تعالوا شوفوا فروخ الدجاج اللي شريتهم ( صور + فيديو ) حياكم بس قولوا ماشالله
السلام عليكم
حاب اوريكم الطريقة اللي اربي فيها عدد 40 فرخ دجاج في البيت اغلبهم اعمارهم قريب الشهرين انا اشوفها طريقة نظيفة مافيها ذبان ولا حشرات ولا ريحة كريهه ولا تعب في التنظيف فحبيت اوريكم شغلي وابي تعليقكم على الطريقة اللي اتبعها هم عشان نستفيد من خبراتكم ونطور نفسنا في تربية الطيور . http://www.gmrup.com/gmrup.com-9-201...2902006462.jpg القفص من الخارج تقريبا مساحته مترين في متر حطيت تحتها خشب عشان يرتفع القفص عن الارض وحطيت تحته نايلون وفوقه حطيت كمية لابأس بها من التراب وفعلا الطريقة مريحة وهم الدجاج دايما ينظف نفسه بين فترة وفترة بالتراب وهم ياكل منه الظاهر انهم يحتاجون لاكل التراب بين فترة وفترة http://www.gmrup.com/gmrup.com-9-201...2902006451.jpg الطيور داخل القفص وكلهم متراكمين عند الباب لاني معودهم كل يوم الصبح اني اهدهم بالحوش عشان يمددون رجولهم وياخذون لهم حمام شمس http://www.gmrup.com/gmrup.com-9-201...2902006473.jpg طالعوا القفص الصغير هذا انا اعزل فيه طيوري المريضة لان ان مرضت دجاجة تعدي غيرها فلازم نعزلهم http://www.gmrup.com/gmrup.com-9-201...2902006475.jpg هني الدجاج وهم منتشرين في الحوش ويراكضون ويستانسون ويشمون هوا انا اعتقد ان صحة الطير الحقيقية هي في انك ماتحكره وانا مدلع دجاجي حيل من هالناحية كل يوم اطلعهم واخليهم ياخذون لهم فسحة بالكورنيش :D http://www.gmrup.com/gmrup.com-9-201...2902006474.jpg هذا ريوقهم انا مسويه بنفسي وهو خبز يابس منقع بشوربة لحم او دياي زايدة ترى مومسويها مخصوص حقهم وبصلتين كبار قصصتهم لهم بنفسي وثومة كاملة طبعا يومها صارت مباراة كرة قدم امريكية في الحوش عشان هالشوية بصل ماهقيت انهم يعرفون فوائد البصل لهلدرجة الحين اخليكم مع الفيديو وترى الفيديو صورته بيوم ثاني وهذا للعلم فقط وتقدرون في الفيديو تركزون اكثر على طريقة القفص والتراب اللي فارشه بالارض وأأكد لكم ان مافي لاريحة ولا حشرات والتنظيف سهل حيل ماياخذ منكم وقت وترى كل هذا ماكلفني حتى 50 دينار كويتي من علف وقفص ومعالف ومشارب والقفص والفروخ هذا الرابط اذا ماطلع الفيديو عندكم http://www.youtube.com/watch?v=_zm4IVw2z3c اتمنى ان شغلي عجبكم |
رد: تعالوا شوفوا فروخ الدجاج اللي شريتهم ( صور + فيديو ) حياكم بس قولوا ماشالله
الصراحة عشة مميزة ماشاء الله
|
رد: تعالوا شوفوا فروخ الدجاج اللي شريتهم ( صور + فيديو ) حياكم بس قولوا ماشالله
مشاء الله ع الفروخ والقفص
بس انتبه من البس تراه غداار |
رد: تعالوا شوفوا فروخ الدجاج اللي شريتهم ( صور + فيديو ) حياكم بس قولوا ماشالله
ما شاء الله يتربون بعزك
|
رد: تعالوا شوفوا فروخ الدجاج اللي شريتهم ( صور + فيديو ) حياكم بس قولوا ماشالله
مشاء الله تبارك الله
شي حلوووووو |
رد: تعالوا شوفوا فروخ الدجاج اللي شريتهم ( صور + فيديو ) حياكم بس قولوا ماشالله
وعليكم السلام ورحمة اللهـ وبركاتهـ ,,
ماشاء اللهـ تباركـ اللهـ ,, اللهـ يرزقكـ خيرهم ويكفيكـ شرهم .. :) اللهـ يجزاكـ ألف خير على اهتمامكـ بهم ورعايتهم ومراقبتهم الدائمهـ ,, وحرصكـ على صحتهم . :freind: واللهـ شغل نظيف ومرتب ,, مع انهـ عندي ملاحظات بسيطهـ اذا تسمح لي أذكرها : http://www.2zoo.org/get-11-2010-2zoo_org_m23dy158.jpg هالباب اللي يفصل بين المنطقهـ والكراج هل هو مسكر وفيهـ باب ولا لأ ؟؟ لأن كأنهـ مفتوح وهذا خطر كبير على الصيصان ,, اما ان أحد يشغل السيارهـ ويدعس احد الصيصان لاسمح اللهـ (( صار لي هالموقف )) أو يفلتون منكـ اذا شافو باب الكراج مفتوح ويطلعون للشارع .. عشان كذا لازم يكون مسكر عليهم . بالنسبهـ لعددهم حاليا مع حجم القفص ممتاز ,, لكن اصبر عليهم شوي وراح يكبرون ويكبر حجمهم .. القفص بيكون ضيق جدا عليهم ومافيهـ مكان مريح يبيضون فيهـ , وأيضا بيهربون بسهولهـ من السور المحيط بمكانهم . :p الا اذا عندكـ قفص آخر أو مزرعهـ أكبر من اللي في الصورة ,, ممكن تضيفهم فيهـ اذا كبروا ان شاء اللهـ . http://www.2zoo.org/get-11-2010-2zoo_org_nv2dbnkt.jpg هنا في الصورة فيهـ مكان معزول للدجاج المريض ,, لكن لازم يكون موقعهـ بعيد عن الدجاج السليم .. لازم تغير مكانهـ بعيد من موقعهـ الحالي . http://www.2zoo.org/get-11-2010-2zoo_org_lev84dpz.jpg في هالصورة لاحظت انكـ توكلهم على جرائد ,, وأحيانا هالجرائد يكون مكتوب عليها اسم اللهـ أو أذكار ,, ومانبغى يكون مصيرها تحت الدجاج .. فاذا تبغى تغطي المنطقهـ فيهـ يبيعون بالمكتبات ورق مقوى للكتابهـ عليها حجمها كبير وممتازهـ . اسمها لوحات اذا ماخانتني الذاكرهـ . أو ممكن تستخدم سماط الأكل ,, لكن لازم تثبتهـ بالأرض بحصيات على أطرافها أو بثقل أو لزاق . :p وايضا أنت توكلهم في صندوق كرتوني ,, مشكلة الكرتون مع الرطوبهـ راح يتقطع وياكلهـ الصيصان ,, وبيجيهم تلبكـ معوي لاقدر اللهـ ويموتون لأن أمعائهم ماتقدر تتخلص منهـ .. ممكن تبدلهـ بجيكـ بلاستيكـ أو معدني كبير .. أسهل جدا في التنظيف ويعمر معكـ . :D أعتذر لكـ على الإطالهـ ,, لكن حبيت أنبهكـ بهالنقاط لسلامتكـ وسلامة صيصانكـ .. ألف شكر لكـ مرة أخرى على مشاركتكـ بالصور معنا ,, واللهـ يوفقكـ في تربيتهم . :freind: تحياتي لكـ . http://www.2zoo.org/get-11-2010-2zoo_org_0s6lzc9l.gif |
رد: تعالوا شوفوا فروخ الدجاج اللي شريتهم ( صور + فيديو ) حياكم بس قولوا ماشالله
شكر خاص لاخواني اعضاء احلى منتدى على مروركم
اخت صمت الامل بالنسبة للصورة الاولى ترى مومفتوح على القراج في شبك بس مومبين معاج يمكن والخشب حاطه عشان تكون هذي حدودهم وسبحان الله كأنهم فاهمين انها حدودهم يصعدون فوق الخشبة ويقعدون عليها لكن مايطمرون للجهة الاخرى يحبون يظلون مع بعض هذا الحلو فيهم بالنسبة للملاحظات الاخرى معاج حق وراح ابعد الدجاج عنهم مع اني اشوف ان مسافة كافيه لان الدجاج اكلهم منفصل ومشاربهم منفصلة وبالنسبة للجرايد ادري خطأ ولكنها اقتصادية وبعدين جذي ولا جذي بالاخير مصيرها بتنقط بالزبالة وترى هالعشة مجرد بداية ومع الوقت راح تتطور اكثر ان شاء الله |
رد: تعالوا شوفوا فروخ الدجاج اللي شريتهم ( صور + فيديو ) حياكم بس قولوا ماشالله
مشاء الله تبارك الله الله يخليهم لك ببس لمن يكبرو اكلنا منهم هههههههههه :88:
|
رد: تعالوا شوفوا فروخ الدجاج اللي شريتهم ( صور + فيديو ) حياكم بس قولوا ماشالله
ماشالله بتوفيق
وزي كلام الاخة لو تكبر او تجيب قفص زيه انا ماشفة مكان تبيض فيه الدجاج؟؟ |
رد: تعالوا شوفوا فروخ الدجاج اللي شريتهم ( صور + فيديو ) حياكم بس قولوا ماشالله
ماشاء الله شو حلوووويييييننننن
|
جميع الأوقات بتوقيت GMT +3. الساعة الآن 09:05 PM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو