قطتي وأعراضها الغريبه
 

السلام عليكم ورحمة الله وبركاته

قطتي ليدي دايماً بس منسدحه ونايمه يعني تقريباً أغلب الوقت!



قبل شهر ونصف تقريباً ماكانت كذا كانت شقيه مرره وماتخلي مكان ما تروحله وتلعب وتتحرك كثير أما الآن فهي.....)

ماتصحى إلا عشان بعض الأمور:
1-أكل
2-شرب
3-تتمسح فيا ولا تبغاني أحكلها شعرها
4-قضاء حاجتها


مع إنها لسا بدري عن الكسل والنوم عمرها يمكن 4 شهور بس!


لعبها أصبح نادر!


ونحيفه جداً ماكأنها تاكل ولا تشرب عكس بقية القطط!

حتى عظامها نحيفه عن باقي القطط أخاف أي شي يكسرها من شدة نحف عظامها يعني كأنه معاها نقص شديد في الكالسيوم

وشعرها يتساقط!

فيها قلة شهية لبعض المأكولات مثل الجبن والدجاج العادي لكن تحب الأكل المعلب والجاف أكثر


تجوع بسرعه رغم إنها قبل شوي آكله!



إيش السبب في هذا كله؟؟ هل ممكن يكون عندها ديدان هيا السبب في كذا؟؟ ولا إيش ممكن يكون السبب؟؟

للعلم أكلهم دايماً:
1- أكل معلب
2- بسكوتهم الجاف
3-زوائد من طعامنا من الدجاج أو اللحم
4-جبن مثلث

ولكن الأغلب أكل معلب وأكل جاف بسبب عشقها لهم


الرجاء المساعده في معرفة السبب والحل لهذه الحاله وشكراً.

رد: قطتي وأعراضها الغريبه
 

لا رجاء ردا علي لاتهملوا أسئلتي فعلاً أنا محتاجتكم مرره غريبه الموضوع منزل من كم يوم

ولا رد إلى الآن! :( ولامسترخين ونايمين من بعد الإيجازه:D


رجاء ردوا علي أنتظر ردودكم يلا ردوا

رد: قطتي وأعراضها الغريبه
 

قطتك لا شك فيها ديدان او فطريات لا سمح الله
حاليا وقفي عنها البكويت و كذلك المعلبات لين تحسن حالتها

رد: قطتي وأعراضها الغريبه
 

اعرضيها ع طبيب بيطري وامنعي المعلبات حاولي تأكل أكل البيت والجبن والزبادي

أرسلت من SM-T705 بإستخدام تاباتلك

رد: قطتي وأعراضها الغريبه
 

ماخذه جرعه الديدان او لا ؟
وشيكي ع برازها فيه دم او ديدان ..
وعشان صحتها ؛
اخلطي ب الخلاط صدور دجاج مسلوقه مع خضار او شوفان / اذا امتنعت
حطي عليه الاكل الجاف اللي تحبه
السريلاك يحبونه كثير ،، + فيتامينات ضروري تعوض النقص

رد: قطتي وأعراضها الغريبه
 

الله يجزاكم خير على ردودكم الجميله مثلكم

أنا لاحظت شوي جفاف فيها ووديتها للدكتور وإعطاها إبره وكمان قال لازم تتطعم وعطاها إبره ثانيه للتطعيم وإعطاني

فيتامينات وقال لازم تاخذها تبغي اللي تنحط في المويا ولا الحبوب وأنا قولتله اللي تنحط في المويا لأنه صراحه اللي حبوب ماأعرف أشربها إياها أخاف تنشب في حلقها أو تدخل جهازها التنفسي أو أي شي زي كذا

لكن بعدين بعد ماجيت البيت وحطيتها لهم في المويا وإنتظرت إلين ما يعطشوا ويشربوا منها تخيلوا ولا قط شرب منها

كلهم عطشانين لكن يشموها ويروحوا مايشربوا أظن ريحتها ماحبوها أو يبغوا المويا طبيعي إيش أسوي فيهم خصوصاً

اللي عندها جفاف كيف أخليها تشرب منها لأنه خفت عليها يزيد الجفاف عندها وهيا كذا ماتشرب المويا وهيا فيها

فيتامينات؟؟؟ فعشان كذا غيرت المويا ورجعتها مويا عاديه بدون فيتامينات للأسف ماني عارفه كيف أخليهم يشربوا

ومن ناحية السرنجه ماعرفت كيف أشربها منها برضوا تضارب ماتبغى تشرب ولمني أحطلها في فمها غصب عنها

تصارخ وتنونو كثير يعني بإختصار ماتبغاه نهائي!


على فكره غيرت نظامهم الغذائي ووقفت الأكل المعلب وصرت أعطيهم دجاج مسلوق بدون بهارات مع مرقته وفي الفطور أو بين الوجبات الأكل الجاف و جبن
كذا تمام ولا في غلط؟؟؟

إيش الحل في هذي المشكله؟؟؟؟؟؟ ولو بجيبلها الفيتامينات اللي حبوب كيف أشربها أياها وأنا متطمنه إنها دخلت يعني بدون ما أقلق عليها؟؟؟؟؟

أتمنى ردودكم الجميله مثلكم ترجع ثاني وألف شكر للمساعده!

رد: قطتي وأعراضها الغريبه
 

بالنسبة ل الحبوب و الدواء السائل في الماء قد يفيدك هذا الموضوع الذي وضحت لنا
الخبيرة ناديا الفقرة الأخيرة من الموضوع صفحة 1

هو يحتوي على فديو و شرح بالكتابة
اثناء عمل مسابقة كنت نجحت فيها وحصلت على الوسام من الإدارة المنتدى
انا وباقي الأعضاء القدماء


http://www.2zoo.com/vb/showthread.php?t=243279

رد: قطتي وأعراضها الغريبه
 

سامحني يامعلم Octopus والله ماني داريه وينه
بحثت في الموضوع صفحه1 لكن مالقيت أي شئ يتكلم عن الحبوب والدواء السائل في الماء لاكتابه ولا فيديو!

فمعليش وضحلي أكثر الله يجزاك خير إنت وكل اللي ردوا وحيردون!

رد: قطتي وأعراضها الغريبه
 

هي وضحته أكثر في كيفية إعطاء العلاج للقطة المريضة في السطر الأخير في الرابط

رد: قطتي وأعراضها الغريبه
 

آها ههههه الله يجزاك خير ياOctopus

أنا كنت أحسب في الفقره الأخيره (العاشره) من الصفحه رقم 1 لأنك قولت الصفحه رقم 1 على بالي مو في الردود على بالي الموضوع نفسه اللي فوق أول شي في الفقره الأخيره!

طلع في مواضيع وأشياء تحت الردود دوبي اللي أدري عنها!

على العموم إستفدت منك الله يجزاك خير وكل من ساعدني وشكراً عالمعلومات!