كاسكو صيد عمره 9 شهور
 

السلام عليكم ورحمة الله وبركاته

كيف حالكم جميعاً
عندي استفسار الله يعافيكم

عندي طائر كاسكو افريقي صيد وله شهر عندي ، الحمدلله راح الجعير
ويأكل من ايدي ، من جوا القفص ومن برى

والطير قبل كذا كان عند صاحب المحل وكان معلمه ان يطلع ع اليد
بس اللي حالياً مايرضى يطلع ع الايد ، واذا طلع ينزل ع طول وساعات يعضني
جربت طريقه ان احط اكل يحبه في ايدي واشيله بس بعده ،،

هل المده كافيه اني ابدأ احاول امسح ع راسه
لان قبل كذا جربت كان يجعر وعضني بالقوه رجعته ع القفص

الله يعافيكم اللي عنده طريقه اني ابدأ احاول امسح ع راسه يفيدني؟؟


وكمان حابه اسأل لما اطلعه برى القفص واحطه ف مكان عشان اجلس معاه
ينااام 🙂 دايماً يعني انا احطه ينام من الساعه 10 الليل الى 6 الصبح
وياخذ غفوه في الظهر وساعات ينام الصبح
احس وقت نومه اكثر من انه صاحي
ووديته للبيطري الحمدلله سلييم

رد: كاسكو صيد عمره 9 شهور
 

اعطيه كورس فيتامينات وخليك حازم معه انا الطير اخذته اليف ويطلع عاليد خليته فترة حتى تعود كان يطلع وينزل على طول كنت حازم معه ارفع صوتي بنبرة حادة اطلع ويطلع واقول له انزل وينزل اذا تصرف غلط ارجعه القفص اعاقبه حتى سلك وفهم وبالنسبة للمسح كان يقبل عند راعيه واستوحش حطيته بمنشفه وحطيته بحظني وكان مزعج يجعر حتى بعد ايام صار متعود ويقبل المسح تمام


أرسلت بواسطة iPhone بإستخدام Tapatalk

رد: كاسكو صيد عمره 9 شهور
 

اخوي اصبر عليه الطير يحتاج إلى وقت كي يتقبل الوضع الي هو فيه وانا نصيحتي لك اذا تعاملت مع الببغاء الافريقي بشده راح يتولد عنده ك كراهية وخوف في نفس الوقت وهذا شيء راح يثأر على حاله الطير النفسيه لان الافريقي طير حساس ويجب الحذر في التعامل معاه لان في تركيبه عقل الافريقي توازي بتركيبه عقل طفل في عمر خمس سنوات وعنده استطاعة ان يقرأ أفكار البشر وهو طير ذكي جدا .موفق اخوي.

رد: كاسكو صيد عمره 9 شهور
 

الله يعطيكم العافيه
وبجرب طريقة المنشفة وان شاءالله تفيد
لأني جربت طريقة التخييم ومافاد

رد: كاسكو صيد عمره 9 شهور
 

السلام عليكم
انا مع كلام الاخ فوزي هذه الطيور ذكية وحساسة وتحتاج للاهتمام
ويجب ان تكسب ثقتها لا ان تفرض عليها وتحتاج للصبر لتكسب ثقتها طريقة المنشفة حتى لو استسلم الطائر بمجرد ان تتركه سيبتعد وسهرب منك
نصيحتي بما ان الطائر يأكل الطعام من يدك استعمل طريقة المكافأة ابحث عن طعامه المفضله واستعمله لتغريه به
بمعنى حاول ان تلمس رأسه واذا سمح لك اعطه قطعة من طعامه المفضل ومع التدريب سيفهم الببغاء ان كلما سمح لك بالمسح سيكون هناك مكافأة وطبعا امدحه حتى يدرك ان ما يقوم به شيء يسعدك
اما انه غندما تضعه على الستاند ينام السبب ان ليس هناك ما يلفت انتباهه حاول ان تتكلم معه عامله وكان لديك طفل تريد كسب ثقته وحبه واذا نجحت ستحصل على صديق رائع ليس فقط طائر مروض
بالتوفيق