منتديات تو زوو

منتديات تو زوو (http://www.2zoo.com/vb/index.php)
-   سؤال وجواب لقسم هواة الببغاوات (http://www.2zoo.com/vb/forumdisplay.php?f=73)
-   -   هل ممكن اربي ببغاوات بالحوش ( فناء خارجي ) (http://www.2zoo.com/vb/showthread.php?t=360126)

متعب1069 15-07-2016 10:11 AM

هل ممكن اربي ببغاوات بالحوش ( فناء خارجي )
 
بسم الله الرحمن الرحيم
السلام عليكم ورحمة الله وبركاته
اخواني بختصار شديد انا عندي استفسار بسيط وياليت تفيدوني بخبرتكم
سوالي زي ماهو موضوح بالعنوان :- هل من الممكن اسوي لي قفص كبير بمساحة تقريباً طول 5م وعرض 2-2،5 م
وارتفاع 2م بحديقة موجودة عندي بالبيت ؟؟
علماً اني من سكان الرياض الحراره بالصيف توصل 40 درجة وبالشتاء توصل قريب 5 درجات
{ اضيف الى اني لو بسوي القفص هذا بيكون سقفه مسكر بمظلة او ماشابة لعزل الحرارة قدر الامكان }
واسف على الاطالة

الكاسر 123 15-07-2016 10:30 AM

رد: هل ممكن اربي ببغاوات بالحوش ( فناء خارجي )
 
كنت بسوي مثلك لاكن شفت حرارة الجو بالصيف بالحر الظهر توصل ظ¤ظ¥ وكنسلت الفكره
وحطيت القفص بالصاله ابرد في الصيف وادفى في الشتاء

متعب1069 15-07-2016 10:34 AM

رد: هل ممكن اربي ببغاوات بالحوش ( فناء خارجي )
 
اخوي الكاسر انا مقدر اخليه بالبيت لو اقدر كان زين

احمد قطريب 15-07-2016 10:52 AM

رد: هل ممكن اربي ببغاوات بالحوش ( فناء خارجي )
 
يمكنك تكيف القفص ، بمراوح او حتى بالمكيف ، وفي الشتاء يمكنك وضع مدفئة حرارية تعمل على المراوح بفترات متقطعة كل ربع ساعة مثلا ،واكثار الاشجار والنباتات المورقة لانها تعمل كمبرد صيفا وعامل حرارة شتاء ، قم بتغطته قدر الامكان، لو كان بامكانك وضعهم بغرفة مخصصة تصلها اشعة الشمس صيفا وشتاء كان زين

الكاسر 123 15-07-2016 10:57 AM

رد: هل ممكن اربي ببغاوات بالحوش ( فناء خارجي )
 
طيب اخوي فيه فكره تحطه برى في الحديقه
بس تعمل له رذاذ ماء مثل الي في الكفيات تشغله على فترات او في النهار حصلتها مره في شارع سلام في الرياض وفيه انواع وماركات وفيه الرخيص وفيه الغالي وتقدر تركبه انت مايحتاج فني

او تحط مكيف صحراوي يبرد المكان بس تبعد عنه التيار الهوائي مايكون موجه له


اما في الشتاء

تفصل طربال يكون ضد الماء على مقاس القفص يكون تحط في وقت الشتاء والامطار

ادرس الفكره قبل تبدا واسئل عن التكلفه في المحلات وتوكل على الله

والله يوفقك

متعب1069 15-07-2016 11:13 AM

رد: هل ممكن اربي ببغاوات بالحوش ( فناء خارجي )
 
الله يجزاكم خير يا اخواني على مشاركتكم
بس من ناحية التدفئة ما اقدر لانه بيكون بحديقة البيت وكان بودي احط صورة للحديقة عشان تتضح الصوره اكثر بس
ما سمحت الظروف ومن ناحية الرذاذ فكرة حلوة وان شاء الله قابلة للتطبيق
لكن انا افكر بالحر هل ممكن يتحملة الطير اذا كان المكان مظلل وعلى السقف عازل حراره؟

AVOCADO 18-07-2016 09:02 AM

رد: هل ممكن اربي ببغاوات بالحوش ( فناء خارجي )
 
بوجهة نظري صعب , الأجواء بالرياض نار مشتعله وراح ترهق الطير وتتعبه

بوسلمان 18-07-2016 05:32 PM

رد: هل ممكن اربي ببغاوات بالحوش ( فناء خارجي )
 
انا مربي درة في الحوش وحاط لهم مروحة ومكيف والامور ماشيه ولله الحمد بس اهم شي يكون المكان ظل

تركي111 04-08-2016 08:16 PM

رد: هل ممكن اربي ببغاوات بالحوش ( فناء خارجي )
 
اخوي متعب انامسوي لي قفص طيور حجمة مناسب جداً ويوجد شلال داخلي لي تقريباً ( 3 سنوات )ف الحوش طبعاً ويوجد تكييف صحراوي .... لكن حسب خبرتي البسيطة انها تناسب فقط للطيور من (الدره وتحت ) انا اكلمك عن الروز وطيور الحب والكروانات ،،،اما الببغاوات الكبيرة مثل / الافريقي _والامازون _والمكاو _والكوكاتو ....ماراح تتحمل سواءً حر اوبرد ... الا بإستثناء كانك تبي تهيئ لهم اجواء مثل الرذاذ _واغلاق القفص _وعمل عوازل _وف الشتاء كذلك تدفة ودرجة حرارة ...مناسبة وشكراً.


جميع الأوقات بتوقيت GMT +3. الساعة الآن 03:35 PM.

Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو