|
ارجو المساعدة + يوجد صور
لو سمحتم من ايام ظهرت على قطتى حاجات غريبى زى متكون التهابات او تقرحات ..
المهم انا كنت بعالج بالبيتادين ومضاد حيوى بودرة اسمة بانيوسين لكن المشكلة انو بينتشر بسرعة فى الجسم كلة ... الاول بدا بالذيل حوالى 3 او 4 ,, واحدة ظهرت النهاردة فى السدر القطة عمرها سنة ,, والحمد لله بتاكل كويس جدا بس الموضوع دة هو المشكلة وانا من سنتين تقريبا كان عندى قطة برضو فى عمرها وظهر حاجات زاى كدة وساعتها عالجت بمضاد حيوى وماء اوكسجين مطهر وللاسف الموضوع كبر اوى وانتشر بكل الجسم وفى الاخر الدكتور قالى مفيش غير الموت الرحيم ودة فعلا الحصل لكن بعد سنتين الموضوع بيتكرر ومشعارف اعمل اية كمان فى بعض الاوقات بيكون فى دم نازل من المناطق المصابة دى رغم استخدام البيتادين والبودرة لكن مفيش فايدة وبدات العلاج من يومين بس مرة واحدة فى اليوم وانا صعبان عليا جدا انى اموتها خاصة ان هى بشكل عام بتاكل وتلعب ... وبصراحة احنا فى مصر الدكاترة مش اد كدة ... وكان عندى قط سابق زى ماقلت لحضراتكم ولما الدكتور شافو قال هو ميعرفش اية العندو والافضل انو يموت موت رحيم لان فعلا القط كان شكلو صعب جدا وكان جسمو كلو فى الموضوع دة الصور دى لسها ظاهرة جديد فى الصدر وحاطط عليها بودرة بانيوسين وهى المفروض مضاد حيوى واسع المدى http://img594.imageshack.us/img594/7213/photo0046n.jpg ودى فى منتصف الديل http://img4.imageshack.us/img4/1322/photo0047u.jpg ودى فى بداية الذيل لونها عامل كدة عشان عليها بيتادين http://img812.imageshack.us/img812/5020/photo0048zz.jpg وهل يوجد بديل للبودرة دى لانها كمان خلصت ومش موجودة فى اى صيدلية؟ تنصحونى يأية ؟ فى نوع معين من المضاد الحيوى ممكن اجيبو ؟ ++ ان المكروب دة بينتشر بسرعة فى الجسم فى اماكن تانية ومشعارف اعمل اية |
رد: ارجو المساعدة + يوجد صور
اهلين اخي
هذي فطريات في مرحله متطوره جدا ولازم لها علاج سريع وللأسف الدكتور اللي رحت له جاهل ومايعرف شي معقول يبيك تقتل القطه بمجرد ان عندها فطريات ؟؟ ما اقول الا حسبي الله ونعم الوكيل المهم الحين اتركك منه تمام واترك ادويته لازم تروح للطبيب ثاني يكون له خبره ويقدر يعطيك العلاج المناسب واذا ماقدرت اقرا هذا الموضوع وسوي اللي فيه وان شاء الله قطك بيتعالج ويقوم بالسلامه http://www.liali.net/vb/showthread.php?p=2636651 |
رد: ارجو المساعدة + يوجد صور
دور لو في اطباء عندكم في محافظتكم
|
رد: ارجو المساعدة + يوجد صور
جزاكم الله خيرا
طمنتونى وان الحمد لله حاليا بستخدم بيتادين مطهر وححاول اجيب مرهم بيتادين او ديكتارين وخير ان شاء الله |
رد: ارجو المساعدة + يوجد صور
اخي انت اقرا الموضوع انا مجربته العلاج مضمون باذن الله
|
رد: ارجو المساعدة + يوجد صور
جزاك الله خيرا اخى فاتو
بس موضوع البخاخ دة مش حيسبب حرقة للقط 2- الشامبو مهم اوى ولا لاء لان القطة اصلا مش بتستحمل ان حد يجى جنب المنطقة المصابة ومعلش ياغاالى البيتادين معروف انو مطهر قوى على الاقل لمنع نشر العدوى استخدامة ضرورى تمام كدة ؟ |
رد: ارجو المساعدة + يوجد صور
بعد اذنك ياغالى عندى استفسار تانى
عند الجرح الموجود فى الذيل احيان كتير بينزل دم لونة احمر قاتم .. وبرضو بحاول انى استخدم البتادين للتطهير وبالنسبة للمضاد الحيوى الدكتارين ملقتهوش وقالوا فى بديل لى اسمة ديرماتين وهو برضو مخصص لعلاج البكتريا والفطريات ؟ |
رد: ارجو المساعدة + يوجد صور
ملاحظة لكاتب الموضوع ترى الاخت فاتو هي بنت مب ولد حتى لا تغلط اكثر
|
رد: ارجو المساعدة + يوجد صور
اقتباس:
|
رد: ارجو المساعدة + يوجد صور
اوك مافي مشكله
شوف انت جيب له مرهم بيتادين ومطهر بيتادين وشامبو فافو هذولي كفايه اذا ماقدرت تجيب الباقي وبالنسبه للاستحمام مو لازم تحميه في الشتا بس بلل المنطقه كل يومين اوثلاث وحط عليها شوي من الشامبو ولازم تكون لابس قفاز واغسلها ب لوفه ناعمه على المنطقه حتى تتاكد ان الشامبو وصل لها وبعدين اشطف المنطقه بشويه مويه دافيين وجففها وحط المطهر والمرم على طول |
رد: ارجو المساعدة + يوجد صور
جزاك الله خيرا اخت فاتو
واشكرك جدا على المساعدة والحمد لله عملت زى مانت قولتى بالظبط ودلوقتى الحالة افضل كتير والقشرة تحول لونها الى الاسورد الداكن وحجمها يقل ويظهر الجلد الطبيعى بس عايز استفسر بعد اذنك من يومين بالضبط كان نزل دم كتير من مكان القشرة الفديل وبعدها انا نضفتها بالبيتادين وحطيت المرهم وبعد كدة الجرح تقريبا نشف ومبقاش فى صديد او اى حاجة تانية للعلم فقط مش اكتر خروج الدم هو المكروب ؟ ولا بيبقى معناة ان الجرح بقى طبيعى ومفيش فى فطريات ؟ |
رد: ارجو المساعدة + يوجد صور
خروج الدم سببه كثره هرش وحكه القطه في المنطقه المصابه لانها معذوره المنطقه متأخره في العلاج وتحرقها
انت حاول تهديها ولو تقدر تعطيها العلاج وهي نايمه يكون احسن حتى ماتلحق تشيل اثار المرهم والطبقه السوداء هذي معناها انها في تحسن استمر على العلاج لمده شهر او شهر ونص والله يعنيك |
رد: ارجو المساعدة + يوجد صور
الله يكرمك .. يا اخت فاتو
شكرا لكى على المتابعة |
رد: ارجو المساعدة + يوجد صور
العفو اخي
واجبنا لاتنس تطمنا بعد اسبوع او اسبوعين |
رد: ارجو المساعدة + يوجد صور
علاج الفطريات لايكون فقط علاج موضعي،في حبوب لازم تاخذها القطة علشان تقضي عالمرض بسرعه
|
رد: ارجو المساعدة + يوجد صور
اقتباس:
اطمنكم |
رد: ارجو المساعدة + يوجد صور
اقتباس:
صح ولا اية ؟ |
رد: ارجو المساعدة + يوجد صور
الحالات البسيطه مش بتحتاج دوا داخلى
وانا حقيقى مش بنصح بالدوا الداخلى للفطريات لان اغلب القطط بيكون عندهم حساسيه منه وكمان اى جرعه زياده تسببلهم تسمم فانت امشى على العلاج الخارجى وبعد ماتخف اهتم بقطتك يعنى حميها مره فى الشهر بشامبو نيزورال او فافو وعرضها للشمس لو حتى 5 دقايق الصبح |
رد: ارجو المساعدة + يوجد صور
لا ياعزيزي العلاج الداخلي ليس فقط للحالات المتأخره،لما تصاب القطه بالفطريات يتلوث دمها ايضا وتكون بحاجة لدواء داخلي يقضي على المرض من الداخل ونهئيا،اما العلاجات الموضعية فهي بتعالج لكن بعد كم شهر بترجع الفطريات مره ثانية لانك لم تقضي على المشكله من اساسها وهذا الكلام من اطباء اجانب وخبراء وانا شخصيا جربته،صحيح ان العلاج الداخلي ممكن يسبب ضرر بس في حالة وحدة لو الجرعة كانت زيادة،اما لو اتبعت التعليمات دون زيادة وبحذر فلا خوف بإذن الله،قطتي عالجتها من الفطريات لما كان عمرها ثلاث شهور ونص تقريبا وكان العلاج موضعي وداخلي وكان في بداية المرض وبعد اقل من عشرين يوم قضي على المرض دون ان احممها لابشامبو ولا غيره،والحين عمرها تقريبا سنتين الا شوي ومارجعت لها الفطريات ابدا،في النهاية القرار لك الله يشفيها،بس ياليت تروح لدكتور ثاني وتتأكد ان اللي فيها فطريات فعلا.
|
رد: ارجو المساعدة + يوجد صور
مٓ تشوف شر و ان شاء الله تصير تمام بعد نصايح اخواننا طمنينا عنها :(
|
رد: ارجو المساعدة + يوجد صور
لو كنتي متخوفه من الحبوب ممكن تستعملي شراب اسمه diflucan لو القط اقل من ست شهور ياخذ 1.5 مل وطهري الأماكن المصابة بالبيتادين
|
رد: ارجو المساعدة + يوجد صور
اشكركم جميعا على المتابعة
بس هو حاليا العلاج الموضعى شغال تمام وبخصوص اعطاء دواء داخلى او اقراص للقطط انا شايف ان الموضوع مش منتشر اوى عندنا فى مصر يعنى الدكاترة عموما بيعالجو بعلاجات موضعية |
رد: ارجو المساعدة + يوجد صور
سوي اللي تقدر عليه
وان شاء الله بتتعالج باقرب وقت بس انت التزم بالعلاج يوميا ولاتتكاسل والله يعنيك |
رد: ارجو المساعدة + يوجد صور
بأذن الله
... وشكرا لكم جميعا على سعة صدركم |
رد: ارجو المساعدة + يوجد صور
للمتابعة ..
الحمد لله انا شايف ان العلاج ماشى تمام فى اتنين من القشور الكبيرة وقعت وطبعا ظهرت زى خراج مكان كل قشرة ,,, او بوصف ادق طبقة الجلد مش موجودة على مكان مناطق الاصابة بس هو لونة وردى عادى ونظيف حيث لا يوجد صديد او اى مشاكل ,, وللعلم انا اتعاملت من قبل مع موضوع زى دة وكان لاحد القطط عندى كان عندها خراج ناتج عن عضة وكان عميق جدا جدا ومليان صديد ,,, والحمد لله استخدمت البيتادين ومرهم فيوسدين لمدة اسبوعين لحد مالجرح اطهر ,,, بس الاهم انى جبت بودرة اسمها بانيوسين عشان بتنشف الخراج اسرع وبتسهل من العلاج وجابت نتيجة كويسة جدا مع القطة ... لكن دلوقتى البودرة دى مش موجودة فى السوق خالص ولا اى نوع بودرة مضاد حيوى والسؤال هل استمر بتطيهر الجروح ودهن منطقة الخراج بالدكتارين لانى البودرة دى مفيش امل فيها انى الاقيها ... ولا فى طرق تانية لتنشيف الخراج بطريقة اسرع ؟ وعلى حد علمى ان تساقط القشور دليل على فاعلية العلاج ... لانى تعاملت مع موضوع شبية زى مقلت لحضراتكم من حوالى 5 او 6 شهور تقريبا ,,, ملاحظة : سألت برضو على بودرة أنا فليكس وبودرة سلفا برضو مفيش فى اى صيدليات ؟ |
رد: ارجو المساعدة + يوجد صور
خراج طب هو مفتوح ولالا الخراج ده ياريت صوره عشان نقدر نفيدك ؟
|
رد: ارجو المساعدة + يوجد صور
فى التصوير مش حيبان حاجة .. من الشعر والبيتادين حوالية
وعموما ححاول |
رد: ارجو المساعدة + يوجد صور
اسف جدا بس دى اوضح صورة
وعموما هى دى بانت بعد وقوع القشرة من امبارح بس http://img32.imageshack.us/img32/1598/photo0056y.jpg الاسود التحتت الجرح بشوية دة القشرة الوقعت بس هى لسة شابكة فى الجلد |
رد: ارجو المساعدة + يوجد صور
اووووووو ياقلبى شكلها بجد صعب اوى
طيب انت متأكد ان ده خراج ولا جرح عادى ؟ اصل لو خراج لازم يتفتح عند دكتور ! عموما حاليا حط عليه مرهم فيوسيدين مضاد حيوى من الصيدليه البشريه وهدهنا مرتين فى اليوم وضرورى القطه تاخد مضاد حيوى ايموكس لاطفال 2 سم مره فى اليوم ووقف كل الادويه استخدم بس البيتادين والمرهم ده |
رد: ارجو المساعدة + يوجد صور
ايوة هى مش جرح عادى لانى اتعاملت معاة قبل كدة
وغير كدة ان دة كان موجود تحت القشرة الوقعت بس فيوسدين انا استخدمتو من قبل على قطة اخرى ومعملش حاجة لحد مجبت البودرة وكانت تمام قفلت الخراج تماما ... غير كدة انا مفتحتش حاجة عند دكتور من قبل والدكتور هو الكان قايلى كدة ممكن التعامل مع الخراج بسهولة بالتنظيف البيتادين واى مضاد حيوى والتغذية الكويسة عشان اللحم بيملى من جوة لبرة فمحتاج تغذية كويسة |
رد: ارجو المساعدة + يوجد صور
شراب ايموكس دة وظيفتة اية ؟
بخصوص المضاد الحيوى بستخدم دكتارين حاليا وبدهن منو 3 مرات يوميا بعد مطهر بالبيتادين اما اذا كان خراج او لاء فعلى حد علمى ان هو بيبقى خراج لانى شايف انو بيملى من جوة لبرة .. ثانيا هل ممكن الفطريات تسبب جروج من النوع دة ؟ لانى اتعاملت من قبل مع حالة زى كدة وكان العلاج اخذ حوالى 3 شهور بيتادين وفيوسدين لحد مغيرتو وجبت بودرة بانيوسين وسرعت تماما من الشفاء وقفلت الجروح .. |
رد: ارجو المساعدة + يوجد صور
للتوضيح انا لما اتعملت فى السابق كان جرح غائر جدا ومليان صديد وكان ساعتها خراج .. بس الحالة الحالية مفيش صديد او عمق
|
رد: ارجو المساعدة + يوجد صور
استخدم بس زى ماقولتلك المضاد الحيوى الايموكس
وكمان الفيوسيدين ومعاه البيتادين ومتسمعش كلام الدكتيور لو قالك يموتها ! |
رد: ارجو المساعدة + يوجد صور
طيب يا استاذة شاهستا
لا متقلقيش بس الفيوسدين فى منو انواع اجيب انهى .. ويفضل يكون مرهم ولا كريم ؟ |
رد: ارجو المساعدة + يوجد صور
والايموكس دة شراب صح
2- اجيبو كام ملى جرام 125 ولا 500 ولا كام ؟ ملحوظة : القطة عمرها سنة واسبوع وبخصوص المناطق المصابة بالفطر فاضل منطقتين لسة القشرة موقعتش استمر فى الدكتارين على المناطق دى ؟ وشكرا لتعب حضرتك معايا |
رد: ارجو المساعدة + يوجد صور
الفيوسيدين مضاد حيوى 15 جم هاته كريم 2%
والايموكس 250 جم هتديها 3سم فى اليوم بص انت تدفى اوضه كويس وتحمى القطه بشامبو نيزورال من الصيدليه البشريه بردو حميها بالشامبو ده ونشفها كويس اوى اوى وبعدين بقى ابتدى العلاج من الاول انا مش مقتنعه ابدا انها فطريات ياريتك تصورلنا القطه جسمها كامل والمناطق المصابه بالقشره وياريت تقولى انت منين فى مصر |
رد: ارجو المساعدة + يوجد صور
انا من منيل الروضة ...
بس هى فطريات لانها كانت بتنتشر فى الجسم كلو الاول بدأت بالذيل بعدين ظهرت فى البطن واحدة ولما استخدمت البيتادين والدكتارين مفيش حاجة جديدة ظهرت خالص ... والمناطق المصابة تحولت للون الاسود وهو القشرة الهى بتقع وبتكشف عن التحتيها وهى الجروح .. والنوعية دى من الجروح زى ماقلت لحضرتك اتعاملت معها من قبل مع احدى القطط على شكل خراج وكان عميق على شكل قمع ... لداخل الجسم وكان مليان صديد ومع العلاج والتنظيف مكان الجرح شفى تماما لحد منمت طبقة الجلد الطبيعية والحالة العندى دلوقتى الجروح دى اشبة بحالة الخراج السابقة لان قبل التئام الجرح بالكامل ونمو الجلد كان بالظبط زى الشكل الحالى وخد حوالى اسبوع لحد مالتئم تماما .. اما بخصوص الحموم بصراحة خايف جدا احميها دلوقتى لان الجو برد وكنت مستنى لحد متشفى الجروح كلها واحميها عشان كمان مهم ان الجرح يكون جاف ويكون بعيد عن الماء وبخصوص النيزورال هو مش عندى حاليا لكن عندى شامبو اسمو فافو بخصوص القشرة البيضاء هى موجودة فى الراس فقط وحاليا مفهاش مشاكل لكن المشكلة كانت بالذيل .. ولو تابعتى اول صفحة فى الموضوع حتلاقى ان شكل الاصابات كان فظيع ودلوقتى احسن كتير وقعت القشرة السوادء بكتل من الشعر من بعض المناطق وكان تحت كل واحدة جرح زى الموجود فى الصورة الجديدة والاحظ ان الانسجة فى الجرح بتتبنى عادى وبتتكون عادى وعموما انا حجيب الفيوسدين ... والايموكس حديها 3 سم مراة واحدة بس فى اليوم تمام ؟ الفيوسدين استخدمو على الجروح تمام كدة |
رد: ارجو المساعدة + يوجد صور
صورة
انا على طول ببقى حاطط بيتادين عشان ميبقاش فى اى تلويث واللون البنى دة بسبب البيتادين ولو حضرتك دققتى النظر حتلاقى فى منطقة كدة شكلها كبير شوية http://img708.imageshack.us/img708/731/photo0065jm.jpg دى احد المناطق المصابة ومن فوقيها على طول كان فى واحدة زيها بس هى خلاص اصبحت القشرة على وشك انها تقع وفى جرح تحتيها بحجم راس الدبوس ( مش عميق) وصورة الجرح الموجودة فى الصفحة التالتة دى تالت اصابة وكانت الاول سودا ومكونة قشرة لحد موقعت لوحدها .. وبان الجرح |
رد: ارجو المساعدة + يوجد صور
الاجزاء الهى مبيضة شوية دى كان مكانها قشرة سوداء ووقعت والحمد لله مكنش تحتيها اى جروح لان القشرة بتبقى كبيرة ومغطية مكان واسع شوية والجرح بيكون صغير على حسب المكان يعنى
|
رد: ارجو المساعدة + يوجد صور
ربنا يشفيها بجد
خلاص متحميهاش واستخدم الديكتارين وفى مرهم اقوى كمانن اسمه بنزانيل من الصيدليه البشريه ياريتك تستخدمه استخدمه على الاماكن الى فيها قشر اما اماكن الجرح استخدم الفيوسيدين وزى ماقولتلك ضرورى تشربها المضاد |
| جميع الأوقات بتوقيت GMT +3. الساعة الآن 05:14 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو