|
مزرعة انتاج طيور ناطقة
السلام عليكم
اولاً اعتذر اذا كان مكان الموضوع غلط و اتمنى من المشرفين عدم حذف الموضوع للأهمية و الفائدة بدل من سؤال فلان و علان للبحث عن واسطة للتوظيف فكرت في الاسثمار بمزرعة لانتاج الطيور الناطقة كـ المكاو ، و الامزوني ، و الكوكاتو ، الافريقي بحسبة سريعة المزرعة سوف تكلف رأس مال كبير بالنسبة لي و الغالب أنه سوف يكون دين او قرض من خلال خبرتكم بالإنتاج هل الربح مجزي ؟ اذا اخذنا بالاعتبار أني سوف استثمر رأس مال اولاً و انه سوف يكون مصدر دخل الوحيد و الرئيسي اتمنى منكم النصيحة شكراً |
رد: مزرعة انتاج طيور ناطقة
اخوى ديكتاتور الله يوفقك هذا اولا
صراحه مشروع انا مؤيد لك بقوه لعده اسباب وهو انك توفر لنا الببغاوات وبسعر معقول شوى مو زي الحين الواحد عشان يشترى ببغاء يكلفه راتب شهر كامل .... تقبل مرورى اخوك ابو اسامه |
رد: مزرعة انتاج طيور ناطقة
انا مؤيد لكك
صراحة تجارة مربحة بس اياك والطمع لو تطمع ستخسر ما بنيت وانا ان شاء الله اذا فتحت المزرعه اول واححد يشتري منكك وبالتوفيق |
رد: مزرعة انتاج طيور ناطقة
أستخير وتوكل على الله
ونعين ونعاون |
رد: مزرعة انتاج طيور ناطقة
الأستثمار وين راح يكون موقعه هل هو بالرياض ام خارجها وكم حسبتك للتكاليف ؟
|
رد: مزرعة انتاج طيور ناطقة
والله تجارة مربحة 100% إن شاء الله و انا مثلك ناوي على مزرعة يتكون من ٤ او ٥ ازواج بس اكثر شئ لاني اعشق هذه الطيور و انصحك تأخذ ازواج المرغوبة والنادرة مثل الامازون الدبل يلو هيد من النوع الماغنا ان اوجد و امازون اليلوناب و زوج الكاسكو و المكاو والخ وموفق مقدما حبيبي |
رد: مزرعة انتاج طيور ناطقة
اخوي الله يوفقك
لكن أنا سمعت عن انتاج الكاسكو لكن غيره ما سمعت في الرياض على الاقل والممل في الموضوع كامل هو تأقلم الزوج مع بعض ومع المكان اذا تحقق هذا سوف يكون المشروع مربح بإذن الله ولا تنسى دراسه درجه الحرارة ونسبة الرطوبة وظبطها الله يوفقك ان شاء الله ترا إحنا ما نقل عن الغرب في شي ما عدا العزيمه والإيمان بالفكرة ونجاحها حتى لو بعد زمن |
رد: مزرعة انتاج طيور ناطقة
السلام عليكم
احوي ماانصحك بسبب الجو في المملكه مايساعد .. خاصه الرياض بردها برد وحرها حر يعني يبي لك مكان مغلق وتتحكم بالبروده المحدده والرطوبه وهذا بيكلف اجهزه وكهرباء فكرت فيها من قبل وثاني شي .. اتوقع والله اعلم المزارع الخارجيه تستخدم التلقيح الصناعي وهذا جدا سريع الانتاج نحن هنا مانقدر نملك هذي التقنيه هذا مجرد رائي ,, |
رد: مزرعة انتاج طيور ناطقة
مشروع حلو جدا والاجواء مناسبة يمكن التحكم فيها بالمعدات المتطوره وتهيأةالجو المناسب اهم شيء دراسة جدول للمشروع وتوفر الموقع مهم 100% يكون كمحية وراح تجد الدعم واهل الانتاج من اهل الخبرة عندنا في الخليج كامل والله يوفقك لكن مافية شيء سهل يبلة تعب واهتمام ومتابعه وشبة تفرغ بداية الاف ميل بخطوة
|
رد: مزرعة انتاج طيور ناطقة
والله انا من وجهة نظري انه مكلف جدا وراح تجمد راس مال كبير اذا ماراح تخسره بتسئلني ليه باقول لك اولا يجب توافر الاساسيات 1 - المكان 2- جلب الازواج المنتجه 3- وجود اكثر من عامل 4- وجود التقنيات اللازمه وقلة الخبره في البلد له دور 5- توافر عمال من اطباء ومهتمين بالطيور وهذا نادر ومكلف 6- طول الوقت لانتاج الطيور والصبر7-وامكانيه الانتاج وامكانيه موت الطيور والكثير الكثير وفي النهاية تجي تحسبها انه مصدرك الوحيد راح تكلف عليك كثيير وانت داخل بزنسس مو داخل هواية في الاخير يمكن تجد نفسك خسرت كل استثمارك بسبب انك ماتقدر توفي بإلتزامات
المشروع بالاساس لو كان ثانوي باقول لك زياده الخير خيرين ممكن تغامر ام انه اساسي ومصدر رزقك مااانصحك ابدااااااااااا من خلال تجربتي العمليه و تفكيرك بانتاج وسريع وربح مادي سررريع انسى موضوعها وبالذات في الطيور واسئل اهل الخبره |
رد: مزرعة انتاج طيور ناطقة
الله يوفقك وزي ما قالوا الأخوان أحسب حساب الجو قد لايكون مثل جو الببغاء المراد أنتاجه في بلده الأصل.
|
رد: مزرعة انتاج طيور ناطقة
اقتباس:
و ابشر بسعر التكلفة ان شاء الله من الأنتاج اقتباس:
اقتباس:
ما أستغني عنكم اقتباس:
الاستثمار راح يكون يا حول الرياض يا بالقصيم و بالنسبة للتكاليف ما أتخذت قرار اذا جزمت ان شاء الله راح اسوي دراسة جدوى الله يعطيكم العافية على الدعم |
رد: مزرعة انتاج طيور ناطقة
اقتباس:
و الله يوفقك ونشوف انتاج مزرعتك اقتباس:
و الدعم و بنسبة لأنواع الطيور الثانية انا قريت ان تم انتاج الكوكاتو و الامزوني و المكاو اقتباس:
ما فيه مشروع ما يكلف و لا أمن و بالعكس اشوف هذا المشروع هو الاقل تكلفة و الاقل مخاطرة بين المشاريع الصغير المتاحة و الله يجزاك خير على النصيحة اقتباس:
الله يجزاك خير على الدعوة و النصيحة و بيض الله وجهك |
رد: مزرعة انتاج طيور ناطقة
اقتباس:
مشكور على النصيحة الله يجزاك خير اي مشروع را يكلف و يحتاج لمكان و فية مخاطرة و اكيد راح تحتاج لاهل الخبرة لكن صدقني كنت زيك كل ما فكرت بمشروع افكر بالمخاطر و التعب و الوقت بالأخير عديت كم فرصة كانت مربحة بوقتها و حدة منها كانت مؤسسة توصيل طلاب و طالبات قبل 7 سنوات لكن فكرت بالمخاطر و اذا صار حادث على احد السواقين و صار معه اصابات وهذي ارواح ناس بعدين نسيت الموضوع إلي صار بعدها كثير من الي اعرفهم يتشكون من غلاء لسواقين و لا فية بدائل و بعدين كثرت شركات التوصيل بشكل كبير و بعدها عرض علي صديق نفتح مطعم و كان له ستايل خاص نفس الشي فكرت بالمخاطر و انه صعبة نكون نراقب المطعم بكل وقت و ممكن يحصل تسمم و المطعم الان ماشاء الله شغال و مربح فوق ما كنا نطمح عارف اني طولت و اختصار الفائدة كل مشروع فيه مخاطره لكن كيف نتجاوز المخاطر ولا تعيقنا و لا نوقف عندها اقتباس:
|
رد: مزرعة انتاج طيور ناطقة
