|
رد: فضفضه قططيه
اهلين حبايبي تسلمين اختي على الموضوع الاكثر من رائع ...
حبيت اشارككم بتجربتي مع بستي لي لي كنت طول الوقت ادربها على اسمها ودائما انادي على اسمها بس مو كل مره ينفع فصرت اجرب وقت الاكل احط الاكل بعدين احكحك الارض وانادي اسمها ولما تجي تشوف الاكل وتاكل استمريت على هذي الحركه لمدة اسبوع او عشر ايام تقريبا وامس ناديتها باسمها وتلتفت علي واناديها ثانيه وترد علي انا مره فرحت حسيت ان تجربتي نفعت وحبيت اقدمها لكم انا عارفه اغلبكم يعرف هذي الطريقه بس حبيت افضفض واشارككم فرحتي وترى افضل طريقه للبسه علشان تعرف اسمها تناديها وقت الوجبه لانه افضل وقت عندهم .... |
رد: فضفضه قططيه
لأنني أطعم قططي فإنه غالبا ما أرى قطط الشوارع تتجول في أرجاء بيتنا بحثا عن بقايا طعام تركها أحد قططي
قابلت قط شوارع لونه أسود و بني في قن الدجاج يأكل بقايا سمك من الأرز الذي وضع للدجاج كنت أريد أن أفتح الباب ليخرج الدجاج ليستمتع بالتجول تحت أشعة شمس الصباح فتظاهرت أنني لم أرى قط الشوارع و تذكرت أن قطي اسبيكا أو تآكي قد بقي في صحنه بعض الطعام فذهبت لأحضره لقط الشوارع وضعت الطعام بقرب باب قن الدجاج مع مرور الأيام اعتاد قط الشوارع و أسميته تايتو على رؤيتي و الطعام الذي أتركه له في قن الدجاج قطة الشوارع ويتي صديقة تآكي القطة ويتي حصلت على الطعام المخصص للقطط الذي يوضع في المعلبات و من يومها بدأت تأتي لي لأقدم لها الطعام و الذي يدعو للسخرية أنه أحيانا لا يعجبها الطعام الذي أقدمه لها لقد اعتادت بسرعة على طعام قططي و صارت ملازمة لقطي تآكي أكثر و أكثر و صارت أما لأولاده القط البرتقالي هذا القط قصته مختلفة فهو أول قط يؤلمني دائما ما أراه في بيتنا و أذهب لأضع له بعض الطعام دجاج أو سمك تكون قطعة كبيرة ليسهل عليه حملها و الذهاب بعيدا في ذلك اليوم وضعت له الطعام و سقط منه و أردت أن أرفعه له مرة أخرى و وضعه في مكان أفضل لكنه فاجأني بضربة على يدي و بعد جهد استطعت إقناعه بإفلات يدي وقتها لم أعرف أ أضحك على الموقف أم أصرخ ألما !! |
رد: فضفضه قططيه
هههههههههههههههههههههههههههههههههه قصصكم تجنننن اتذكر كتي وكاتي كنا نحطلهم رز مع دجاج مره انا مره الخدامه المهم وهم يدلعون ما ياكلون الرز ياكلون الدجاج بس ومره حطت لهم الخدامه الرز وانا معها ونطالع فيهم ننتظرهم ياكلون واقفات ويطالعون فينا ما يبون الرز عصبت الخدامه وصرخت عليهم قالت(ليش ماياكل هذا ....كلو اكل زين طعم هذا)و الله هم خافوو و بسرعه ع الاكل والله اكلو الرز وانا فاااطسه ضحك ع اشكالهم من بعدها وهم ياكلون كل شي عادي ههههههههههههههههه طلعت خطيره الشغاله :D >>> برااا بس الحين من يومين وديناهم مو موجودين بشتاقلهم والله :( |
رد: فضفضه قططيه
الموضوع جدا حلو واتمنى كل من لدية قطة يكتب في هذا الموضوع الجميل انا بكتب قصة عجيبة حصلت نحن في البيت كان معنا قطتين الانثى اسمها سوسو والذكر اسمه بوبي وهي انو من كثر مشاغبة بوبي ابوي راح خرجة من البيت وما ندري الا والانثى حامل وتمر الايام وتولد سوسو حوالي شهرييين تقريبا وفي نفس اليوم الي ولدت صغارها يرجع بوبي في نفس اليوم الام ولدت في الصباح والاب رجع في الفجر لكن مابطل مشاغبتة وانطرد من البيت لكن للاسف لم يراى عياله لاننا كنا خايفين انة مايعرفهم ويسبب لهم مكروة
