي يتم فيها تغيير الجلد فلا تخف واتركة يجلس في الماء

وشكرآ

رد: حركه سواها ثعباني؟؟!

قطقوطه .. شكرا لمرورج

ثعبان .. شكرا على هذي المعلومات .. وانا غيرت الوعاء الصغير اللى كنت حاط فيه الماء الى حوض سباحه اولومبي ههههههههه..

رد: حركه سواها ثعباني؟؟!

كانك من السعودية ما يحتاج تستغرب يا عماااري

لأن عندنا عاائلة بالسعودية يقالها آل عـُمـَري .. بفتح الميم ..

وأنا قريت نكك كذا وأكيد قطقوطة بعد .. بس ما قرينااه عمري .. بإسكان الميم يعني حياتي :rolleyes:

فهمطا :D

مشاركة: حركه سواها ثعباني؟؟!

السلام عليكم

اخي العزيز الثعابين من ذوات الدم البارد وتحتاج الى درجة حرارة معتدلة يعني تكون درجة الحرارة بين 26 - 30 .

الاضائه ( مهم ) : الاضائه مهمة للزواحف هناك لايت اسمه او نوعه uv يتكون من ( uva ) و ( uvb ) وفائدة هذا الايت يعطي الوان الطيف وكثير من الهواة ينسى هذه النقطة لان نقص الكالسيوم والفسفور قد يؤدي الى هشاشة العظام .

المكان الواسع.

نظافة المكان.

البيئة المناسبة .

تنويع الطعام .

وهذا التصرف يمكن ان تكون من ارتفاع درجة الحرارة .

وناسف على الاطاله وشكرا

رد: حركه سواها ثعباني؟؟!

انشاء الله الاخوان يفيدونك

رد: حركه سواها ثعباني؟؟!

مشكورين اخواني وما قصرتوا على التوضيح .. وشكرا

رد: حركه سواها ثعباني؟؟!