اخي الكريم
الرجاء وضع السؤال في مكانه المناسب (قسم سؤال وجواب وضع لخدمتكم) |
رد: مزرعة انتاج طيور ناطقة
مثل ماقال لك اخوي تشارلي اجواء الرياض لاتنفع لانتاج عصافير فما بالك بالببغاء تعوذ من الشيطان ورب لك طير وريح مخك :12: تحياتي .. |
رد: مزرعة انتاج طيور ناطقة
اول شيء أستخير بالله
المشروع في رائي ناجح بنسبة 90٪ و الله اعلم 1-على حسب نسبة الطلب على الببغاء ونوعه وسعره يعني مستحيل تسوي المشروع في مكان ما يهتمون بالببغاء مثلي عايش في بيئة ما تهتم بالببغاء كلمت واحد في موضوع قالي انت مجنون تدفع في طير 1500 والله ما اشتري لو ب100 الحل سوي جولة على الاماكن وحسب المهتمين في الطيور 2- البداية أبدء على حسب امكانيتك مثلا تسوي المزرعة وتجيب زوج او زوجين كاسكو زوج كوكاتو زوج مكاو زوج امزوني وزي كذا و اذا انتجت زيد على حسب الإمكانية 3- المزرعة لازم تكون مغلقة لتحكم بدرجة الحرارة والرطوبة الإنارة 4- الدكاترة ممكن تجيب واحد يشتغل عندك او تتفق مع مستشفى بيطرية 5- مختصين الانتاج في ناس في المنتدى ممكن يساعدوك او مزارع في الخارج اذا سارت الامور تمام ممكن تفتح محل او تبيع لمحلات طيور |
رد: مزرعة انتاج طيور ناطقة
اخوي اول شي استخير
ثانيا لو عندك راس مال يجيب عمال واجهزة ودكاتره والطيور المرادة توكل على الله بس تاكد من الاجواء |
رد: مزرعة انتاج طيور ناطقة
اولا شي مثل ما قالو بعض الاعضاء اياك وطمع راح تخسر
اذا تفكر كذا حط ببالك يبالك راس مال واذا بتفتح محل المحل لحاله راس مال والمزرعه والبيطره يعني لو تبي تبدي ابدا بشي راس المال زين عشان تقدر تبدأ بالكبير وموشرط انك طيور بمزرعه اذا عندك بالمنزل غرفه فاضيه فضها ورتبها وخلها غرفه خاصه للطيور مولازم مزرعه ولا شي والبيطره قلت لك ابدا بشي بسيط لتقدر للاعلى يتبع .. |
رد: مزرعة انتاج طيور ناطقة
عن نفسي لو تبي تبدا ابدا بالفيشر او الروز وابدا فرخهم وبيع الفروخ لين ما يصير مبلغ مالي اشتر بيضه كاسكو ولين ما تنقفص البيضه اعتني بالفرخ لين مايصير عمره 3 شهور طبعا كل ما علمته الكلام يكون سعره اغلى بس اياك وطمع راح تخسر
وهيك تبيعه وتشتري بيضتين وهيك لما تكبر تجاره بس بمزرعه انا عندي المزرعه متعبه اذا منزل في غرفه كبيره او متوسطه تفضيها وتخلي الجو معتدل ... اسفه خبصت شوي بس هذا ببالي ^_^ |
رد: مزرعة انتاج طيور ناطقة
اقتباس:
الله يعطيك العافية اقتباس:
الأجواء نقدر نتحكمبها و الطيور تعيش طبيعي اقتباس:
الله يعطيك العافية مشكور على النصائح المهمه اقتباس:
اقتباس:
اقتباس:
فكرت ابدأ حبة حبة لكن قلت التعب جاي و صابر حرام الضيع التعب و الجهد و الوقت على طير و لا اثنين قلت ادرس الموضوع و استشير إخواني و أستخيرك بعدين اتوكل على الله و ابدأ |
| جميع الأوقات بتوقيت GMT +3. الساعة الآن 08:24 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو