سؤال في السريلاك
 

السلام عليكم عندي كاسكو عمره بين ال5-6 شهور معلمه سريلاك طيور من نوع معين و الشهيته للسريلاك 100٪‏ ولكن في الفترة الاخيرة خفت شهيته للسريلاك عن قبل و الحين اجوفه كلش ولا يبي يذوقه اصلا ف قمت اخلط الموز مع السريوفعلا نفع الحل وياه
ولكن السؤال هل استمر على ذي الشي ولا ابدل السريلاك ولا الطير في شي
وجزاكم الله خير

رد: سؤال في السريلاك
 

اهلين اخوي
طيب يالغالي زين انه فطم روحه بنفسه ماجبرته انك تمنعه عنه
انا عندي كوكاتو قالا عمره خمس شهور فطمته من شهر تقريبا
لازم ياكل حب وفواكه ومغذيات افضل
ابد لاتشغل بالك يالغلا اكله بذور وفواكه ولاتهمل عنه الجزر
يعوضه عن اي فيتامين ناقصه
بالتوفيق

رد: سؤال في السريلاك
 

طيري يحب الفواكه بس ماكثرله فيهم لان عن تجربه يصيده سهال ، عندي مشكله وحده بس في ذي المسألة انه لا ياكل السيريلاك ولين يحاول ياكل الحب مايعرف يتصرف فيه يا يقشر وتطيح الحبه او ياتطيح الحبه بكبرها و نفس الشي مع الفول السوداني بس احاول ذي الوقت شوي اقشرله الحب واخلي الب مع الاكل ماله

رد: سؤال في السريلاك
 

عادي يالغالي تاكد
طريقة اكله للحب كثير طيور صادفتها في منها عندي
ومنها بعتهم تاكل وتطيح يقوم ياخذ الثانيه وتطيح المهم علبته مشكله
من حب وللوز وفستق جيب له كونتري كورن فلكس مغذي رايق
العنب في اليوم حبتين
جيبله عظمة ظهر الحبار اقوى كالسيوم
انت لو تدقق وانا اخوك في هالامور البسيطه بتتعب
الببغاء مزاجي
عندي ببغاء له عندي سنين بعض الاحيان مايقبل حتى انسح على ظهره
فانت لاتدقق في هالامور البسيطه
وزين انه فطم نفسه من السيرلاك والغر
خلي السيرلاك في الاسبوع مرتين
وعطيه حبوب منوعه وخاصة
في حبوب انا استخدمها لكل طيوري وهي
زوبريم
كل الطيور تحب الانواع اللي فيها
وبالتوفيق يالغلا

رد: سؤال في السريلاك
 

اهو المشكله انها اول تجربه لي اني اخذ فرخ و يحتاج عنايه وايد وغالب الامراض يموتون فيها فمن جذي وايد ادقق اضافه ان اسعار البيطري وايد غالية بعد ما اقفلو البيطري الحكومي في البحرين
وغير ذي الطير ما اكل الى القليل من امس ومب عارف لي متى وياه :)