منتديات تو زوو - الحقوني ببغائي مريض :( في دم ببرازه

منتديات تو زوو (http://www.2zoo.com/vb/index.php)

- سؤال وجواب لقسم هواة الببغاوات (http://www.2zoo.com/vb/forumdisplay.php?f=73)

- - الحقوني ببغائي مريض :( في دم ببرازه (http://www.2zoo.com/vb/showthread.php?t=325637)

الحقوني ببغائي مريض :( في دم ببرازه

شباب ببغائي مريض :(
اليوم الصبح فقت لقيتو عم يتحرك و طار لعندي .. بس ما اكل متل العادة
طار لعندي و انا قعدت انا وياه و حطيتو بحجري .. بس حسيتو بدو يتبرز ( حطيت ايدي تحتو مشان ما يوسخ البيت )
و اذ تفاجئت انو في نقاط دم بالبراز
رجعت حطيتو عالستاند .. لقيتو عم يشرب زيادة عن العادة
حطيتلو اكل .. ما اكل
بعد ربع ساعة رجع تبرز .. قوام البراز اقرب للأسهال .. و كمية الدم اكبر
نزلت عالشارع لشوف الصيدلي اذا فاتح .. لقيتو مسكر
طلعت عالبيت .. لقيتو نايم و لافف راسو و حاطو بين جناحاتو كأنو نايم بالليل
اول ما طلعت .. طبعاً هو فتح عيونو و طار على ايدي
و قعدت لأفطر .. صار بدو ياكل مني
شربتو شاي بلا سكر
شرب مني
و حطيتو عالستاند .. و طعميتو 4 أو 5 بزرات .. ما رضي ياكل غيرهون
و هلئ نزلت على شغلي .. قالتلي امي او طار عالكنباية مطرح مافي شمس و واقف بمطرحو و مغمض عيونو
و لسى عم يتبرز و برازه فيه دم
الحقوني مشان الله :(
عمر الببغاء حوالي 4 - 5 شهور
ناطر منكون جواب .. :(

رد: الحقوني ببغائي مريض :( في دم ببرازه

أخي الفاضل..ألف سلامه على الببغاء:-

خــرووج دم مــع فضــلات الطائــر دليــل علــى وجــوود ديــدان فــي بطــنه على الاغلب..

روح على الصيدليه وجيب علاج للدود..

بالتوفيق
أخوك رمزي

رد: الحقوني ببغائي مريض :( في دم ببرازه

اشتر دوا سبيكتولين
لمده اسبوع كامل اخي الفاضل
وحاول تغر الطير اوقف البزور الان اعطيه ما هو لين عالبطن وسهل الهضم
لو ما حصلت الدوا ممكن تستخدم دوا بشري انتينال مطهر معوي دفي الطير قدر الامكان
بالتوفيق

رد: الحقوني ببغائي مريض :( في دم ببرازه

انا سألت كذا دكتور بيطري .. كل واحد عم يحكي شكل
واحد ئال : الببغاء اخد برد بالليل
والتاني قال : معو التهاب امعاء حاد
و التالت قال : جدار الامعاء مدري شبو
الصراحة مالي عرفان شو اعمل :(
خايف اخسرو :(

رد: الحقوني ببغائي مريض :( في دم ببرازه

اخي العزيز
اسباب وجود دم في البراز كثيرة وهذا ما جعل الاطباء يتوقعو عدة امور لكن بالتاكيد البرد ليس من هذه الاسباب , واهم هذه الاسباب هو ( التسمم بالمعادن ) ممكن ان يكون القفص به مكان تعرض للصداء او ان الببغاء لعب بقطعة حديد بها صداء ( التهاب بكتيريا ) ممكن ان يكون اكل شيء ملوث ببكتيريا وانت لم تنتبه للامر او ممكن ان تكون البكتيريا في الماء
(مشاكل في الكلى)
ومن الصعب اذا لم يكن مستحيل ان يتوقع السبب دون فحص جيد
وللتاكد من السبب يجب ان يفحصه البيطري جيدا لا ان ينظر له فقط
اخي العزيز انصحك بان تسال عن بيطري معروف وماهر باسرع وقت واذا لم يقم بفحص الببغاء جيدا لا تاخذ بنصيحته
ادعو لطائرك بالشفاء العاجل ان شاء الله
وشكرا