|
كيف الاقي صرفة لحماماتي
السلام عليكم
اسعد الله مسائكم وغفر لنا ولكم في مساء هذا اليوم العظيم يوم الجمعة المهم يا اخواني واخواتي انا عندي عدد كويس من الحمام ويتوالدو ويتكاثرو ما شاء الله دائما واحنا دبحنا منهم كتير وازهقنا أكلهم هلا انا بلش يصير عندي عدد اكتر من اول وكلهم بدهم احتياج كبير من الاكل كلما زاد العدد كلما زادت كمية الطعام وانا صراحة حابة الاقيلهم صرفة عن طريق البيع قلت لأبي بس ابي مش حابب يبيعهم حاببهم بس للأكل والاقناع معه صعب المحاولة معه على الفاضي ازا حط في راسه قرار ما يغيره لو شو ما صار:( بس هدول حماماتي وانا اكتر اشي اعتني فيهم وحابة كمان اني استفيد من ورائهم غير الاكل وفي عندي حمام حاسه وجوده مش لازمة غير انه يستهلك اكل وبس :64: وفي البيت شجعوني خواتي اني ابيع منهم وانا كمان حابة ابيعهم بإيدي ازا ابي رفض ما اقدر الجأ لغيره انا احب اعمل شغلتي بإيدي ونزلت يا جماعة الخير انا واختي على اكتر من محل واحنا اصلا ما في عنا محلات كتير قلييييل لما تلاقي هلأ احنا عنا السعر الفرد ب10 والجوز ب20 طبعا هادا البلدي وهو سعر ثابت بجميع المحلات وانا سألت كل محل قبل ما أعرض عليه البيع هلأ انا اول محل رحت عليه قاللي باخدهم ب15 ما أعجبني وتاني محل ما ببيع بس حابب اجيبله ويشوفهم والمشكلة بدو كمية كبيرة مش اكم حمامة وتالت محل بياخدهم ب10 او 12 قلتله ما بنفع قاللي وانا كمان ما بربح فيهم وازا حد حب يشتري من عندي برخص ل17 وازا اعجبهم بياخدهم أكتر قاللي جيبيهم واتوكلي على الله وطبعا فش غير هالمحلات اوالمشكلة عنا التجار غشاشين وبخلاء صراحة وحتى جارنا لما كان يبيع للتجار الحيوانات كان يشكي انهم ما يرضو ياخده الاشي الا بسعر ارخص من السعر الحقيقي بكتير فش الا انت تقعد وتفتحلك محل وتبيع عراحتك هلا في وحدة دلتنا انو برا مدينة الخليل بتلاقي ناس بتشتري ويقولو انو التعامل اصدق بس المشكلة المكان بعيد عن الخليل وانا ما اعرفه لسه وازا بدي اعرضهم بالمنتدى ما أشوف حدا من فلسطين المعظم من دول الخليج ومن الاردن والله متحيرة وزعلت شو اعمل لازم الاقي حل لبيعهم وكيف تقدرو تساعدوني قالولي خواتي اصبري لقدام بلكي تكوني اوعى وتعرفي ناس اكتر لما تروحي لمجتمع تاني وبما اني رح أدرس زراعي ان شاء الله رح الاقي ناس زراعيين ويفهموا وانا رح وقتها افهم بالمجال الزراعي اكتر انا حاطة املي بربنا ايش تقترحو علي من خلال موضوعي واللي قلته وكيف ممكن تساعدوني |
رد: كيف الاقي صرفة لحماماتي
طب مادام الوالد ما عنده مشكلة هههه وهو متكلف ب مصاريهم انتي شو الي دايقك ههههههههههه .. المهم : انتي وزعي منهم الحمام الي ما تريديه ابدا مثلا انثى لوحدها ذكر لوحده زغاليل لوحدهم .. وزعيهم عالناس الفقراء مثلا 3 اجواز هنا و3 اجواز هناك خليهم طيبين وهما يتصرفو فيهم ممكن تفرحي طفل حابب يكون عنده حمام ممكن تأكلي ناس مو ملاقين يشترو دجاجه .. وخلي عندك الحمام الي تحبيه والوانه حلوة والي يكون صحته تمام والي يكون ممتاز في الأنتاج . انا نصحتك يعني .. وما بعرف عن ظروفك انتي بدك تقطعي التربية نهائيا ؟ ولا ايش وهذا شي يرجعلك بس اكسبي الأجر فيهم اذا بدك تبيعيهم ب رخص اجر وثواب عند الله اعظم . بالتوفيق اختي العزيزة .. وحابب اقولك فيه قسم بيع ب المنتدى وفيه قسم تبني . :) |
رد: كيف الاقي صرفة لحماماتي
السلام عليكم ورحمة الله وبركاته
كلام اخى بيرد صحيح مية بالمية ما دام الوالد مهتم بتكاليف التربية خلاص يعنى ما فى عليكى ضرر وكلام اخى بيرد انك تعطيهم لاحد محتاج وما معه فلوس او تتبرعى بيهم لوجه الله كصدقة بيكون ثواب واجر ليكى ان شاء الله وايضا ممكن انك تبيعى العدد الزيادة عن اللزوم يعنى مثلا انتى كل شهرين بيكون عندك 20 زوج زغاليل "ما ادرى كم عدد حمامك المنتج ولكن على سبيل المثال" بتذبحى مثلا 10 ازواج وتخليهم للاكل وللتفريق على الاحباب والاقارب وبتتبرعى ب4 ازواج مثلا للخير وال6 ازواج الباقية بيعيها للتاجر اللى قال لك بشترى ب15 الزوج على الاقل بتجمعى شوية فلوس وعلى رأى المثل خسارة قريبة ولا مكسب بعيد لانك كدة كدة ما راح تستفادى منهم وبياكلون على الفاضى فانت حاولى تستفيدى لاقصى حد ولكن لا تخسرى كثيرا يعنى خلى اكبر عدد من الازواج لكى عشان تاكلين منه والباقى اتصرفى فيه مثل ما قلت هذا رايى اتمنى يكون عجبك تقبلى مرورى |
رد: كيف الاقي صرفة لحماماتي
لا اخي بيرد ابي عنده مشكلة في بيعهم الله يعدل عقله يا رب
بس فكرة عجبني اقتراحك انو اوزعهم للناس الفقراء انا قاعدة بفكر بالموضوع رح اشوف ناس ان شاء الله ورح برضو اسعى اني استفيد منهم من خلال البيع رح الاقي اكتر من طريقة في اني استفيد منهم مرة لكسب الاجر والثواب عن طريق اعطاء نا وربنا طبعا اللي يتقبل ومره للأكل لانو برضو والدي يعشق لحمهم وانا والله برضو احبه وأعرف أطبخه وخواتي يحبوه ومره للبيع ازا بلاقي ناس كويسين ومن دون غش ان شاء الله الاقي لسا انا صغيرة وما توسعت بالمجتمع ما اعرف لا بالتربية ولابالناس كتير لا طبعا انا ما رح اقطع تربيتهم لاني بحبهم كتييييييير وما بستغني عنهم ورح اخلي زي ما قلت الكويس منهم وان شاء اطور واعرف بتربيتهم اكتر بس اقلك صراحة هو انا احب شغلة الحيوانات وحابة استفيد منهم بأكتر من طريقة مع اني اول ما جبتهم ما كان هدفي منهم التجارة كان هدفي التسلية فقط بس بعديها طورت منن الاكل ثم للتجاره بس برضو ممتاز اني بدور على اكتر من طريقة بس برضو لازم يكون عندي معرفة بالامور اكتر بالمنتدى يا اخي ما اشوف حد من فلسطين الجميع من الرياض والسعودية واخيرا شكرا اخي بيرد لمرورك ونصائحك فكرتك كمان ممتازة |
رد: كيف الاقي صرفة لحماماتي
شكرا اخي WORLD OF ANIMAL كلامك كتير عجبني
واقنعني انت كمان برضو رأيك صحيح ميه بالميه والحلو انكم انت واخي بيرد دخلتم على راسي فكره جديدة اني اعطي لناس وأفرق وادبح برضو هي نوع من الافادة ودخول الاجر اللو هو افضل من المال وبرضو اقتنعت كمان لو بيعهم بأقل لانو التجار اصلا مع الجميع ما يقبلو ياخده نفس السعر دائما ياخدو اقل حتى والدي لما كان يشتري اشي وبده يبيعه او يتخلص منه ما يرضو التجار الا باقل من السعر الحقيقي ووالدي يتوكل على الله لانو بده بمعنى لآآخر صرفه للحيوان اللي عنا شكرا كتييير لتقديم المساعدة.... افكاركم بناءة أكتر من أفكاري |
رد: كيف الاقي صرفة لحماماتي
عفكرة فوائد لحم الحمام رهييييييبة لقوة الدم وغيرها من الفوائد يعني فيه ناس يتمنو انهم يأكلو فقط زغلول ! يعني انتي ب نعمة عظيمة . :) |
رد: كيف الاقي صرفة لحماماتي
اتبرعي بكم زغلول لكبار السن بالذات , لفائدتها لهم
انا شخصيا نادر ما اكل منهم رغم اني اطعمهم مني واتعب عليهم لكن اغلبه اربيه والي يطلب مني من الجيران اعطيه من غير فلوس وهيك اكسب الأجر والثواب بالمناسبه انك تجعلي بعض الطيور احرار هو ايضا فضيله :) وتعطيك الثواب |
رد: كيف الاقي صرفة لحماماتي
ما شاء الله الاخوان ما قصروا
لكن في شغلة انه لما تبيعي لتاجر لازم تبيعيه بسعر ارخص من سعر السوق حتى هو يكون عنده هامش للربح يعني من غير المعقول تبيعيه ب 20 وهو يبيعه ب 20 ما راح يستفيد شي وبما انه الحمام انتاجك لو بعتي على 12 او 15 فيكون ممتاز وانا كنت اشتري جوز مثلا ب 70 دينار اردني ما يعادل تقريبا 100 دولار وابيع انتاجهم ب 50 فهاد هو المنطق بالتجارة وربي يباركلك ويرزقك مع خالص تحياتي |
رد: كيف الاقي صرفة لحماماتي
الله يسعدك عمو والله انك اسعدتني بردك وكلامك بدخل الراس وهلا اقتنعت انو هادا المنطق لانو التجار كلهم نفس الشي
|
رد: كيف الاقي صرفة لحماماتي
العفو عمو
والحمد لله انه ريحتلك بالك، وحطي حالك محل التاجر المرات الجاي هههههههه مع خالص اتحياتي وتقديري واحترامي |
| جميع الأوقات بتوقيت GMT +3. الساعة الآن 02:23 PM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو