رجاء المساعده بخصوص كلبى البوكس طيب جدا مش عايز يتشرس
 

السلام عليكم ورحمة الله وبركاته
اولا بحيى كل القائمين على هذا المنتدى الرائع وبطلب منهم المساعده
انا املك كلب بوكسر تايجر ( برندل ) ذكر
الكلب نشيط جدا وقوى جدا ويموت فى اللعب وبيسمع الكلام على اللى بدربة علية لكن مشكلتى معاه انه لحد دلوقتى وهو سنه 8 شهور وداخل فى الشهر التاسع انه مش بيعرف يعض بيحب يلعب مع اى حد مع انى مش بخلية يشوف حد خالص بس لما اجى انزل بية اى حد يجى يطبطب علية يفرح قوى ويلعب معاه وانا جبت لة مدرب مخصوص علشان يشرسة لانى جايبة بغرض الحراسة بقالة شهرين ونص بيدرب فية على الشراسة لكن كل اللى بيعملة الكلب انه بينبح علية بس مش اكتر انما ميعضش مهما عمل فية جبت له لعب علشان يعض فيها مش بيعضها بيلعب بيها من غير ما يعضها مع انه بيعرف يمسك الكرة كويس ويشيلها انما لية مش عارف هو طيب زياده عن اللازم مع ان ابوة شرس جدا رجاء المساعده باقصى سرعه عن كيفية تدريب الشراسة فى هذه الحالات

مشاركة: رجاء المساعده بخصوص كلبى البوكس طيب جدا مش عايز يتشرس
 

مشاركة: رجاء المساعده بخصوص كلبى البوكس طيب جدا مش عايز يتشرس
 

حاولت عزيزى الطريقة اللى انت بتقول عليها كنت بربط له العضاضة فى خيط والعب معه لعبة القط والفأر فكان يمسك اللعبة من الخيط وليس من العضاضة نفسها فرد عليا قبل ذلك احد المدربين قالى ان هذا الكلب يخاف على اسنانه ومفادنيش باى حل

مشاركة: رجاء المساعده بخصوص كلبى البوكس طيب جدا مش عايز يتشرس
 

:boxing: شوف يا أخوي التشريس مش حل الا لو كان ضروري للحراسة
جرب هذه الطريقة جيب واحد صاحبك غير مألوف من قبل الكلب اربط السلسة بالكلب واعطي صديقك عصا طويلة بحيث إن الكلب لا يستطيع الوصول إليه امسك الكلب من السلسلة بإحكام وخلي صديقك يتظاهر إنه هيضرب الكلب بس يهوشه تهويش بدون ما يخلي العصا تلمسو علشان ما يطلع خواف شوف رد فعل الكلب إذا اتشرس (سعر) خلي صاحبك يزيد المحاولة بإنه يضرب الأرض قدام الكلب هتلاقي الكلب عايز يعض العصا
لو ما نجحت الطريقة خلي صاحبك ينغز الكلب بطرف العصاية نغزة خفيفة وشوف رد فعل الكلب وخليه يكررها اكثر من مرة لغاية ما ينقض الكلب على العصا ولمل أقول عصا يعني من خشب مش حديد علشان ما تئذي أسنان الكلب ويا ريت خشب سهل ينكسر زي خشب جريد النخل مش قاسي بعدين جرب معاه طريقة القط والفار حتلاقي تقدم بإذن الله ولو ما نجحت أي طريقة شوف آراء أعضاء المنتدى
و أنا جاهز لأي استفسار :ANSmile06

مشاركة: رجاء المساعده بخصوص كلبى البوكس طيب جدا مش عايز يتشرس
 

السلام اخوي مشكلتك الكثير يعانون منها وكل كلب وتختلف طريقه تدريبه للأمر في الحراسه اخوي انا بشرحلك اكثر من طريقه و الذي يقول لك انه يجب ان لا ينضر للناس فهذا غلط ولكن اريد ان اعرف بالأول انت تريد تدريبه على ماذا على انه يكون شرس وطبعه شرسه ولا ان تعطيه امر ويعض بشراسه فيوجد فرق اخوي ؟


