منتديات تو زوو - عندي مشكلتين مع قططي أتمنى تساعدوني في حلها

منتديات تو زوو (http://www.2zoo.com/vb/index.php)

- سؤال و جواب لقسم هواة القطط (http://www.2zoo.com/vb/forumdisplay.php?f=59)

عندي مشكلتين مع قططي أتمنى تساعدوني في حلها

السلام عليكم ورحمة الله وبركاته

أنا عندي عدة قطط شيرازيه ولكن بعاني منهم من:
1- تغذيتهم
2- الذكر الكبير (الأب) يضرب ولده بعد بلوغه

أولاً تغذيتهم:

أنا للأسف بحس قططي ما يزيد وزنها قد ماتاكل بالعكس ينقص وشعرها يطيح كثير فقلت أكيد من التغذيه لكن ماني عارفه إيش أقدملهم؟!

نظامهم الغذائي اللي أنا ماشيه عليه(دجاج مع مرقته - دراي فود رويال كانون - أكل معلب سيزار ورويال كانون - جبن مثلث - فيتامينات حبوب)

للأسف برضوا مايزيدهم وزن هم خصوصاً مع الحمل بلاحظ الحامل كأنه ببداية الضعف وشعر يتساقط كثير
قرأت أكدملهم خضار مسلوقه لكن للأسف ماياكلوها يشموها ويروحوا عنها

ودي تدلوني على نظام غذائي يقويهم ويستعيد وزنهم المثالي خصوصاً للحامل لكن في نفس الوقت يكون سهل ومقاديره

متوفره بكل مكان!

وعندي قطه ماتآكل الدراي فود ولا تطيقه للأسف من صغرها كل أخوانها اللي في سنها ياكلوه إلا هيا من يوم ماكان عمرها شهر ونص ماتبغاه إيش الحل معاها؟ خصوصاً إنها في بداية الحمل ذحين من أبوها الله يصلحه

ولما أكون نايمه أو في الدوام تجلس جيعانه إلين ماأجي عشان أحطلها شئ لين!
وإذا حطيتلها أكل لين يكفيها إلين ماأجي يخلصوه عنها البسس الثانيه وياكلوه عنها!

ثانياً : الذكر الكبير الأب يضرب ولده

للأسف بس طايح فيه ضرب إلين ماحبست الولد في قفصهم الكبير لكن الأب عنيد يروح له في القفص ويدخل يده
ويضربه حتى وهوه في القفص وإذا حبست الأب يقعد ينونوا بصوت عالي إلين مايصحي النايمين من علو صوته ماني عارفه إيش أسوي يقولي عقلي أعرضه تبني الولد لكن برضوا خايفه عليه من اللي حيتبناه خايفه يطرده ولا يتاجر فيه ولا غيره فإيش الحل معاه بنظركم ؟؟

رجاء ساعدوني في حل هذي المشاكل وشكراً

رد: عندي مشكلتين مع قططي أتمنى تساعدوني في حلها

_

وعليكم السلام ورحمه الله وبركاته

على وصفك من التغذيه ومتوفر لهم كل شي ممكن مصابه بالديدان وهذا واضح بسبب حجمهم
مايتغير عليك الذهاب للبيطري واخباره ويعطيك تجيبي عينه " من براز القطط " تكرمون واهني يبين
الحاله اذا كانت طبيعيه او بسبب الديدان والضعف للامهات بعد الحمل هذا طبيعي بسبب الرضاعه الصغار
لامشكله حتى في تساقط الشعر وتحتاج وقت ممكن تمنع عنها الحمل له شهر الى شهرين من فطام الصغار

اقتباس:

وعندي قطه ماتآكل الدراي فود ولا تطيقه للأسف من صغرها كل أخوانها اللي في سنها ياكلوه إلا هيا من يوم ماكان عمرها شهر ونص ماتبغاه إيش الحل معاها؟ خصوصاً إنها في بداية الحمل ذحين من أبوها الله يصلحه

ولما أكون نايمه أو في الدوام تجلس جيعانه إلين ماأجي عشان أحطلها شئ لين!
وإذا حطيتلها أكل لين يكفيها إلين ماأجي يخلصوه عنها البسس الثانيه وياكلوه عنها!

هذي المشكلة اما تحتاج تعويد وتحتاج فتره حتى تبدا القطه تتقبل النظام الجديد
او للاسف تتم على هذي الحاله وانا افضل عزلها اذا رحتي للدوام في قفص تحطين له المعلب
او الدجاج المسلوق افضل لان انا عندي قطه عكس قطتك عيشتها على الداري فود ويوم قطعت
عنها نحفت ورجعت لها النظام الاكل الي متعوده عليها ورجعت صحتها افضل ف اعزليها عن البقيه
حتى تاخذ كفايه من الاكل كونها حامل وتحتاج اكل مضاعف هالفتره

-

مشكلة عداوه الاكل حلها " قص الاظافر " حتى لايسبب جروح واذى مثل ماحصل عندي بقططي
جرح عميق في عينه وادى على العمى لتفادي المشكلة
- قص الاظافر او - اخصاء الاب - او بيع الابن اذا كنت تبي الانتاج من الاب

واذا نسيت معلومه او ضافه ان شاء الله يفيدونك من هم له خبره اكثر

رد: عندي مشكلتين مع قططي أتمنى تساعدوني في حلها

الله يجزاك خير على الرد الكامل لكل لسؤال !

ألف شكر.