الارنبه ماتت وولادها لسه بيرضعوا :(
 

بسم الله الرحمن الرحيم
اولا احب اشكر كل الموجودي في المنتدى بجد استفدت كير جدا لأني من هواه تربيه القطط وعصافير الحب
واخيرا الارانب
سلفتي مربيه ارانب على سطح البيت
الارنبه ولدت من حوالي 12 يوم واول امبارح ماتت وسابت اولادها الرضع
انا شفتهم وبكييييييييييت ..واحد منهم كان ماسك صوابع رجليه بيمصها من كتر الجوع وانا اصلا مش من هواه تربيه الارانب ولا بفهم فيها
المهم صعبوا عليا لأن محدش عارف يعملهم ايه والجو بدأ يبرد فدورت على النت هنا وهناك وتوصلت لفيديو بيشرح ازاي اعامل معاهم
وكلن بيقول اني اغلي كوب ونصف لبن واضع عليه صفار بيضه ومايونير وزبادي واقلبهم كويس وادفيهم وارضعهم بسرنجه
وفعلا بدأت معاهم ونزلتهم الشقه ودفتهم ولفيت حواليهم الشعر والحاجات اللي امهم كانت ولداهم فيها
والحمد لله بقالهم 3 ايام وعايشين وفيهم اتنين فتحوا عينيهم :)
لكن طبعا انا مش فاهمه حاجات كتير
اولا كميه الرضعه المطلوبه لكل واحد
ثانيا كل كام ساعه بيرضعوا؟ انا برضعهم كل اربع ساعات تقريبا ماعدا بالليل ممكن اسيبهم 6 ساعات لحد الفجر كل واحد 3 سنتيمتر والنهارده زودت الرضعه بقت 5 سنتيمتر لكن مش عارفه كده قليل ولا كتير
ثالثا امتى اعرف انهم ممكن يبدأوا ياكلوا حاجه جنب الرضاعه؟
رابعا امتي يبطلوا رضاعه تماما ؟
وياريت لو حد عنده اي نصيحه يوقلي وان شاء الله انفذها لأني اتعلقت بيهم قوي كأنهم ولادي وصعبانين عليا جداااااااااا

رد: الارنبه ماتت وولادها لسه بيرضعوا :(
 

اختي اذا تبين تعرفين عن اجوبتك روحي في قسم هواة الارانب وشوفي المواضيع واذا مالقيتي اكتبي في اي مو ضوع واحد متخصص من الهواة واحكيله القصه وانشاء الله حي فيدك

رد: الارنبه ماتت وولادها لسه بيرضعوا :(
 

بسم الله الرحمن الرحيم
اشكرك اخي الكريم
حتبع نصيحتك ان شاء الله على العموم هم عايشين لكن انا خايفه عليهم خصوصا ان اول ماصحيت وبديهم الرضعه حاسه ان الضعيف اللي فيهم مستكين ومش زي الاول خايفه عليه يموت

رد: الارنبه ماتت وولادها لسه بيرضعوا :(
 

اذا عمرهم 12 يوم ونمى شعرهم اعتقدهم انهم ياكلون ولو وضعت اللبن في صحن لهم بايشربون

رد: الارنبه ماتت وولادها لسه بيرضعوا :(
 

ممتاز الي سويتيه دفيهم ورضعيهم كل ساعه ونص

اساسا بتعرفين هل هم جوعانين او شبعانين انفخي عليهم وراح يتحركون ويطلعون اصوات معناها جوعانين

رضعيهم حليب من البيطري مخصص او جيبي حليب من الصيدلية البشريه خالي من مادة الاكتوز لانها ماده تحتوي ع سكر

ومضر ع الصغار بتسبب لهم اسهال وانتم بكرامه

لمن ترضعيهم راح يتركون السرنجة وينامون معناها شبعانين روراح ينتفخ بطنهن

بعد كل رضاعه جيبي قطنه او منديل وفيه مويه لايكون متبب قوه وامسحي مكان الاخراج عشان مايغلقها شي ويمنعهم من قضاء حاجتهم

اهم شي تدفيهم

رد: الارنبه ماتت وولادها لسه بيرضعوا :(
 

بسم الله الرحمن الرحيم
اخي فيصل هم قريبا عندهم 13 او 14 يوم وفعلا وهم بيرضعوا احيانا تنزلنقاط لبن على صباعي فيلعقوها بلسانهم وجربت من شويه وحطي في طبق صغير جدا نقاط بسيطه وواحد منهم فعلا شربهم لكن موضوع الاكل اعتقد لسه بدري عليه حستنى شويه لحد ما اتأكد ..واشكرك جدا على اهتمامك ربنا يكرمك

اختي artos
والله نصايحك ممتازه وان شاء الله حشتريلهم النهارده لبن من الصيدليه زي ماقلتي
لكن موضوع كل ساعه ونصف ده صعب جدا لأني عايشه في بيت واحد مع اهل جوزي وبنزل اساعدهم وبطلع مثلا كل ساعتين تلاته ويمكن اكتر وكمان الارانب نفسها متعبه في مسكها وتلقيمها الرضعه وبتجنني :) لكن ححاول على قد ما اقدر
الخبر المؤسف ان الضعيف اللي فيهم بيمو من امبارح وعزلته ودفيته حاولت ارضعه مش قابل تماما وكمان مبقاش بيتنفس تقريبا وكنت فاكراه مات لولا حرك رجليه حركه خفيفه جدا
ده اللي انا زعلانه عليه وهو من يومه فعلا مش بيرضع زيهم وضعيف جدا :(

رد: الارنبه ماتت وولادها لسه بيرضعوا :(
 

روحي للبيطري يعطيك نصايح واذا عنده رضاعه مناسبه