منتديات تو زوو

منتديات تو زوو (http://www.2zoo.com/vb/index.php)
-   سؤال وجواب لقسم هواة الببغاوات (http://www.2zoo.com/vb/forumdisplay.php?f=73)
-   -   اشتريت ببغاء أليف جدا مع راعيه .. شديد الكره و العداوة معي (http://www.2zoo.com/vb/showthread.php?t=241527)

محمد نواس 08-10-2011 11:28 PM

اشتريت ببغاء أليف جدا مع راعيه .. شديد الكره و العداوة معي
 
السلام عليكم

اشتريت قبل 3 أيام ببغاء بلو فرنتد ... أليف جدا مع راعيه في السوق ... يقول له اطلع ويطلع على ايده ...
ولما اشتريته وجبته للبيت .. احط ايدي عنده واقول له اطلع وبدل مايطلع يعض عض الله لايوريكم .. ماشاء الله مشكبية مهوب منقار تبارك الله:rolleyes:

الحقيقة .. الببغاء عنده مبدأ ( مايرد الكريم إلا اللئيم ) فهو ياكل من ايدي مايقول لا .. لكن ياويلي سواد ليلي لو قلت له اطلع ( لانه يفهمها ويدري اني ابطلعه علي ايدي) .. أول مايسمع الببغاء كلمة ( اطلع) يقول لي سولت لك نفسك ..وعلى طول ياخذ له عزم وعينك ماتشوف إلا المنقار ناتف ايدي نتف ....هستر بي ياجماعه:(

المهم انا ومن باب ( قو أنفسكم وأهليكم ) اشتريت لي مشد من الصيدلية لعله يخفف من عضته .. لكن ببغاي طلع رخمه صار أول مايشوف ايدي يزبن ويركض تقول شايف له سعلو..:eek: وعشان كذا اجلنا شغلنا مع القفازات

كان معي ريموت التلفزيون ومديته للبغاء ابيه يغير قناة الجزييرة ... امزح:shy: كنت ابشوف يعض ويهاجم الريموت ولا بس جوده على ايدي ... المهم ومالكم بالطويلة .. دارت معركة حامية الوطيس بين الببغاء والريموت ...يهاجم الريموت مهاجمه والله اني خفت منه .... وبالحلقة الاخيرة فاز الريموت لاني انا الحكم وحاقد على الببغاء فطبيعي اني اخلي الريموت منتصر<< كف .... بعد المعركة ويوم شفت عنفه قررت اني احبسه بالقفص ما اطلعه الا بعد كم يوم

سؤالي ياشباب باختصار .... هل فيه أمل الببغاء يصير أليف معي زي ماكان مع راعيه ؟؟ مع العلم إن عمره تقريبا 5 سنوات ....ولا بس ابيعه
ونصايحكم تكفون ... ومشكورين مسبقا

ملآكـ 09-10-2011 12:24 AM

رد: اشتريت ببغاء أليف جدا مع راعيه .. شديد الكره و العداوة معي
 
اخي الكريم

اهو تووه مسكين له 3 اياام ااكيييد وربي العاالم خاايف من المكاان

نصيحتي لك

حطه في مكاان مرتفع شووي بحيث يطاالع اهل البيت

واحرص انك تغير الموويه والاكل بنفسك

لقراابه الأسبووع او الأسبووعين تقريبا

لين يألف المكاان

وبالتووفيق

اختك

ملآكـ

الكاسكو تومي 09-10-2011 12:31 AM

رد: اشتريت ببغاء أليف جدا مع راعيه .. شديد الكره و العداوة معي
 
تصرفاته طبيعيه لانه انت جديد عليه ومايعرفك انت اتركه ع الاقل اسبوعين لشهر بس تغيرله الاكل والماي لحد مايتعود عليك

ويتعرف على اهل البيت وخليه بمكان مرتفع فوق طاوله مثلايتفرج ويراقب من بعيد لبعيدلحد مايتطمن ويرتاح لمكانه الجديد

kitty 09-10-2011 05:45 AM

رد: اشتريت ببغاء أليف جدا مع راعيه .. شديد الكره و العداوة معي
 
واااااااااااي تبيه ...!! من جدك ,,,,
ليه اخوي الاستعجال ماشاء الله تبارك الله مبين انه طير ذكي
زي ماقالوا الاخوان اصبر عليه وانا اقول بلكثير اسبوع ويتعود عليك لا تنسى انه اكيد فقد راعيه الاول ....
حس فيه بس ....
نسيت ....مبروك عليك الطير وعقبالي يارب

O.habeeb 09-10-2011 02:17 PM

رد: اشتريت ببغاء أليف جدا مع راعيه .. شديد الكره و العداوة معي
 
1000 مبروك
نصيحتي حاول تاكلو بيدك عشان يحبك

محمد نواس 09-10-2011 07:05 PM

رد: اشتريت ببغاء أليف جدا مع راعيه .. شديد الكره و العداوة معي
 
ملاك الف شكر لردك وماقصرتي وفعلا انا رافعه فوق وعسى الله يهدي نفسه ويركد علينا الولد لاني اشوفه بدأ يهاجمني لا قربت له ههههه... وين الألفه والطيب اللي فيه يوم اشريه ...


تومي شكرا لك لرددك وفعلت بنصيحتك وبنشوف النتايج



كيتي الله يبارك فيك وشكرا لردك وانا حاس فيه بس عسى هو يحس بي



حبيب شكرا لردك وابسوي اللي تقول عنه




تصدقوون بدل ما أروض الببغاء هو اللي روضني هههههههههههههههه

*هاوي البادجي* 09-10-2011 07:18 PM

رد: اشتريت ببغاء أليف جدا مع راعيه .. شديد الكره و العداوة معي
 
اولا مبروووك

علييك الطير نوع جميل جدا


نصيحه مني

وامانه سوها

علشان ما يسير وحشي طول العمر

حطه بمكان


مرتفع شوي

ويكون دافيئ


وعطه اكل مشكل

يبيعونه

وحط العاب بالقفص

ولا تحوشه كلش


خله اسبوعين بعدين بيتعود عليك

صدقني



اخوك فواز

S I L V E R 09-10-2011 08:25 PM

رد: اشتريت ببغاء أليف جدا مع راعيه .. شديد الكره و العداوة معي
 
كل اللي في طيرك خوف فقط مسألة وقت و يتعود على المكان واهله و تنبسط منه

نفذ كلام فواز و خلال هالفتره تكلم مع الطير و اكله من يدك وطلعه برا القفص يتمشى ويتمغط :d

الالعاب ما ادري ممكن تسوي له رعب لكن جرب ولو شفته خايف اجل الفكره شوي لين يصير فيه ثقه بينك وبينه

Luck 09-10-2011 09:24 PM

رد: اشتريت ببغاء أليف جدا مع راعيه .. شديد الكره و العداوة معي
 
ألف مبروك اخوي ,
اكيد يا اخوي يكون خااايف اول يوم له , انا شريت كاسكو من اسبوعين كان بجعر و يعض اليوم بحط اصبعي عند منقاره و ما يسوي شي و الحمده الله
كل شي يصير لو تصبر شوي .

محمد نواس 15-10-2011 10:45 PM

رد: اشتريت ببغاء أليف جدا مع راعيه .. شديد الكره و العداوة معي
 
أخواني الكرام هاوي البادجي وسيلفر ولك

اشكر لكم نصايحكم ومشيت عليها


ولــــــــــــــــــكــــــــــــــــن ... الان الببغاء زادت وحشيته وصار يهاجم هجووووم ... اول كنت اخليه يدوج بالصالة وكان يجي لمي ويرقى على كتفي .. والحين صار يجي عندي وبدل مايرقى على كتفي يدور اصابع رجلي ولا ايدي على شان يهجم ... ياناس الببغاء هبل فيني ههههههههههههه
عسفني بدل ما أعسفه ...

حطيت له لعبه بالقفص وصار يلعب فيها .. جبت له اكل مشكل .. واعطيه من ايدي فواكه وحركات .. ولكن مااااش .. وش رايكم


جميع الأوقات بتوقيت GMT +3. الساعة الآن 11:18 AM.

Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو