ساعدوني جزاكم الله الجنه
 

السلام عليكم
ببغائي يحب ينام معي غرفتي بارده عليه فطلعته ينام برو الغرفه هالفتره

من امس هو يجلس تحت بالقفص وينام تحت
فضلاته طبيعيه وريشه طبيعي مو منفوش
واكله ونشاطه طبيعي لكني خايفه اذا شافني يمسك يدي وينام ع ظهره ويطلع صوت كانه يتالم

حممته اليوم واكلته وخليته بمكان دافي كان نشيط
وتركته ساعتين رجعت لقيته جالس تحت بالقفص

تتوقعون فيه مشكله او مريض ؟!

رد: ساعدوني جزاكم الله الجنه
 

وعليكم السلام

الطير يدلع مافيه شي

بس اتوقع يبي يكون معاك على طول وهذي مشكلت التعود

ماذكرت نوع الطير بس اتوقع انه كاسكو هو اكثر طائر حنون ويحب صاحبه

وممكن نوع ثاني بس على كل حال اذا اخراج الطير سليم وشهيته للكل طبيعيه

ونشاطه طبيعي معناته مافيه الا العافيه بأذن لله

حط له اللعاب في القفص

وحاول تطلعه على فترات متقطعه وتلعب معاه وتتكلم معاه

وحط في مكان تجمع الاسره

وطبعا غلط تنومه معاك في الغرفه مايستحمل ب ودت المكيف

واحساس الطير بالبروده والحراره تختلف عن البشر

ممكن انت تشوف ان الجو عادي لاكن عند الطير برد شديد

ممكن لو اضطرية تنومه معاك تغطي القفص ب بطانبه وتترك ربع القفص من الاسفل مفتوح

بس ما انصح بتعويد الطير على النوم معاك




اتمنى لك التوفيق


.

رد: ساعدوني جزاكم الله الجنه
 

نوعه بلوفرنتد

المشكله شكله ووقفته مو طبيعيه لاحظت كذا اليوم

انا انومه معي لاني انام وقت طويل واذا هو صحى من النوم ماشافني يسوي ازعاج كبير بالبيت

اذا نام معي بالعكس حتى لو صحى ابدا مايطلع صوت يرجع ينام لين اصحى

غطيته ببطانيه وخليت جزء من القفص مفتوح لكن ايضا اجي القى القفص باررد واحسه يبرد

مادري وش الحل معه

صرت اخرجه من القفص اوقات اطول بالصباح والليل
ولما يجي وقت النوم ارجعه القفص ، القاه حزيين وكارهني :)

رد: ساعدوني جزاكم الله الجنه
 

والله نومه معاك عند المكيف غلط واحتمال كبير يمرض الطير

وراح تندم طبعا لا قدر الله بس ترا الطيور ماتحمل المكيف

لاكن جرب تغطي القفص بالكامل ماعدا جهه وحده وخلي الجهه المفتوحه مقابل الجدار

والقفص يكون تحت المكيف مو مقابل له

وااااضح ان الطير يحبك ومتعلق فيك

بس انتبه له من المكيف نصيحه

ولازم تحاول تخليه يولف ويتعود على اللعب مع غيرك من اهل البيت مثل اخوانك الوالد الوالده

حتا الشغاله هذا راح يخفف تعلقه فيك وترتاح شوي منه لان كذا مشكله

والامزوني اذا طاح في الصياح وتعود عليه يصيرمثل الطفل اي شي يبيه يقعد يصرخ ويصيح الاين يحصل عليه


واهنيك على طيرك المميز وانصحك تبعده عن المكيف وتحاول تلقنه الكلام بدل الصراخ
لانه يحبك وراح يتعلم منك بسهوله بس يبيله صبر شوي

اتمنى لك التوفيق




.

رد: ساعدوني جزاكم الله الجنه
 

يعطيك العافيه اخوي
هو عارف كلام كثير ماشاءالله ويعرف يغني ويرقص وكل شي

بس الصراخ في حالة لو ماكنت عنده

يعطيك العافيه ان شاءالله بسوي اللي قلت لي ��