انصحوني شو اسوي
 

شباب انا كتبت موضوع قبل ثلاث ايام بخصوص تنفس المكاو
من اسبوعين كان في صوت ف تنفسه ف عطيته التايلان لمده خمس ايام ف بعد استخدام التايلان اختفى الصوت وصار تنفسه زين
وبعدين خليته يومين راحه وبعديها عطيته كورس وقايه doxycycline
المهم يوم الجمعه الماضيه الصبح سمعت صوت ف تنفسه مره ثانيه
ف عطيته مره ثانيه doxycycline لان حاليا هذا المتوفر عندي وماحصلت غير التايلان عند البيطري
والحين الحمدلله مافي صوت ف تنفسه بس اخاف يرجع مره ثانيه !!!

شو اسوي اكمل ع doxycycline ولا اتوقف؟؟
الحين مسكين لمده ثلاث اسابيع وانا اعطيه ادويه هل يؤثر عليه ؟؟ علما بان عمره تقريبا 5 اشهر

في شي قالقني هو حبوب ال doxycycline لما بحطها بالمي مابتذوب ابدا تنزل لاسفل المشربيه
هل هذا السبب لعدم استفاده الطير من الدواء؟؟؟؟

بليز ساعدوني اخاف اسوي شي غلط وأأذيه بكثره الادويه هو الحين الحمدلله زين بس بعده احس تنفسه مش سليم 100٪

رد: انصحوني شو اسوي
 

الدوا اللي مايذوب اهرسه وذوبه عشان يستفيد منه الطير اكثر
اما انواع الادويه ويفيدوك فيها الاخوان
بس ماعرفت شو سبب المشكله عشان تتجنبه؟

رد: انصحوني شو اسوي
 

الظاهر راح تذبح طيرك من كثرة الادويه


المضادات الحيويه ما تنعطى اكثر من سبع ايام في الحالات الحرجه وشديدة الخطوره



وحسب ما فهمت من كلامك ان الطير الان تحسن بعد ما عطيته الدوكسيسلين
وهذا الدواء يستخدم لألتهابات الجهاز التنفسي , ولكن من وجهة نظري التايلين اقوى واشمل منه



لا تقلق ان كان مكتوبله يعيش راح يعيش

وانت ما قصرت معاه من الناحيه العلاجيه

اترك الطير يرتاح من الادويه لمدة اسبوعين ويستعيد عافيته

واهتم بالنظافه وايضا بالتغذيه الدافيه

وابعده عن التيارات الهوائيه
ولا تحاول كل شوي تنقله من مكان لمكان حته ما يتغير عليه الجو ويرجعله المرض

رد: انصحوني شو اسوي
 

يعني شو اسوي اشوفه مريض واخليه بدون علاج
انا استخدمت التايلان قبل بس رجعت المشكله مره ثانيه
انا اخاف ان المشكله ترجع مره ثالثه

رد: انصحوني شو اسوي
 

انا اطحن الحبه بس ماتذوب ولا تتحلل
لا ماعرفت مع ان الطير ف غرفه مافيها مكيف ولا مروحه

رد: انصحوني شو اسوي
 

طيب ارفع الماي و اطحن الحبه واخلطه ف 2 مل ولا 2ونص مل ماي وغر بها الطير وبعدها عطيه ماي
بس شوف رأي افوكادو اول ممكن يكون تركيز عالي والطريقه ماتنفع
عسى ربي يشفي الطير ^^