تعويد الببغاء على المسح
 

السلام عليكم
لو سمحتو عندي طلب
ياليت كل مدرب او خبير او هاوي علم طيرو المسح على الراس يقول لنا طريقته على شان نحن الهواة الجدد نتعلم الطريقه ونجربها على طيورنا
اكيد الجميع يعرفون انه عندي دره انثى كبيره وكانت متوحشه وقدرت اخليها اليفه ونسيت العض تماما حتى انها صارت تطلع على ايدي بدون عض
لكن للحين ما تسمحلي المسها حاولت امسح عليها وهي تاكل من ايدي لكن ترتعب وتبتعد
اطلب من الجميع يشاركنا تجاربه وطريقته
ولكم جزيل الشكر

رد: تعويد الببغاء على المسح
 

نفس مشكلتي رغم ان الي عندي مربيه من عمر اسبوع او عشرة ايام بس ما كنت امسح عليه وقت غره ولا اطلعه ، كنت اشوفه يروح يتخبى بعد مايشبع ووقتها كنا بفصل البرد وقلت امكن بردان وخفت عليه لان قبلها بفتره بسيطه مات عندي فرخ روز بسبة البرد ، والحين اعتقد كمل الاربعة شهور من عمره ويعض لاجيت امسح عليه ، اما اذا جيت اشيله ف ياساتر يقلبها جغير غير طبيعي ومنقاره ينقلب ويصبح زرادية ، المشكلة انه يجي الحين ويلصق فيني وانا اخليه يبعد وهو مصر يجي ويطلع ع الكتف او راسي بس يجلس ينبش بمنقاره وهذي صارت عاده له والمشكلة الاكبر ماعودته ع القفص والحين يشوفه مثل السجن الانفرادي ، وكل الاشياء هذي تعتبر غلطات مني كان سهل تفاديها لو حسبت حسابها في البداية واحسنت التصرف من اوله بدل التطنيش وتسويفه

رد: تعويد الببغاء على المسح
 

اهلين اخي
انا اتوقع انه كل الفروخ تحب تطلع على الكتف والراس وتنبش وتعض
انا عندي فرخ دره عمره 3 شهور امسح عليه ويطلع على ايدي ومجرد يطلع على اليد يطلع لين الكتف ويجلس يعضعض في ملابسي وينبش بشعري ولو قدر يطلع على راسي ما يقصر واظن العض يحاول يستكشف وليس المهاجمه
واحيان هو جالس على كتفي لو جيت اتغدى يفتح منقاره ويقترب يريد ياكل معاي
وفرخي كمان غصب ادخله القفص وقت النوم وعضعض اصابعي على شان يبقى متعلق بيدي وما يدخل القفص
انا مشكلتي مع الدره الكبيره ما تسمحلي امسح عليها في البدايه كانت تعض وعض الله يستر احيان اظل احس بالم مكان العضه اسبوع الحين لا ماتعض لكن ترتعب وتهرب مني لو جيت امسح عليها وجربت كثير طرق
لف المنشفه...اشغلها بيد وامسح باليد الثانيه..اجوعها واحاول امسح وانا اوكلها.. لكن ما نجحت ولا طريقه للان
الحين امسك الحب بين اصابعي واحاول ما اعطيها الحبه لين امسح ولو مسحه صغيره على منقارها لكن ترتعب وتترك الحبه وتهرب وترفض انها تاكل
وما ادري ايش الحل
اتمنى احد الخبراء يفيدنا
بالتوفيق مع فرخك

رد: تعويد الببغاء على المسح
 

ملازمه الطير عدة اوقات هذا يزيد من ثقه الطير بصاحبه وانه لا يريد ان يضره او يخيفه

ايضا المسح في بداية الأمر يفضل يكون بمكان اخر غير غرفة نوم الطير

وان لم يستجيب الطير
هناك عدة طرق
ولعله يحضرني الان طريقه التشتيت

نقوم بعمل تشتيت خفيف للطير = نضعه فوق خشبه او استاند ويد نجعلها تتحرك امام عيني الطير , واليد الأخرى من خلف راسه الى ان نلمس راسه واذا حاول العض او الهرب لا ندع له مجال لذلك ونشتت تركيزه باليد الأخرى

اظن هناك مقاطع باليوتيوب لطريقه المسح على الطير بطريقه تشتيت التركيز

وهي خطوه مؤقته لحين فهم الطير ان المسح على راسه ليس عقابا او تخويفا له , انما اهتمام وحب له
وبعدها الطير سيطلب من تلقاء نفسه المسح على راسه

ويفضل عند تقديم اليد للمسح عليه ذكر كلمة ( راسك ) او أي كلمه تدل على رغبت المربيه او المربيه في المسح على راسه

رد: تعويد الببغاء على المسح
 

شكرا جزيلا
ساحاول تطبيق نصيحتك
يعطيك العافيه