|
ببغائي فرخ كوكاتو جالا حجـل ذهبـي ارجو المساعده
السلام عليكم
انا بصراحه من شهرين اشتريت فــــرخ كوكـــاتو جالا الي وردي و رمادي حجــل ذهبــي وعمره كان 8 شهور يعني تقريبا عمره اللحين 10 شهور او 10 شهور و نص وللحين ما يتكلم طبعا ولا حتى يصفر او يطلع صوت الا من قبل اسبوعين بدا يطلع صوت بس غريب حتى توقعناه انه صوت باب الالمنيوم يفتح ويسكر :confused: واكتشفت بالاخير انه هو طبعا هو جدااا لطيف ويحب المسح على راسه بشكل جنووووني ولا يعض ابد ويرقص بهز رقبته ويرضى المسه لكن ما يرضى يركب على يدي لازم خشبه او عود او شي جرببت ادربه على هالشي ولكن المشكله انه ما يهمه الاكل لما اجي اعطيه كـ مكافئه اقرب له الحب الشمسي لمنقاره ولا يفتح فمه ابد بس ينزل راسه يعني امسحي على راسي جربت مره ومرتين ولا فيه فايده هو بس مدممن مسح راس عشان كذا ماعرفت ادربه او افهمه ان الي يسويه صح وهذا الي ابيه وعشان الي سواه راح ياخذ مكافئه زي الاكل.. عندي اسأله ودي اعرف جوابها من اهل الخبره وهي: 1- كيف ادربه في هذي الحاله على انه يجي يدي؟ 2- هو له حجل ذهبي بس ما فهمت وشو فايدته او وشو يدل عليه؟؟ 3- انا لما شريته قال لا تحطينه بمكان فيه تكييف ابد لازم شببه حار .. هل هذا الشي مهم وصحيح لان صرت احطه فوق جنب السطح وعشان كذا صار قليل اروح له :(؟ 4- بالنسبه للأكل هل صح مو مفروض اعطيه حب شمسي كثير و ايش انواع الفواكه والخضار والحبوب الي ممكن ياكلها؟ 5- كيف اعرف انه ذكر او انثى؟ 6 وشو الطريقه الصحيحه الي استخدمها عشان ادربه على الكلام؟؟ هذا الاسئله الي ببالي اللحين وسلاامتكم ويعطيكم كل العاااافيه واسفه على الاطاله |
رد: ببغائي فرخ كوكاتو جالا حجـل ذهبـي ارجو المساعده
مرحبا،الحجل عليه معلومات تاريخ الفقس والرقم التسلسلي والمنشأ
الذكر تكون عينه بني غامق والانثى بني فاتح حب الشمس يسبب السمنة ، عليك بهذه الاغذية الثمارو الفواكهه والبذور والبندق وذرة وبازلاء وجزر وفاصولياء والبروتين الحيواني عظام الدجاج مفيد أيضاً والبيض المسلوق تحياتي |
رد: ببغائي فرخ كوكاتو جالا حجـل ذهبـي ارجو المساعده
مشكوور اخووي علي على الرد
حبيت اسأل ميين يعرف المعلومات من الحجل الذهبي .. عندي بحجل الطير حقي هذا مكتوب CB 09 H 94 12 هل فيه احد يقدر يجاوب باقي الاسئله ويسااااعدني و الي يعرف متى موعد التفقيس كان من الارقام الي بالحجل اكووون شاكررره لكم اخواني :(:( |
رد: ببغائي فرخ كوكاتو جالا حجـل ذهبـي ارجو المساعده
1- كيف ادربه في هذي الحاله على انه يجي يدي؟
طلعه على القفص وحط يدك قدامه واشر له عشان تحك راسه بيدك الثانيه وحك راسه وبعد يدك وخله يقرب منك لين ما يطلع على يدك .. التدريب يحتاج صبر ولا تستعجل على النتايج .. اول شي خليه يكسب ثقتك وراح يصير واحد منكم. 2- هو له حجل ذهبي بس ما فهمت وشو فايدته او وشو يدل عليه؟؟ مكان الانتاج وسنة الانتاج ومعلومات الابوين. 3- انا لما شريته قال لا تحطينه بمكان فيه تكييف ابد لازم شببه حار .. هل هذا الشي مهم وصحيح لان صرت احطه فوق جنب السطح وعشان كذا صار قليل اروح له ؟ لا تذبحة بالحر .. اهم شي تحطه بمكان مافيه تيارات هوا قويه .. الكوكاتو بانواعها ببغاوات اجتماعية واذا خليته لوحده وما تروح له بيجيه حاله نفسيه ويموت. 4- بالنسبه للأكل هل صح مو مفروض اعطيه حب شمسي كثير و ايش انواع الفواكه والخضار والحبوب الي ممكن ياكلها؟ لا تقطعة عنه ولا تعطيه كوجبه اساسيه لان الحب الشمسي والمكسرات بشكل عام فيها نسبه زيوت عاليه وراح يسمن .. احسن شي تعوده على البالتس وخضار وفواكه طازه كوجبه والمكسرات وقت التدريب او لما يتكلم تعطيه كمكافأه .. بالنسبة للخضار والفواكه واكل البيت عطه كل شي ما عدا (البصل-الثوم-حبوب التفاح-الاوفاكادو-الشوكلاته) .. الجالا اللي عندي يموت في القهوه العربي والرطب. 5- كيف اعرف انه ذكر او انثى؟ صعب تعرف اذا مافيه تحليل DNA لكن اذا لك خبره في لون عيون الكوكاتو تكون عين الانثى افتح بدرجة بسيطة عن الذكر وبما ان الكوكاتو اللي عندك انتاج 2012 صعب تحدد لانه كل ما تقدم بالسن تعرف ذاك الوقت تفرق. 6 وشو الطريقه الصحيحه الي استخدمها عشان ادربه على الكلام؟؟ طريقه واحدة (انه يسمع سواليفكم) وين مافيه جمعه في البيت حطه بينكم كل ما يسمع كل ما يخربط بالكلام. |
رد: ببغائي فرخ كوكاتو جالا حجـل ذهبـي ارجو المساعده
1- كيف ادربه في هذي الحاله على انه يجي يدي؟
جرب طريقة التجويع .. 3-4 ساعات مافي أكل وراح ياخذ الأكل من يدك إن شاء الله 2- هو له حجل ذهبي بس ما فهمت وشو فايدته او وشو يدل عليه؟؟ الله أعلم 3- انا لما شريته قال لا تحطينه بمكان فيه تكييف ابد لازم شببه حار .. هل هذا الشي مهم وصحيح لان صرت احطه فوق جنب السطح وعشان كذا صار قليل اروح له :(؟ عادي يقعد في البيت مافي مشاكل وفي غرفة مكيفة بس مب برد شديد أو قدام المكيف 4- بالنسبه للأكل هل صح مو مفروض اعطيه حب شمسي كثير و ايش انواع الفواكه والخضار والحبوب الي ممكن ياكلها؟ أفضل شي خلطة الحبوب المشكلة + فواكه مرة أو مرتين فالاسبوع (تجنب الأفوكادو وبذور التفاح لأنهم سامين للطيور) واقرا في المنتدى مواضيع عن الأكل المناسب للطيور 5- كيف اعرف انه ذكر او انثى؟ تحليل DNA 6 وشو الطريقه الصحيحه الي استخدمها عشان ادربه على الكلام؟؟ يا تحطه بينكم فالصالة وهو يسمع .. أو تلقنه الكلمة ربع ساعة الصبح وربع ساعة العصر وربع ساعة قبل النوم (ممكن يطول الموضوع بس اصبر) والسموحة على القصور |
رد: ببغائي فرخ كوكاتو جالا حجـل ذهبـي ارجو المساعده
اقتباس:
09H 94 الرقم التسلسلي CB مكان المنشأ نادي أو جمعية مختصان بالطيور |
| جميع الأوقات بتوقيت GMT +3. الساعة الآن 09:16 AM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو