منتديات تو زوو - حدث في 15 أبريل /// دجاجتي طار عني في البر :(

منتديات تو زوو (http://www.2zoo.com/vb/index.php)

- قسم هواة الببغاوات (http://www.2zoo.com/vb/forumdisplay.php?f=31)

- - حدث في 15 أبريل /// دجاجتي طار عني في البر :( (http://www.2zoo.com/vb/showthread.php?t=214890)

حدث في 15 أبريل /// دجاجتي طار عني في البر :(

بعد الدلع والاهتمام والرعايه الخاصه والتفكير حتى بالاحلام يجيني
والخوف عليه حتى اكثر من الولد :o
والقفص الجديد توي شريته علشان يتوسع بالنوم والا بالنهار هو برا القفص :confused:

http://up4.al-qatarya.org//uploads/i...949078238b.jpg

http://up4.al-qatarya.org//uploads/i...b96c3f759a.jpg

طلعنا اليوم البر وريشه مقصوص يطير لمسافه بس ارتفاع قليل وريشتين توهم طالعين
طلعته من القفص علشان يستانس ويفرفش :o

http://up4.al-qatarya.org//uploads/i...fc9ba4da2d.jpg

http://up4.al-qatarya.org//uploads/i...fdf05416bc.jpg

http://up4.al-qatarya.org//uploads/i...84ae872c2d.jpg

والنتيجه طلع على راسي وطاااااااااااااااااار بالبدايه ماصدقت توقعت اوبه ويوقف :eek:

تفاجأت انه ماوقف وماعدت اشوفه بين المنخفضات لان البر مب متساوي كثير

صدمه بين مصدقه ومكذبه عيوني

واول ماخطر فبالي كيف بتمشى الايام من غيره :confused::o
7 شهور تعودت اصحى بدري علشانه وقتي مرتب له وقت اللعب وقت النوم وقت التمشي
من اقوله اوبه ويجيني ومن اقوله بوسه ويبوسني ومن اذا خاف من اهلي هرب لي واذا سمع صوت مشيتي صفر لي :(

موقف لاااااااااااا احسد عليه

وقفت لاني سمعت اني اذا لحقت وراه خاف وطار
بعد مااختفى من نظري

مشيت ادوره امشي ورجولي ماتشيلني يالللللللللللللللله الارض ماوسعتني :(

امشي وامشي وعلشان المرتفعات مااشوف وين وصل واناديه
انا عارفه مايرتفع بس كل خوفي يضيعني ومااشوفه

بعده شفت كبر الحجر شي وكأني اكذب على نفسي واقول هو
لما قربت حسيت هالحجر يتحرك

صار طير جاي يمشي بإتجاهي :12::88::freind:

من الفرحه بكيت بصوت عالي ولما وصلته ضميته على صدري بقوووووه وابكي

يمكن عشر دقايق ماابعدته من حضني ولما نزلته على القفص والله ولا عليه ماكأنه هرب وقف ويرجع لي بيطلع على كتفي :eek:

بعدها عقاب رجعته القفص خفت يطير

السؤال هنا ؟؟؟؟؟؟

توقعاتكم ؟؟؟ طيرانه هروب والا اوووبه بس :D لان مافي شي يرده راح بعيد ؟؟

هل الطير او الكاسكو خاصه فعلا يخون والا احنا فهمناهم غلط؟؟

اتمنى الاجابه منكم علشان الجايات :D