|
وش اشتري يلوكراون والا بلوفرنتد
السلام عليكم جميعآ اخواني واخواتي قبل فتره كان عندي كاسكو اليف بس طفشني لأنه مو جريئ ويتكلم اذا كان لحاله وصبرت عليه سنتين ابيه يتعدل ماوده علمآ اني دايم اجلس عنده .. واخر شي بعته قبل 8 شهور واللحين ودي بطير جديد واحترت اختار مابين اليلوكراون والبلوفرنتد لأن سعرها مقدور عليها .. ونبي مشوورتكم ونصيحتكم لاهنتم |
رد: وش اشتري يلوكراون والا بلوفرنتد
اخوي انت ايش تريد ف الطير بالضبط؟ صحيح لكل نوع مواصفات بس ف نفس الوقت كل طير يختلف عن الثاني واكبر دليل الكاسكو اللي كان معك
|
رد: وش اشتري يلوكراون والا بلوفرنتد
ابغالي واااحد نشييييط و جريئ يتكلم على اليد وبالوجه
وفييه عالم حيرووني يقولولي اليلوكراون صووته اوضح وانشط وناس تقوولي البلوفرنتد افضل منه بمليون مرره واحترنا وربي معاهم وقلنا خلينا نسئل اهل الخبره الي مثلكم وشرواكم لعلى وعسى يفيدوننا اكثر لاهنتم واما الكاسكو ما قول غير الله لايعييد ايامه جابلي عقده نفسيه وصررت اكره صورته واسمه من مخوو المقفل :mad: |
رد: وش اشتري يلوكراون والا بلوفرنتد
شوف يا اخوي انا عندي افريقي و يلو كراون وبلوفرنتد
بالنسبه للامازوني/ اذا تبي الكلام الواضح والصوت العااالي خذ اليلو كراون وهو طير ممتاز وسعره مقارب جداً للبلو فرنتد و البلوفرنتد جيد وحبوب لكن نسبة وضوح الصوت اقل من اليلوكراون والصوت اقل لكنه ممتاز وكلهم مزعجين ولعوبين لكن انا ارشح لك اليلو كراون اسعارهم بالنسبه للفروخ الأقل من سنه تقريباً ب 3400 ريال وبالتوفيق ان شاء الله .. |
رد: وش اشتري يلوكراون والا بلوفرنتد
مشكوور اخوي توزو كفيت ووفيت الله يعافيك يالغالي
ودامهم مزعجين اجل الله يستر من الشيبان ههههههه اشكرك يالغالي |
رد: وش اشتري يلوكراون والا بلوفرنتد
أخي فايز, لو كنت مكانك لأخذت اليلو كراون, لكل الأسباب التي ذكرها 2زو, مع أن طيري بلوفرونتد, و أنت صادق من ناحية تضارب الآراء بين الهواة بشأن الطيرين, الأثنين ما شاء الله ممتازين لكن فعلا اليلو كراون صوته أوضح, الفكرة أن اليلو كراون ليس موجود دائما بالسوق و ذلك أنصحك عند الشراء بمراقبة الولافة و اللعب و الصحة
|
رد: وش اشتري يلوكراون والا بلوفرنتد
اختصر لك الموضوع عن خبره ، خذ يلوكراون فرخ
|
رد: وش اشتري يلوكراون والا بلوفرنتد
واحب اظيف على كلام الاخوان ومشورتهم لك
التلقين يحتاج صبر منك سوائن للامزونيات او الافريقي وكل له طريقه في التدريب وتعليم الكلام الامزوني انطلاق سريع خلال فترة بسيطه يطربك وخصوص اليلوناب والدبل هد واليلو كراون البلوفرنتد يعطيك لكن اقل نسبه وحسب ذكاء الطير اما الافريقي ومن واقع تجربتك معه اتوقع لم تسيطر على الطير في التلقين والفترة هذي ممكن يكون كسب كلام ومجرد ما يتغير عليه المكان راح يبتدي يبدع ربما مكان مرتاح طير عنيد وذكي |
رد: وش اشتري يلوكراون والا بلوفرنتد
أخي الفاضل الله يوفقك لطير ذكي لكن عن تجربة لايوجد مقارنة بين البلوفرنتد واليلوكران .. اليلوكراون افضل 100 مرة من البلوفرونتد من حيث الكلام والولافة والحجم البلوفرونتد جيد لكنه مزاجي جدا وعنيد وكلامه محدود الا بعض الحالات يكون متكلم ممتاز اما اليلوكراون لو اخدته فرخ استمتع بالولافة ووضوح الصوت ويحب صاحبه بجنون ولاتوجد عنده المزاجية الموجودة بالبلوفرنتد
|
رد: وش اشتري يلوكراون والا بلوفرنتد
أنا مع كلام الأخ طاهر 1000000% . جربت البلوفرونتد ومجننتني بالبيت . تلقين وتسجيل وفي الأخير بس إسمها . أما اليلو كراون , أخذته على عماها وهو عمرة 3 شهور . كنت أبي جالا وغرني حجمة والحمد لله ينطق كم كلمة بثلاث لغات . وصوته واضح . بس في شي محيرني بأنه ذكر والبلوفرونتد أنثى , قلت يمكن الذكر يأخذ راحته في الكلام.
|
| جميع الأوقات بتوقيت GMT +3. الساعة الآن 06:25 PM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو