الـقـشــطــه مـع ♥ 2zoo
اهلا بيكو محبى قسم النباتات فى الاجازة كنت فى المزرعه ولاقيت شجره القشطه الثمار بتاعتها نضجت حبيت اصورها واتكلم معاكو شويه عن فواديها للناس الى متعرفهاش دى صورته الشجره عاده الشجرة بتحمل من 100 الى 150 ثمره الشجرة بتاعتى كان فيها 90 واحده لان دى اول مره تثمرر وطبعا بتحتاج لبوتاسيوم ونترات وفوسفات هى فى التعامل الزراعى زيها زى الموالح بالظبط حتى فى الرى متختلفش حاجه عن الموالح وطبعا اوصيكم بالبوتاااااسيوم لانه محسن الثمر بشكل فظيع هى من الفواكه النادرة جدا ومش بتكون متواجده غير فى السوبر ماركتات الكبيره واسعارها بتكون غاليه دى صور للثمره دى صورتها من الداخل وهى غير ناضجه ودى صورتها من الداخل وهى فى حاله النضوج الاختلاف او ازاى تعرف انها غير ناضجه او فى حاله النضوج : فى حاله عدم النضوج هتكون ناشفه جدا وصعب جدا كسرها بالسكينه اما وهى فى حاله النضوج بتكون طريه جدا واول ماتضغط عليها ضغطه خفيفه جدا هتلاقيها اتفتحت ووممكن كمان تنفجر فى ايديك :D وهى عاده بتكون فصوص بالشكل ده طبعا مش هقدر اوصف مدى طعامتها وانها لذيذه جدااا وكمان شكلها جميل فى حاله غسل القشطه بيفضل انك تغسلها بفرشه اسنان غير مستعمله لان سطحها مموج وعلى شكل فصوص ولو فى اتربه او اى حاجه تقدر تغسلها بالفرشه كويس وهى من الفاكهه الى بتتأكسد بسرعه يعنى الافضل انك متفتحهاش غير لما تكون هتاكلها لانها زى التفاح والموز لونها بيتغير بسبب الاكسده دلوقتى نتكلم عن فوايدها : 1. تعالج السكرى والتهاب الاعصاب 2. تقوى المناعه وتمنع من تواجد السرطان بالجسم وخصوصا سرطان البروستاتا والقولون والبنكرياس 3.تساعد فى حالات الاكتئاب والتوتر 4.غنيه بـ فيتآمين (( أ ، ب ، ج )) واكيد ليها فوايد اكتر من كدة كمان اتمنى تجربوها وتقولولى رأيكو :D يسمح بالنقل مع ذكر المصدر |
رد: الـقـشــطــه مـع ♥ 2zoo
ماشاءالله عليك يختي
موضوع قمه في الرووعه وأول مره اسمع عن هالشجرة سبحان الله تسلم ايدك ياعسل عالموضوع :) |
رد: الـقـشــطــه مـع ♥ 2zoo
ماشاء الله عليكي ياعسل موضوع جميل و اول مره اسمع بشجرة القشطه ياقشطه يلزمنا أن نسأل ونبحث عنها :D تسلم الانامل على المعلومه المفيد تقبلي مروري |
رد: الـقـشــطــه مـع ♥ 2zoo
الله يعطيكي العافية مراقبتنا
بس ما فهمت القشطة يعني القشطة القشطة؟؟؟يلي بنضيفها للحلو |
رد: الـقـشــطــه مـع ♥ 2zoo
تسلم الايادي مراقبتنا العزيزه شاهستا
متميزه في موضوعك و في طرحك باسل هذا نوع من النباتات يسمى بالاناناس الهندي و هو موجود في الوطن العربي في السودان و اليمن , و كذلك في غزة و في مصر و اسمها باللغه الانجليزيه Sugar-apple و اسمها العلمي Annona squamosa |
رد: الـقـشــطــه مـع ♥ 2zoo
واو موضوع رائع و خطير
هي موجده بتيلاند وبكثره واساس عصير الفواكه عندهم بجد مشكوره على المعلومات |
رد: الـقـشــطــه مـع ♥ 2zoo
يا خسارة :mad: الصور ما طلعت معي :( !! |
رد: الـقـشــطــه مـع ♥ 2zoo
اقتباس:
اهلا بيكى ياقمر ان شاء الله تجربيها :88: شكرآ لمروركـ حبيبتى نورتينى :freind: |
رد: الـقـشــطــه مـع ♥ 2zoo
اقتباس:
انتى القشطه يا كادى :p تسلميلى حبيبتى على كلمات الحلوة ومرورك الاحلى نورتينى ياقمر |
رد: الـقـشــطــه مـع ♥ 2zoo
اقتباس:
اهلا بيك بسووووول هى اسمها فى مصر قشطه غير القشطه بتاعت الحلويات اكيد :p وتقريبا طلع عليها الاسم دة بسبب لونها وانها طعمها لذيذ زى القشطه :D نورتنى باسل |
جميع الأوقات بتوقيت GMT +3. الساعة الآن 07:17 AM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو