ميكي ونفسيتو:(
السلام عليكم
صباح / مساء الاوركيدآ مبارك عليكم الشهر مع فجر اول يوم من ايام رمضان ، ، أسال الله لي ولكم دعوة مستجابة عند الفطور ، وأجر حجة مع نبينا عليه الصلاة والسلام ونحن ننتظر الشروق ، وأن يعتق رقابنا من النار في هذا الشهر الكريم ، وأن يبلغنا ليلة القدر ويبارك لنا فيها ويتقبل منا قيامها وركوعها وسجودها.❤️ طبعا قبل ثلاثه اسابيع كنت عند اهلي ف جده جلست شهرين ميكي كان مرا مبسوط وبيت اهلي مرا كبير ماشاءالله بس يلعب مع اخواتي واخواني ويطلع وينزل ع كيفو بس رجعت الشرقيه مرا زعلان ونفسيتو مرا مو حلوه واكلو سار مرا قليل بصراحه خوفني ليا دحين ثلاثه اسابيع وهوا ع نفس الحاله م يلعب ولا شي بس نايم او منسدح خمول مو طبيعي مرا:angry: الاعبو بكوره ولا العابو مرا مالو نفس اجيبها عند يدو مسكها بس ابعد عنو يطالع فيها ومالو تفس يتحرك مو ميكي اللي قبل للامانه سرت اخاف عليه ووزنو نزل الحمدالله سليم وما يعاني من اي مرض بس ابغا اعرف ليش كدا ايشبو اتغير خوفني مرا عليه :( |
رد: ميكي ونفسيتو:(
وكمان شعرو سار يطيح بكثره ومجموعه كبيره كمان :(
|
رد: ميكي ونفسيتو:(
كم عمره حاليا
و شوفي حرارته |
رد: ميكي ونفسيتو:(
المسي اذانه اذا حاره ولا لا
واستعملي المقياس ووفريله العاب في البيت وسويله اكثر من اكله واشتريله الاكل المكافئه عشان تلعبيه تكافئيه ل تقدري جيبي معاه قطه لانه تعود ع اللعب واللجه |
رد: ميكي ونفسيتو:(
هذا كله على ما اعتقد بسبب تغيير الاماكن شوفي درجة حرارته يمكن مريض
|
رد: ميكي ونفسيتو:(
درجة حرارته تمام الحمدالله
مواليد / تاريخ ميلاده 18 ذي الحجه .... 12 اكتوبر اخدتو انا وعمرو تقريبا4شهور او 5 يعني معقوله عمرو دحين كمل سنه ماشاءالله �� العابو بشكل م تصدقي مرا كثيره زمان كان ياكل كثير وعادي اي نوع دحين لا بس يبغا دجاج مسلوق وبيض ويموت ع التونا بس م اجيبها له مرا مكافآت اجيبلو بكثره واديه ف كل مرا يعني مو لازم يسوي شي عشان اديه اهم شي عندي ياكل بس فيه حركه يسويها ادا زعل من شي او اتضايق يحاول يخبي وجهو ف حضني او يدي المهم يغطي وجهو دا طبيعي ولا لا ترا من زمان وهوا يسوي كدا اعرف انو زعلان مرا >>> اتجنن عند دي الحركه هههههههههههه |
رد: ميكي ونفسيتو:(
لو سمحتو ياريت تردو انا ع نار نفسي اعرف ل استفساراتي كل شي
وكمان سار شعرو يتساقط بكثره وتنزل بشكل كتل كمان خوفني عليه حبيبي هوا وانا تركتو لفتره السفر دحين انا مسافره ليا يومين وهوا جالس عند زوجي طبعا راح ارجع شهر الحج ان شاء ومرا شايله همو وكمان مو قادره اجيبو احترت بقوه زوجي مو مقصر معاه وكدا بس مرا تعبت وانا افكر فيه وكمان قلت ل زوجي وديه عند البيطري يديه فيتامينات وادا فيه ل الشعر كمان جاوبوووووني بليز |
رد: ميكي ونفسيتو:(
اول شيء هل مطعم من الأمراض
|
رد: ميكي ونفسيتو:(
Octopus ايوا اخوي مطعم وكل شي الحمدالله مهتمه فيه مرا
ياليت تجاوب عليا >~< |
رد: ميكي ونفسيتو:(
اقتباس:
شكله مصاب ب اكتاب او تساقط كتل الشعر http://www.2zoo.com/vb/showthread.php?p=1511635 و اهم العلاج هو الغذاء المتوازن و الابعاد عن الالبان لفترة موقتة |
جميع الأوقات بتوقيت GMT +3. الساعة الآن 06:12 PM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو