منتديات تو زوو - خـــزم الحـمام ولماذا يخـــزم

بسم الله الرحمن الرحيم

طريقة خزم الحمام

مامعنى خــزم الحمام ....؟؟ ولماذا يخــزم الحمام ..... ؟؟

غواي الحمام الطاير ونش وكش الحمام

اولا : طبعا بعد تدريب الزغاليل على الطيران واعطائهم سلاكة لكى يكون بعظهم مع بعض

بالسلاكة او المسطبة لكى يكونوا متماسكين وعارفين بعضهم البعض وحافظين بعض طبعا وبعد تدريبات

الطيران والتدريبات القاسية .. طبعا ابتدى يظهر الولاد من البنات طبعا هنتركهم مع بعض حتى يشببوا

وعند شبابهم سنقوم بعزل البنات نهائيا عن الشباب ونعطى كل شاب عين او باب او مبيت ويكون

ده بابه الخاص الذى يبات فيه طبعا

ملحوظة

عند وضع الشبابات كل شاب فى باب يجب واكرر يجب أن لا يرى الشاب الشاب بالعين اللى جنبه

لازم يوضع مابين الشبابات فى العيون كرتونة أو ابلاكاشة أوصاجة أو خشب بحيث لايرى بعضهم

البعض أما اللى أسفل منه فاجعله يراه عادى او اللى فوق منه عادى او فى توازى العيون بالعرض

عادى جنب بعض لأ ليه لأ .......؟ لان شاب الحمام طول اليوم والنهار والسنين عندما يلاقى شاب

حمام أخر بجانبه ممكن يأخذون بعض كذكر وأنثى ويتعاملون مع بعض معاملة الازواج طيب وهيأثر

فى أيه .....؟ أقولك هيأخذون بعض هيطيرون بعيد عن مجموعة الحمام وهيصقفون فى الطيران

طبعا ده كده لو حصل هتاخد واحد وتبيعه منهم أو أو أو أو تخــــزمهم أو تخــزم واحد

بص يا صديقى

خزم الحمام ده بيتعمل مع الحمام القديم أوى اللي واخد على الغية أوى وبالأخص شهر 3

لأن شهر 3 بيكونوا الذكور عمالة تشخور وبتزووم وعاوزة أناث لكي تتزوج أو بيشخوروا على بعضهم

البعض طيب بيعملوا ليه كده بيعملوا كده لأن حضرتك تكثر من فتحهم بالنهار وأثناء الظهيرة

لأنك وريتهم أنثى أو سايب ذكور بعيون جنب بعض فبيشخوروا ....

طيب وده بيأثر فى أيه

أقولك بيأثر لما تكون عاوز تجــر الحمام أو تكشه أو تكرشه أو تطيره لا يريدون الطيران وعاوزين يطيروا

جنب الغية ولو رفعتلهم علم أو راية أو نسر أو صقر نزل عليهم لا يريدون البعد عن الغية خلاص أتربطم

بسلاسل ومش هبيعدوا بعيد .

طيب أنا عاوز أطير عاوز حمامى يدخل مع الغاوى ده وده وده

أعل أيه؟

أخزم الحمام

اذاى ده ياجماعة عبارة عن حلقه الومنيوم موجوده عند بتوع الحمام بتتحط فى مناخير الحمام

الذكور بس اللى بتشخور وبتزوم كتير بتكون عن دايره فى الجلده الخارجية لمناخيره وده بيخليه

يتلهى وينشغل بالحلقه اللى عنده طبعا بتكون مفتوحة وبتركبهاله بخرم بمنخيره ذى التكت اللى

على ودان البقر الفريزيا بس دى حلقة ...صراحة دورت عليها فى صور جوجل بكل الكتابات لم أجدها

وان شاء الله سأعرضها لكم .