|
رد: ღ فــضـــفـــضــه قــطــطــيـــه ღ
وعليكم السلام ورحمة الله وبركاته تسلمين يا دلوعة على ذا الموضوع الحلو بارك الله فيك :88: وش نقول وش نخلي من مواقفنا مع بساسنا لكن ابذكر موقف : لقيت بناتي الثنتين طفشانات وكسولات فحبيت أخليهن يتنشطن شوي فشريت لهن ليزر وما توقعت انهن بيتفاعلن معه بذا الصورة فاشتغلت عليهن ولعبتهن :12: وخليتهن يفحطن خمسات وثمنيات رايحين جايين وينططن على الجدران والأبواب يبغون يوصلن له لمدة خمس دقايق وانا متقطعة كبدي من الضحك :shy: بصراحة ضحكت من قلبي :D وفي النهاية مساكين جاعوا وراحوا ياكلون وبعدها ناموا الله يصلحهن :p (لكن انتبهوا إبراءً لذمتي عند الله فالليزر ما أدري بالضبط عن مدا ضرره على عيون البسس فأبعدته تماما عن عيونهم وقت اللعب يعني فقط يكون على الأرض والجدارن والأبواب والأثاث . وأيضا لا تعرضونه على المرآة ( المراية ) أبدا لأنها ممكن تعكسه على عيونهم وإذا ما كنتوا ضامنين أنفسكم لا تستخدمونه أبدا وهذا أحسن . علما بأني شفت في محل للحيوانات جهاز بنفس الفكرة قيمته تقريبا 200 أو 300 ريال ويمكن يكون آمن لكن ما حاولت أسأل عنه لأنه ما خطر في بالي إني ممكن أفكر بمثل ذا النوع من الألعاب وبصراحة الي شجعني عليه شوفتي لمقاطع فديو تظهر مدى تفاعل البسس مع النقط المتحركة فقلت ليش ما أجرب .. وان شاء الله متى ما تيسرت لي الروحة لنفس المحل أبستفسر عن الجهاز بشكل أدق فإن ثبت إنه آمن شريته .. هو غالي شوي على أساس الفكرة الي هو مصنوع من أجلها لكن حلو نونسهم ونستانس معهم ) . تحياتي لك وموفقة |
رد: ღ فــضـــفـــضــه قــطــطــيـــه ღ
هاااااااااااااي
انا عاجبني الموضوع بس مترردده بالمشاركه .. :shy: انا يمكن فضفضتي حزييينه شوي .. انا فضفضتي من النااس والقطط .. تخيلوااا احنا نحب ققططنا تعتبر مثل اطفالنا ومسؤليتنا صححح !!؟ فتخيلوا يجيكم احد يقووولكم "لو قطتك ماتت "ايش تسوي :eek::eek:؟؟؟ بالله هذا سؤااااال :confused: تخيلوا يسااالونه من باب اني حريص عليك وابيك تكون واقعي :64: ياربي ببكي منهم :(:(:(:( |
رد: ღ فــضـــفـــضــه قــطــطــيـــه ღ
السلام عليكم ورحمة الله وبركاته في البداية رسالة للأخت العزيزة بنت الجود مع اعتذاري الشديد عن الدخول خط عرض :shy: : هونيها وتهون محد خالي من الهموم والأحزان .. والمصاعب الي تواجه مقتني الحيوان بشكل عام والبسس بشكل خاص كثيرة وما تنعد ولا تنحصى ولولا تمسك الجميع بالصبر وثباتهم على مبدأ المحبة لما يقتنون كان ما لقيتي أحد ربى في بيته حيوان :rolleyes: نصيحة مني لك ولكل من يمر بنفس ظرفك : لا تتنازلوا عن ما تحبون إلا في حالة رفض الوالدين فقط وإلا فإن ما عداها من المصاعب محلولة بإذن الله ;) يكفيك أن تتجاهلي أي كلمات استفزازية تصدر من الغير وكأنها لم تصدر أصلا ولم تسمعيها وحطي أعصابك في الثلاجة ودربي نفسك على الصبر ثم الصبر ثم الصبر لأنك لن تجني من الشوك العنب :) فضفضي وربك يحلها ;) موفقة اختي ـــــــــــــــــــــــــــــــــــــــــــــــــــــــــــــــ جبت معي اليوم موقف مع وحدة من بناتي : الصغرى الله يصلحها عندها حركة نص كم ومستحيل ما تسويها كل يوم :( والكبرى خوافة ما عندها جرأة تسويها بس تنتظر بسكات واستسلام حتى أجي وأحل الإشكال متى ما روقت :cool: وجربت أصك عنها غرفتي واتركها برا لكن ما طاوعني قلبي وأنا أسمعها تمخش الباب ( افتحي لي يا ماما ) :p .. وأنا أجي هرولة وافتحه ما أقدر أقاوم :12: أكون أحيانا في عز النوم وعمتي تقوم تلعب ثم تجوع وأنا الي أتدبّس فيها :( ( ارسي لك على بر عمتك ولا بنتك :confused: ) بنتي في المحبة وعمتي يعني شايخة وتبغاني على كيفها :o ما تفعله هو الآتي : ترقى فوق جسمي مدري وش تحس فيه يمكن رايحة مصر وواصلة الجيزة وراقية الأهرامات :p مرة صدري ومرة جنبي ومرة ظهري .. على حسب نومتي تجي وتطب وتطير النوم من عيوني ثم تجلس مثل ابو الهول وتطالع فيني برقة يعني قومي أكليني .. إذا ما عطيتها وجه تقرب شوي شوي الين توصل وجهي وتقعد تخرخر وتأرإر في اذني وأنا في بالي أقول اللهم طولك يا روح :( .. فإن كنت مروقة ومستعدة للقومة قمت وعطيتها أو اتجاهلها أبيها تنزل ولكنها مصرة فأغطي وجهي فتحاول يمين يسار ما في أمل فتضطر تنزل تلعب مع الكبرى أو تروح تنوم المسكينة الين أقوم :( وش اسوي فيني النوم :shy: بسم الله الرحمن الرحيم .. ( حكينا في البس قام يعس ) .. هذا المثل من عندي .. والحقوق محفوظة :D وأحس انه جاي مضبوط لأن العسة عندنا في لهجتنا الدارجة نستخدمها في الليل والنهار وهي التفقد وبنتي ما قصرت تفقدتني ووجدتني أمارس هوايتي المفضلة في وقت الفراغ وهي دخول منتداي الحبيب ;) ) .. الآن قامت من النوم وتبي أكل بس الحمد لله إني صاحية وما أتوقع أسلم منها في الليل .. ولما عجزت عن جسمي حاولت تنط جنب اللابتوب ــ متعودة كذا تلعب علي وتسوي نفسها مسالمة وإذا بها تنط على المفاتيح وطلعت لي واحد من فترة ( فداها المفاتيح وراعية المفاتيح ) وتقعد تلاحق سهم الماوس وشيل وحط حتى أطلع بسببها من المنتدى واسكر الجهاز وما تصدق تجلس عليه مثل ابو الهول أو تاخذ لها غفوة ــ . لكن الآن معصي ولا يمكن لأنني لازلت أكتب الفضفضة وإن انحذفت قبل أن أعتمدها فربما أصاب بجلطة :eek: بعيد الشر عني وعن كل القارئين زوارا ومحبين ولهذا أشغلتها عني بالأكل والحمد لله سلمنا ذا المرة منها . وبس خلصت . |
رد: ღ فــضـــفـــضــه قــطــطــيـــه ღ
اهلين فيكم
استمتعت بمشاركتكم بكتب شوي عن عيالي اممم بعد الغبار اللي جانا ومايخفى عالساكنين بالرياض كيف الجو لون لوسي انقلب من الابيض الى الاصفر:D وماقصرت تساعدني بالتنظيف قررت امسكها واعطيها شور وهي تلعب في امان الله وتتلقف علي وتحشر نوزها في كل شي قلت لماما انا رايحه احممها قالت لها ماما لوسي تراك بتتحممين تحسبها زي لوني اذا قلنا شور تركض تتخبى لوسي ماعندها مشكله امسكها وادخلها الحمام بس تدخل تبدا تغني الموالات مسكتها وتجلس تلف بالحمام بللت شعرها وبديت افركها بذمه لاني من بعد عمليتها ماحممتها الامره وحده بس والباقي دراي كلين حسيت ودي اطلع جراثيمها كلهم واقضي عليهم :D ومابقى مياو ماقالتها مابقى شي مادخلت فيه تتخبى وتتزحلق من يدي لين امسكها وابوسها وخلاص يادلوعه وتسكت شوي لين شطفت شعرها ولفيتها بالمنشفه وطلعتها جهزت لها اكلها واكلت ونامت ولما صحت راحت تدور على الاماكن المغبره وتطلع فوق الدواليب تمسحهم ماقصرت بنتي تساعد من كثر مامخي متلخبط بغيت اغسل شعري بشامبو لوسي شكلها داعيه علي:rolleyes: بالنسبه للحلوين اللي برى جوجو حامل وعلى وشك ولاده ان شاءالله كمان بيلا وفلونا طالعه لهم كروشه صغنونه احتمال كمان حاملين وفلافي ماوراه الاالشطانه والهواش ونمور زي ماهو مسالم وطيوب وبرعي في عداد المفقودين ;) |
رد: ღ فــضـــفـــضــه قــطــطــيـــه ღ
بكلمكم شوي عن قططي الخمس وهم جملات وزعتر وريكس وتكتك وفوكس او (الثعلب) لانه يشبه الثعلب
طبعا جملات هي الكل في الكل في البيت وهي اول وحده ربيتها فانا اعتبرها بنتي الاولى واحبها مره طبعا هي متكبره جدا وماتحب تختلط مع القطط بس انها اوقات تشوف تكتك وفوكس يلعبون تروح تهجم عليهم بنية اللعب بس تلعب بعنف وتضربهم ويخافون منها ويهجون خخخخخخخخ اما ريكس وزعتر فهم متقاربين في الاعمار ويحبون بعض ويلاعبون بعض لكن مرات يكون ريكس نايم وزعتر يبي يلعب ومايلاقي احد يلعبه معه لان الباقيين اكبر منه بكثير فيجيني وانا في عز المذاكره والدفاره ويهجم على الكتب ويجلس يلعب فيها لين ما اعطيه وجه والعبه... امس جا يلعب معي بس كنت مشعورله بمذاكره الكيمياء وماعطيته وجه راح انقهر وهجم على كتاب الكيمياء وقطعه والله ما اكذب عليكم مسكه باسنانه وقام يقطعه واخذ بعيد عني وتخبا تحت السرير وانا مو قادره اشيله من ايدينه كان منسجم في اللعب مرررره الله ياخذ لعبه كانه يقاتل مايلعب.. وهذا زعتر الصغير الكبير لانه عمره 9 شهور ومازال صغيرا جدا بس اسنانه وعضلاته قويه جدا ... اما تكتك فهو اكثر قط احس انه يكلمني صدق وكل ما قوله كلمه يرد عليه بصوت منخفض وكانه يرد على كلامي واحس انه اجمل قط بلدي رايته في حياتي فهو يسحرني بعينيه الواسعتين ووجهه المطبق هذا القط فيه ميزه عن الباقين ممكن يجلس يناظر في عيوني لمده عشر دقائق بدون ملل كنت اعتقد ان القطط تعتبر النظر في العيون تعبيرا عن العدوانيه ولكني اكتشفت ان هذا القط ينظر في عيني ليتعرف على حالتي ويشوفني مستعده انومه في حجري ولا لا خخخخخخخخ والله انه قط خطير واللي مايعرف هذا النوع من القطط لن يجد المتعه الحقيقيه في تربيته .... طولت عليكم لكني اعتبر هذه القطط الخمس هي اسرتي الثانيه التي الجأ لها في وقت ضيقتي وفراغي |
رد: ღ فــضـــفـــضــه قــطــطــيـــه ღ
موضوع جمميل أنا جولييت بس تشوفني لآبسة عبآتي تنتظر عند الباب تعرف اني طالعة ماشاء الله ذكيةة <3 |
| جميع الأوقات بتوقيت GMT +3. الساعة الآن 09:06 PM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو