|
دوره تدريبيه في تدريب الببغاوات 1
السلام عليكم و رحمة الله و بركاته اليوم مريت ع موقع يو تيوب و لقيت مجموعه من الفيديوهات اللي تعلمكم اشياء بسيطه ممكن انكم تتبعوها عشان تغيرون بعض السلوكيات الغير مستحبه في الببغاء :) الفيديوهات بالانجليزي.. بحط لكم ملخص هنيه عن كل رابط للاستفاده كيف توقف الببغاوات عن الصراخ http://uk.youtube.com/watch?v=aPlDljTG2Bo يعتبر الصريخ أو مثل ما يسميه البعض الجعير عند الببغاوات امر طبيعي.. اكثر وقت "تصدح" فيه الببغاوات هوه الصبح و في الليل.. (يعني الوقت اللي تتيمع فيه الصفاصيف ع الشير في الحاره :p) لو ما كنتو مرتاحين من هالشي.. عيل ماكان المفروض انك تربي طير :cool:بس ممكن توصل مع الطير مرحله انه يصير الصريخ زايد عن حده.. مثال لو ظهرت من الحجره و خليته بيصرخ الين ترد لانه يريد انتباهك.. احسن طريقه عشان تعزز هالسلوك السلبي انك ترد تصرخ عليه "اسكت!! لم حلجك!!" بس انته بهالطريقه تحسسه انك تسمعه و يفهم الموضوع ع اساس انه "ما عليه دقيقه و برجع لك" لانك تتجاوب معاه و هذا اللي يهمه في الموضوع... :) احسن شي انك تلقى طريقه عشان تلهيه عن الصريخ.. مثلن لو انته بتظهر من الحجره حط للطير شي في القفص.. مثلن اكل.. بيتعود الطير يوم انته بتظهر بيلقى شي في القفص.. و بهالطريقه تلهيه عن الصريخ. ممكن انك بعد تروح الين الطير و بكل هدوء غط القفص بشاذر لمدة ربع ساعه.. طبعن هذا يعتبر كعقاب للطير.. ونحن ما نشجع العقاب.. بس الطير بيفضل انه يجوفك ولا انه يتغطى فبيلغي الصريخ.. الطريقه الاخيره... لو ظهرت و سمعت الطير يصرخ لا ترجع صوبه ولا تقول اي شي.. ويوم تسمع هدوء ولو بسيط ادخل الغرفه.. و عطه مكافأه... كرر الحركه اكثر من مره و بتلاحظ انه الصريخ قل و فترات الهدوء زادت ^^ كيف تعلم الببغاء تميز اسمها http://www.youtube.com/watch?v=3pHlG6CVYM4&NR=1 هالفيديو يعلمكم كيف تدربون الببغاء انه ايي صوبكم يوم تزقرونه.. طبعن هذا ينفع مع الببغا اللي يطير.. ممكن تبدأ التدريب ببساطه انك تطلب من الببغاء انه يركب ع ايدك بمجرد انك تقول له "اركب" و طبعن كل ما ينفذ الأمر تكافأه.. و حاول تسلسل الموضوع.. يعني اول شي يركب ع ايدك.. و بعدين مثلن "تعال هنيه..!" و شوي شوي ناد اسم الطير و حط ايدك ع بعد مسافه و الطير بيفهم انه هوه المقصود و بيربط الاسم و الحركه.. ولا تنسو المكافأه... كيف تعلم الببغا عشان يركب ع ايدك http://www.youtube.com/watch?v=TPZ1B...eature=related الببغاوات متعودات يركبن ع اغصان و ستاندات.. بس انته تباه يتعلم يركب ع ايدك.. اولن لا تأشر بصبعك في ويهه.. لانه بيحاول يكتشف صبعك و بيعظه.. مب شرط لانه متوحش ^^ دايمن خل ايدك تكون مستواها نازل و مرتخي.. واذا ما طاع الببغا يركب عليها مثل ما انجوف في الفيديو في الثانيه 50 .. حاول ان ايدك شوي تلمس صدر الببغا و قول له "اركب" و بهالطريقه يختل توازن الطير و عشان يتوازن بينجبر انه يركب عليك.. و ع طول كافئ الطير.. لانه يوم مسحت ع صدره و فقد توازنه بيشكل هذا تجربه مب حلوه للطير بس لانك كافأته فبيعرف انك ما كنت عدواني معاه.. بعض الطيور تستخدم منقارها عشان تركب عالغصن او الايد.. لو ما تريد هالشي حاول انك تحط ايدك من ورا الطير و بمجرد ما يحس بايدك وراه بيمشي خطوه للورا عشان يركب على ايدك.. بس تذكر انك تريد هالشي يكون تجربه حلوه في ذاكرة الطير فلا تكون قاسي معاه.. لانه بهالطريقه عمره ما بيركب ع ايدك كيف تدرب الببغا عشان يوقف عض http://www.youtube.com/watch?v=GdwI5...eature=related اولن لازم نعرف انه اهم سبب ان الببغا يعض هوه الخوف.. عشان جيه لازم نغير البيئه اللي تسبب الخوف.. في مملكتهم الطبيعيه في الغابه الطير بيختار انه يطير... بس في هالبيئه اليديده ماله غير العض.. و هذا هوه الحل الاخير لهم لو كان عندك طير يعض.. و مثل قلت له "اركب" و بدال ما يركب ع ايدك حاول يعضك.. و طبعن هيه تتكلم عن طير متعلم يركب ع الايد.. و هوه ع الايد الثانيه هز ايدك شوي عشان يفقد توازنه.. الطير بيربط في ذهنه انه كل ما يريد يعض يفقد توازنه و هالشي تكرهه الببغاوات .. و بتلاحظ بعدها انه يوم بتعطيها ايدك عشان تركب عليها بتتقبلها.. و تقدر بعد تطلب منها تركب ع ايدك بس من ورا.. و اخر طريقه عشان ما تعظك انك تدخل عنصر تلهيه عن تعضك.. يعني مثلن عطها ايدك عشان تركب عليها و بالايد الثانيه امسك اي شي ممكن ان الببغا تلتهي فيه عن ايدك اللي بتركب عليها مثل عصا او اكل.. و بهالطريقه بتحاول توصل ايدك بدون ما تنتبه و في نفس الوقت بتكون منتبهه للعصا او الاكل في ايدك الثانيه الممنوعات في تربية الببغاوات http://www.youtube.com/watch?v=-fOR8...eature=related بنتكلم في هالموضوع عن الاشياء اللي ممكن تتبعوها في تدريب الببغا.. اهم شي انك يوم بتدرب الببغا دايمن خلك في مكان واحد ولا تغير المكان وايد... السبب انه الببغاوات تاخض وقت الين ما تتعود ع المكان و البيئه اللي تحطها فيها.. فكل ما غيرت المكان بيخلق نوع من الالتهاء عن التدريب.. حاول انك يوم تريد تدرب الببغاء انه ما يكون فيه انشطه مختلفه وانته تدرب الببغاء.. فمثلا لازم ما يكون فيه حيوانات ثانيه في نفس الغرفه.. و لا شخص ثاني يتكلم.. او يسعل.. و طبعن مهما كان التدريب ناحج او فاشل حاول دايمن ان التدريب ينتهي بشي ايجابي.. صح بتفقد اعصابك و بتعصب لانه يعضك او ما يسمع الكلام بس بهالطريقه بتخلي فترة التدريب بالنسبه له شي مزعج ولا بيتجاوب معاك في المره الثانيه... كيف تعلم الطير يستخدم الحمام (وانتو بكرامه) http://www.youtube.com/watch?v=tlIix...eature=related معظم الببغاوات ما يعرفون انهم لازم يسيرون مكان معين عشان "يسوونها" .. ولا انهم يمسكون عمارهم.. بس في طريقه تقدر تستخدمها عشان الطير يتعلم انه ما يوسك و بالاصح انه يسير مكان معين مثل الزباله.. احسن شي ممكن تسويه انك تكون ملتزم في الموضوع.. و غير جيه انك تفهم لغة جسد طيرك.. فكل مره يريد الحمام بتعرف من طريقة وقفته او هز ذيله.. المهم كل ما يريد الببغا ينزل فضلات حط تحته سلة الزباله او كلينكس... الببغاوات الصغار يسووها كل عشر دقايق و الببغاوات الاكبر حجم كل تقريبا 20 دقيقه... كل ما يتباه يسوي في الزباله او علبه دايمن استخدم مصطلح معين عشان تدل ع فعل "روحة الحمام" عشان يربط الطير الجمله بالفعل.. و بهالطريقه كل ما يريد يروح بيقول الجمله الي تعلمها منك.. المفضل استخدام مكافأه كلاميه اكثر من الاكل.. لانه في احتمال كبير يتمون ماسكين عمارهم ولا ينزلون فضلاتهم لانه بيس اتجوفهم عشان يحصلون المكافأه و هذا بيسبب لهم مشاكل صحيه .. و تذكر المتحدثه حاله وحده من الببغاوات اللي علمتهن... مره وقفت ع الستاند و طالعتها فقالت الببغاء سيري الحمام و طارت صوب الحمام فعندها عرفت المدربه ان الببغاء فاهمه الموضوع تعليم الطير من خلال التقليد http://www.youtube.com/watch?v=xBO9p...eature=related واحد من اكثر الطرق فعاليه في تدريب الببغاء هي التقليد.. و خصوصن مع اكثر الطيور ذكاءا مثل الرمادي و الامازون و الكوكاتيل لانهم طيور قادمه من جماعات.. فمثلا لو تريد تعلم الطير عن شي.. حاول انك انته تسويه جدامه.. مره و مرتين و عقبها بيحاول هوه لانه شافك تسويه على سبيل المثال تريد الببغا ياكل فستق الببغا بيحاول و بيلقاه صلب فما بياكله.. بس لو انته كلته بيعرف انه هالشي ممكن يحاول يجربه و بياكله بس وانته تاكله حاول تسوي عمرك اونك مستانس بالاكل و من المعروف انه الببغا دايمن يريد انتباه... فمثلن لو عندك اكثر من طير و واحد منهن سوى حركه انته مدربنه عليها عطه مكافأه بتلقى الطيور الثانيه تسوي اصوات تحاول انها تلفت انتباهك عشان تحصل مكافأه مثل الطير الثاني و ممكن في اغلب الظن انهن يقلدن الطير اللي كافأته و المدربه تسوي مثال بانها حطت حبتين من المكسرات في كيس... و تلاحظ انه يراقبها و هيه تحط المكسرات طبعن حاول انه يكون الشي مرغوب من قبل الطير و قامت بتغليف الكيس و عطته الطير لاحظو كيف الببغا حاول يفتح الكيس لانه شاف انها حطت المكسرات داخلها بس الطير رمى الكيس لانه احتمال اول مره يجربها او لانه الكيس ثقيل عليه و حاولت في الفيديو تراويكم طريقه عشان الطير يهز راسه مثل ما تهز ايدها جدامه بس لانه كاميرات و طاقم التصوير الطير ما قلدها بس الحين تعبت من كثر ما اترجم و سايره يمين يسار بين الفيديو و الموقع ^^ ان شاء الله تكونون استفدتو :) و لي عوده ان شاء الله مع مزيد من الافكار من المختصين ^^ |
رد: دوره تدريبيه في تدريب الببغاوات 1
جهد كبير تستحق الشكر عليه الله يعطيك العافيه ويستحق التثبيت |
رد: دوره تدريبيه في تدريب الببغاوات 1
الموضوع يستحق الشكر الف مره ... واطلب التثبيت لانه يستحق التثبيت...
ويعطيج العااافيه ... واايد عجبني المووووضوع ...تسلمين على الموووضوع ... |
رد: دوره تدريبيه في تدريب الببغاوات 1
واو الله يعطيج العافية
الف الف شكر |
رد: دوره تدريبيه في تدريب الببغاوات 1
تسلمى على هذا المجهود وباركالله فيك
|
رد: دوره تدريبيه في تدريب الببغاوات 1
بصراحة تسلم أناملك على هالموضوع وياريت تحطي موضوع عن تعبيم بعض الحيل والحركات وعن التفريخ لو عندك فكرة عنه واتمنى لك دوام الصحة والعافية
|
رد: دوره تدريبيه في تدريب الببغاوات 1
اقتباس:
:o العفو اخجلتوني والله ربي يعافيك و تسلم ع التثبيت :rolleyes: |
رد: دوره تدريبيه في تدريب الببغاوات 1
اقتباس:
^^ العفو .. ^^ ما سويت غير الواجب .. و ان شاء الله بحاول اني كل ما قدرت و لقيت اشياء مفيده احطها لكم ^^ :) |
رد: دوره تدريبيه في تدريب الببغاوات 1
تسلمي حبيبتي ترى الموضوع وايد مفيد وروعة بعد
وتراه يستحق التثبيت وان شاء الله تكتبي لنا اكثر مشكووووووووووووووووووووووووووووووووووووووووووووووووووووورة يا بعد عمري:p:p:p:p:p:p:p:p:p:p |
رد: دوره تدريبيه في تدريب الببغاوات 1
اقتباس:
ان شاء الله الله يقدرني و اكون عند حسن ظنكم ^^ |
رد: دوره تدريبيه في تدريب الببغاوات 1
اقتباس:
ان شاء الله انا هاي المعلومات كلها مثل ما شفت من الفيديو.. وانا توني هاويه جديده.. بس احاول اني اقرا و اتعلم اكثر قدر ممكن في اقل وقت ممكن و اللي اتجوفه فوق عباره عن ترجمه للفيديو .. بس بحاول ان شاء الله ادور عن المواضيع اللي طلبتها و ان شاء الله بحطها جريب ^^ تسلم و الله يقدرني و اكون عند حسن الظن :) |
رد: دوره تدريبيه في تدريب الببغاوات 1
اقتباس:
:rolleyes: خلاص ثبتوني :p العفو و هذا اللي انتو تستاهلونه الغاليه ^_^ |
رد: دوره تدريبيه في تدريب الببغاوات 1
ماشاء الله عليك كاسكوكيه موضوع جميل ومتميز تسلم الأيادي |
رد: دوره تدريبيه في تدريب الببغاوات 1
اقتباس:
|
رد: دوره تدريبيه في تدريب الببغاوات 1
ماشاء الله
بارك الله فيك اختي الكريمة كاسكوكيه فعلا دوره مميزه جداً وكنت اتمنى ان يكون الفيديو بالعربي حتى يكون الدرس مفهوم للكل اتمنى ان نجد من ينتج دورة متكاملة على اليوتيوب لانها تبقى وهي اكثر فاعليه من الشرح بالكتابه ولكٍ كل الشكر والتقدير موضوع مهم واتمنى ان تواصلي ابداعك والله يوفقك اخوك سلطان. |
رد: دوره تدريبيه في تدريب الببغاوات 1
اقتباس:
ان شاء الله الله يقدرني و اكون عند حسن ظنكم :) |
رد: دوره تدريبيه في تدريب الببغاوات 1
عندي سؤااااااااال:D:D:D
مذكور في الفيديو الي يورينا اننا نعود الببغاء انه لا يعض اننا ننهي كل فترة تدريب باننا نعطي الببغاء مكافاءة حتى اذا ما تجاوب وراح يعضي بقوة وانا اؤيد هذة النقطة بس من انواع التشجيع انو اذا الببغاء عمل عمل جيد اننا نعطيه مكفاءة عشان شذي هل الببغاء بيعتبر انو هو لو عض هذا يعتبر سلوك حسن؟:confused::confused: |
رد: دوره تدريبيه في تدريب الببغاوات 1
سؤال حلو :)
بس انتي لو انتبهتي انهم يريدون يعودون الببغا على فترة تدريب معينه مع صاحبه.. فالمفروض انه يتعود على انه يكون جريب منه و يتعود على التعامل و الاخذ و العطا بينه و بين صاحبه.. فلو صاحب الببغاء زعل و عصب بيحس فيه الببغاء و بيزعل و لا بيتجاوب مره ثانيه مع صاحبه لو يينا لموضوع العض ففيه موضوع ثاني يقول لج انه فيه طريقه تجتلين فيها السلوك السيء عن طريق تعزيز السلوك الجيد و لو بدر سلوك غير مرغوب يتم تجاهله... بيلاحظ الببغاء ان صاحبه يكافأه ع السلوك الجيد و بيلاحظ ان صاحبه ما يكافأه مع السلوك الغير مرغوب فيه ^^ |
رد: دوره تدريبيه في تدريب الببغاوات 1
مشكورة اختي على هالمجهود الكبير
ويعطيك ألف ألف ألف ألف ألف ألف ألف ألف عافية |
رد: دوره تدريبيه في تدريب الببغاوات 1
العفو :)
والحين اجهز للدوره التدريبيه الثانيه ^_^ |
رد: دوره تدريبيه في تدريب الببغاوات 1
طيب حبيبتي
انا اخاف ببغائي ما يتجاوب معي ويفضل طول فترة التدريب يعض وبعدين اعطيه مكافاءة ويفهم انه لو عض بيكون عنده مكافاءة لانو هذه التجربة حصلت معي طيب ايش الحل؟؟؟:confused::confused::confused::confused: سلااااااااااااااااااااااااااااااااااام:p;):cool: |
رد: دوره تدريبيه في تدريب الببغاوات 1
سؤال انتي شفتي الفيديو الي انا حطيته و كتبت الشرح ماله؟؟ :P
|
رد: دوره تدريبيه في تدريب الببغاوات 1
من جد والله الموضوع حلو مررررررررررررة
استفد منة كثير وجاري القراءة المدققة للاستفادة ومن ثم التطبيق باركولي توني شاري ببغاء افريقي قبل اسبوعين تقريبا الف الف مبروك لي مشكووووووووري اخوي عل الموضوع ودمتم بووووووووووود |
رد: دوره تدريبيه في تدريب الببغاوات 1
ألف مبروك ع الببغاء
و ان شاء الله تستفيد من المواضيع المثبته و من قسم الاسئله و الاجوبه و الاخوان و الاخوات هنيه ما بيقصرون معاك أختك: كاسكوكيه :) |
رد: دوره تدريبيه في تدريب الببغاوات 1
ماشاء الله موضوع روعه
بارك الله فيك اختي وعساكي على القوه دمتي بود... |
رد: دوره تدريبيه في تدريب الببغاوات 1
اي طبعا شفته بس الحين استوعبت اني فهمت شي غلط هذي الطريقة للبغاوات المدربة توقف علي اليد ونحن نستعمل هالطريقة لمن نكون نبيها تنتقل من يد الى الثانية صح ؟
|
رد: دوره تدريبيه في تدريب الببغاوات 1
صح.. لانه الببغاوات تستخدم منقارها عشان تتطمن انه اللي تريد توقف عليه سواء غصن ولا ايد الانسان قويه كفايه انها تتحمل وزنه .. و غير جيه لو تلاحظين ان الببغا عشان يتسلق يستخدم ريوله و منقاره عشان يتثبت
فعشان نخليه ما يستخدم منقاره و طبعن هوه بيكون متعود انه يركب على ايدينا.. نروح نسوي هالحركه ^_^ |
رد: دوره تدريبيه في تدريب الببغاوات 1
|
رد: دوره تدريبيه في تدريب الببغاوات 1
موضوع رائع ومفيد جدا
شكرا يا كاسكوكيه |
رد: دوره تدريبيه في تدريب الببغاوات 1
أبو ريان... تسلم ع المرور
طير حر... العفو.. هذا الواجب :) |
رد: دوره تدريبيه في تدريب الببغاوات 1
شكرا على كلامك الطيب وتقبلى مرورى عزيزتى
والله يوفقك بكل موضوع تكتبينه وموضوعك يستحق التثبيت..................... |
رد: دوره تدريبيه في تدريب الببغاوات 1
العفو :)
تسلم ع المرور والتعليق :) امين و يوفق الجميع ^^ |
رد: دوره تدريبيه في تدريب الببغاوات 1
مشكووووووووووووووووووووووووورة:):):):):):):)
طيب ممكن بالدورة التدريبية في تدريب الببغاوات 2 توضحي كيف نطلع الببغاوات العضاضة على الايد يعني مو مثل هالمرة اذا نبيها تنتقل من ايد للثانية لكن تورينا كيف نطلعها على الايد من المرة الاولى لان انا ببغائي اجرب اني احرمه من اكله المفضل 3ايام وبعدين اروح احط الاكل المفضل على ايدي ويروح يطير ويقف على ايدي بس ما ديما تنجح :( لحد الان نجحت 7مرات باااااااااااااااااااااااااااااي:p:p:p:p:p:p:p:p:p:p |
رد: دوره تدريبيه في تدريب الببغاوات 1
=$
الحمد لله يوم نجحت يا اختي :P انتي بطرانه وانا اكلمج الحين كنت احاول اخلي "شامبيه" يوقف على ايدي.. بس وانا لابسه الدس لاني خايفه من عضته و جريب في موضوع تجربتي بخبرج كيف قدرت اخليه يوقف على ايدي يوم اقول له "هوب هوب" و بحاول انزل الدوره التدريبيه قريييييييييييييبن بس المشكله اني "مدرسه" يعني شغلي كله مع طلابي .. بحاول اني افضى واخلص الدوره قريب :) |
رد: دوره تدريبيه في تدريب الببغاوات 1
مجهود رائع والله يبلغنا بطير جديد ونستخدم الكلام دا والف شكر والله
|
رد: دوره تدريبيه في تدريب الببغاوات 1
مشاء اللله تبارك الرحمن مجهود كبير منكي و تستحقين الشكر
مشكووووووووووووووووووووووووووووووووووووووور و يعطيكِ 1000 عافيه |
رد: دوره تدريبيه في تدريب الببغاوات 1
اقتباس:
|
رد: دوره تدريبيه في تدريب الببغاوات 1
اقتباس:
|
رد: دوره تدريبيه في تدريب الببغاوات 1
ماقصرتي كاسكوسيه ...
|
رد: دوره تدريبيه في تدريب الببغاوات 1
:)
تسلم ع المرور :D |
| جميع الأوقات بتوقيت GMT +3. الساعة الآن 10:05 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو