فزعة ي جماعة
السلام عليكم ورحمة الله وبركاته
اخواني انا عندي كاسكو هولندي ممكن عمره الان ٨ او ٩ اشهر المهم شريته اليف و هدد وعنده كلمه ومابه خلاف رحت لمحل بالصدفة في نص رمضان ابي اخذله شبك شافة راعي المحل قالي عنده اسهال الله يكرمكم وتسييف وديته بعدها للدكتور قالي برازه طبيعي وماعنده تسييف المهم خليته عنده لمدة ٢٠ يوم وخليته يعطيه مضاد حيوي للسهال لمدة ٣ ايام احتياط ومع اكل فواكة مجففه بلجيكي وحب شمسي الان من ذاك الوقت الى الان صار له شهر الطير غير مسهل ويصفر ويلعب ويقط كم كلمة غير مفهومة يعني مابه خلاف لان من ناحية الصدر مافيه تغيير هل هو طبيعي ام فعلا فيه تسييف ولا وش السالفة الدكتور يقول مافيه شي وراعي المحل رجل كبير بالسن ونصوح يقول عنده تسييف خفيف ودام له شهر فهو تجاوز مرحلة الخطر تكفون ابي احد من اهل عنيزة خبير يطلع على الطير ويطمني انا خلاص ما ادري اصدق الدكتور ولا راعي المحل ووصلت لدرجة اني اقول خل ابيعه والمشكلة الطير معي زي الحلاوة اناديه يطير ويجيني افرشله وانزلة تحت وعطيه علب موية يلعب فيهم ( لعبته المفضلة ) بس خلاص صار فيني وسواس . Sent from my iPhone using 2zoo.com mobile app |
رد: فزعة ي جماعة
وعليكم السلام
يريت ترفق صور لطير وطالما ماشاء الله اموره طيبه ماعليه الا العافية وممكن يكون مجرد ظعف طبيعي ( رشاقه ) |
رد: فزعة ي جماعة
https://vimeo.com/175773954
هذا مقطع له وهو يلعب بعلب الموية وبنزل كم صورة http://uploads.tapatalk-cdn.com/2016...d91b200c7f.jpg http://uploads.tapatalk-cdn.com/2016...cb843a64f8.jpg Sent from my iPhone using 2zoo.com mobile app |
رد: فزعة ي جماعة
مجرد تسييف بسيط اشوفه طبيعي
اهتم بتنويع الاكل له |
جميع الأوقات بتوقيت GMT +3. الساعة الآن 11:35 AM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو