منتديات تو زوو - تبي ببغائك يتكلم ,, جرب هذا الحل وستدعو لي

منتديات تو زوو (http://www.2zoo.com/vb/index.php)

- قسم هواة الببغاوات (http://www.2zoo.com/vb/forumdisplay.php?f=31)

- - تبي ببغائك يتكلم ,, جرب هذا الحل وستدعو لي (http://www.2zoo.com/vb/showthread.php?t=196234)

تبي ببغائك يتكلم ,, جرب هذا الحل وستدعو لي

السلام عليكم ورحمة الله وبركاته

كيف حالكم أخواني وأخواتي

إذا طيرك جديد ومابعد تسمعه يتكلم ان شاء الله مع الحل هذا راح يتكلم

عمر الطير لازم يكون من 7 شهور إلى سنتين تقريبا او يزيد

المهم اني جربت الطريقة ونجحت معي وابغى الكل يجرب ويستمر في التجربة لمدة شهر والنتيجه قد تظهر قبل أو بعد الشهر حسب شطارتك

* اللي نصحني بهالطريقه وهو صاحب محل طيور يقول : كلم الطير بكلمه وحده وكررها عليها يوميا لين تنبط شبدك قبل تنبط شبد الطير ,, يعني لين تلوع كبدك كرر على الطير الكلمه هههههههه

عرفتوا الطريقه ؟؟

مثلا : ياهلا

ابيك توصي الأهل كلهم اذا مروا على الببغاء يقولون ياهلا ويكررونها قدر المستطاع مع فاصل بسيط بين كل مره حوالي خمس ثواني

بعد شهر راح تسمعه ان شاء الله يقول لك ياهلا بأصوات وتشكيلات متعددة

نصيحة لا تيأسوا وجربوا الطريقة وان شاء الله راح تدعون لي

حبيت اضع لكم هذا الموضوع لأني وبصراحه اخذت بهالنصيحة وتركت نصائح كثير واستفدت ونجحت

لا تسمعون للي يقول لك حك لسان الببغاء أو عطه أدوية أو عطه فلفل أو مدري ايش ,, كل هذا خرافات وشاعت بين الناس وهي مالها اي نوع من الحقيقة

جربوا اللي قلت لكم عليه واعطوني نتائج تجاربكم

اللي طيره ذكي راح يفهمها على طول وراح تلاحظونه يقلد الكلمه بتصفيره وبعدها راح ينطقها مع التكرار

اذا وصل لمرحلة تقليد الكلمة بتصفيرة ’’ تخبأ ولا تخليه يشوفك
وأول ما يصفر التصفيرة اللي على وزن الكلمة اللي تبي تعلمه اياه اظهر له وقول الكلمه وهكذا

راح ينبسط ويكررها ولما انت تخرج من البيت راح يقولها بتصفيرات ومع الوقت راح تتفاجأ انه قالها بصوتك او قريب منه

تحياتي ومحبتي