وشكراا

مشاركة: رجاء المساعده بخصوص كلبى البوكس طيب جدا مش عايز يتشرس
 

مساء الخير عليكم جميعا
احب اعرف منك الاول قبل ما اجاوب
هل مواعيد اكل الكلب ثابته ولا لاء ؟
كام وجبه في اليوم ؟
الكلب انت جايبه وسنه اد ايه ؟
كنت بتضرب الكلب وهوه صغير ده لو جايبه صغير ولا لاء ؟
الكلب متضرب طاعه كويس ولا لاء ؟
ياريت ترد على اسالتي ولو تقدر تحط صورة للكلب يبقا افضل علشان اقدر اجاوبك وعلى فكره انا عندي كلب بيلجم شيبرد وكنت بعاني من نفس المشكله وجيبتلو مدرب من اكاديمية الشرطه والحمد لله دلوقتي بقا حارس ممتاز مش كده وبس لا ده بقا مبيقومش باي حركه غير باذن مني
منتظر ردك

مشاركة: رجاء المساعده بخصوص كلبى البوكس طيب جدا مش عايز يتشرس
 

عزيزى دولارد جربت الطريقة اللى انت بتقول عليها وعن طريق مدرب متخصص من اكاديمية الشرطه وحتى انه اضطر الى النغز القوى مش الخفيف لكن برضة ما كان منه الا انه بينبح على المدرب ويحاول ابعاد العصا بفمة وارجلة ولا يعضها حتى المدرب لبس دراع واقى وحاول يخلى الكلب يعضة معضهوش

عزيزى بو عزوز اسعندى مشاركتك جدا فى الموضوع
انا عايز الكلب لما يكون لوحده فى المكان المخصص لحراسته يعض اى حد يدخل فية وطبعا يعضة بقوة ثانيا عايزة لما يكون متواجد معايا لما اقولة يعض حد بدون ابداء سبب يستجيب للامر على طول كما يحدث مع كلاب الشرطه

اما بالنسبة لاسالتك اخى love
بالنسبة لمواعيد الاكل فهى ثابته
عدد الوجبات وجبة واحده
الكلب معى وسنه 40 يوم
مكنتش بضربة وهو ضغير طبعا
الكلب متدرب طاعه كويس
للاسف معنديش صورة دلوقتى بس حرفقها قريب

ملحوظه الكلب نشيط جدا وجسمة قوى بس بيموت فى اللعب جدا ما بيحبش حاجة قد اللعب يعنى لو انا مليش نفس العب معاه هو لة طريقة يخلينى العب معاه بالعافية وحتى وانا ماشى معاه فى الشارع ولو ملعبتش معاه ميرضاش يمشى نفسى اعرف اخلية يبطل العادات دى

مشاركة: رجاء المساعده بخصوص كلبى البوكس طيب جدا مش عايز يتشرس
 

اخوي بقول لك شتسوي
انت اقعد مع الكلب بروحك وطبعا الكلب مربوط وخل واحد يخاف من الكلب يدش عليكم وعنده قطعه قماش يستبز ابها الكلب وانت قول الى الكلب بصوت قوي ( هاتششششششششششش) (هاتتتتتش ) كم مرة للين ماتجوف الكلب يحاول يهجم بس لاتزيد مدة هذا التمرين عن 5 دقايق في اليوم عشان مايميل الكلب
واذا ماسو هذا التمرين الكلب خبرني او ضيفني على q.ll.q@hotmail.com وانا راح اقول لك طرق غير وانشالله كلبك يصير شرس

مشاركة: رجاء المساعده بخصوص كلبى البوكس طيب جدا مش عايز يتشرس
 

اخي بوكسر تايجر
انا مش عارف اقولك ايه لان عيب اوي تقول كلام زي ده
ازاي يعني ( بيموت فى اللعب جدا ما بيحبش حاجة قد اللعب يعنى لو انا مليش نفس العب معاه هو لة طريقة يخلينى العب معاه بالعافية وحتى وانا ماشى معاه فى الشارع ولو ملعبتش معاه ميرضاش يمشى نفسى اعرف اخلية يبطل العادات دى)
يا اخي الفاضل الكلب مشكلته انه متدلع زياده عن اللازم زي اي طفل صغير متدلع
وغلط جدا انك استخدمت العصا من البدايه في التدريب
انا حقولك على حاجات تعملها وان شاء الله يكون الكلب زي ما انت عايز
1- توقف اللعب معاه وتخليه يعرف ان فيه وقت للجد ووقت للعلب انت اللى تحددو مش هوه
2- علشان تعمل كده لازم تعاقب الكلب ومش بالضرب فيه سلسله اسمها الخناقه تعاقبه بيها بانك تخليها تخنق على رقابته لما ما يسمعش الكلام ولازم يعرف ان وقت التدريب مفيش لعب
3- الكلب لازم انت بس او شخص تاني على الاكثر هوه اللى يقدملو الاكل مش اكتر
4- - لازم تعلم الكلب ازاي يعض بانك تعاكسه بقطعه قماش ولازم تخليه يشدها منك واول ما تحس انه بيشد جامد سيبهالو وحسسو انه نجح في انه ياخدها منك وده طبعا مع تشجيعه ومتنساش تديلو امر امسك
5- ابدا مع الكلب بان المدرب يعاكسه بايده ومن غير ضرب مجرد انه يقرص الكلب في راسه جامد وفي جسمة
6- المدرب لازم يحسس الكلب انه خايف منه والمدرب نفسه ما يرتب على الكلب ولا يشجعه علشان الكلب يعرف انه بيهاجمو مش بيشجعو
7- بعد ما تحس ان الكلب بدا يمسك كويس ويهجم ويشدك وانت ماسكه علشان يوصل للمدرب ويهجم عليه بيكون الكلب كده اخد ثقه في نفسه ولازم يحسسو بكده من خلال تشجيعك ليه وساعتها بس ممكن المدرب يستخدم العصا والزراع الواقي ويبدا يخلي الكلب يهجم بجد ومتنساش الامر اهجم
8- ودي الاهم لازم تكون صبور ومتستعجلش على الكلب وعاقب الكلب على الغلط بالخناقه وعلم الكلب ان انت القائد يعني اي حركه يقوم بيها لازم تكون بامر منك
9- خلي للكلب وجبه كل اسبوع من الكبده النيه خليه ياكلها بدمها ويغوص في الدم ده مبدئيا كده
ملحوظة : لو انت حابس الكلب او رابطه فلازم اول ما تفكو او تخرجو تسيبو حوالي 1 دقائق ربع ساعه يتحرك بحريه بس متلعبش معاه شيبو يلعب هوه واول ما الكلب يجي يقعد جنبك حط السلسله ( الخناقه ) في رقبته وابدا التدريب بجديه وحزم .

مشاركة: رجاء المساعده بخصوص كلبى البوكس طيب جدا مش عايز يتشرس
 

اخوي كلامك منطقي جداا وشوف في كلام تكون ناجحه لبعض التمارينوتوجد نوع من الكلاب لا تكون جيده لهذا النوع من التدريب مثلا انا شريت كلب ينابح جيدا وبقوه ولكنه لا يعض هو طبيعه الكلب هذه وهذا يعتمد على السلاله بعد وشخصيته فتوجد كلاب تعمل الذي تريده وتوجد كلاب لا تعمل وهذه تتم معرفتها من صغر الكلب تتم عليه بعض المتحانات لكي نعرف اذا كان ينفع او لا .
مثلا انا اعرف رفيق لي بالخارج شره كلب من سلاله شغل ولكن الكلب غير مؤهل لهذا النوع من التدريب فقال له المدرب يجب عليك بيع كلبك لأنك لن يفعل الشغل الذي تريده وتشتري كلب اخر فمن الممكن انه مثل الشي انا لا اقول اكيد اخوي .
وشكراا