|
أسئلة عن تنظيف المضخة الغاطسة والنظافة عموماً
السلام عليكم ورحمة الله وبركاته هل يوجد فترة زمنية معينة ألتزم بها لتنظيف المضخة الغاطسة؟ لإني لاحظت، عند فصلها لفترة أكثر من 5 دقائق وتشغيلها، تنتشر الأوساخ في الحوض اليوم ناوي أعمل صيانة وأنظف أرضية الفلتر السقفي ... فهل يوجد داعي لتنظيف المضخة أيضاً؟ ملاحظة: الإسفنج لدي متكأ على كرات بيولوجية لإن قواعد الإسفنجات مكسورة وأنا حابب أضيف تحت الإسفنج مادة مفيدة لتنقية الحوض ( فحم أو أي شيء ) ، فماذا تنصحوني؟ وهل الكرات يمكن أن تكون سبب لإزدهار الطحالب؟ |
رد: أسئلة عن تنظيف المضخة الغاطسة والنظافة عموماً
حصى-اسفنج-سيراميك-كرات بايلويجة-اسفنج-فحم-اسفنج
بس اذا قصدك بالمضخة الفلتر الداخلي فممكن تفكوا وتنظفوا عادي ولو اني ما بعملها الا الما يتعطل |
رد: أسئلة عن تنظيف المضخة الغاطسة والنظافة عموماً
اهلين مهند ...
ايش هي المضخه الغاطسه ؟؟! تقصد مضغه الهواء ولا حجر الهواء ولا اشي ثاني ؟؟ سيبك من الكرات البيولوجيه انا ما بامن فيها الصراحه زي ما قلت في الاغلب بتكون سبب في نمو الطحالب فشوف علي بتروح على محلات السمك وين ما بدك بيكون عندهم بلستر تنقيه للفلاتر بتجيبوا وبتحط منو .. رخيص مو غالي حق البكيت 2ونص - 3 واذا بدك فحم كيس الفحم حقو كمان 3 دنانير بيجي تحت البلستر وفعاليته كبيره صراحه ... |
رد: أسئلة عن تنظيف المضخة الغاطسة والنظافة عموماً
مشكورين باسل ومحمود ...
معلش اختلط عليّ الأمر شوي يعني الفحم أو الحصى أو البوليستر أحطه تحت الإسفنج العادي؟ طبعاً السقف عندي مقسم لثلاث أقسام فلترة والمضخة مثل هيك يا محمود اضغط لمشاهدة الصورة |
رد: أسئلة عن تنظيف المضخة الغاطسة والنظافة عموماً
والله مش عارف ايش هاي اول مره بشوفها ولا بعرف لشو بتستخدم .. المهم الشباب يلي بعرفوها بيفيدوك
بس نيجي للاهم الترتيب بيكون بلاول حصى اول طبقه بعدين طبقه بليستر بعدين طبقه سيراميك بعدين طبقه بليستر بعديها حط كرات بيلوجيه اذا بدك بعدين كمان طبقه بليستر بعدين كيس الفحم بعدين كمان بليستر وصدقني رح يطلع عندك الفلتر اشي اصلي .. ( لا داعي للاسفنج فلبليستر يعمل افضل منه بكثير ) هذا رأيي ولا ادري عن البقيه :D |
رد: أسئلة عن تنظيف المضخة الغاطسة والنظافة عموماً
أنا نظفت المضخة ... اعتبرها بديل الباورهيد
راح أنزل عالسوق وأجيب المواد |
رد: أسئلة عن تنظيف المضخة الغاطسة والنظافة عموماً
شو ما بتامن بالكرات انت واياه!!!!!!!!!!!!!
شباب الكرات البايولوجية جزء لا يتجزا من فلاتر الاحواض البحرية فما بالك العذب حطو كرات انت واياه |
رد: أسئلة عن تنظيف المضخة الغاطسة والنظافة عموماً
والله رجعت الكرات مضطراً ... لكن بعد ما غسلتهن بماء الحوض
سوق الزرقاء ما فيه بوليستر ... وأكياس الفحم تقريباً بحجم كف اليد أو أصغر ... فهل هذا هو الحجم الوحيد؟ في مادة اسمها Magic Purifying Powder على أساس بتصفي الحوض واسم المصنع هو Badun على ما أظن ... ايش وضعها هاي؟ |
رد: أسئلة عن تنظيف المضخة الغاطسة والنظافة عموماً
مهند حبيبي !!
الفلتر الداخلي او الاسفنجي هذا اقل شي كل اسبوعين يتنظف مره !! لانه مجمع للامونيا عكس الفلتر السقفي اللي بيحتوي على بيكتيريا نافعه !! اما عن الكربون ! فهو بحجم كف اليد صحيح !! وهذا الحجم اللي بالسوق العربي اعتقد ! اما عن الماده السحريه اللي ذكرتها !! ترى الكربون وحده كفيل بتنقيه الماء وصفائها !! والبودر هذا !! ما سمعت عنه ابدا !! |
رد: أسئلة عن تنظيف المضخة الغاطسة والنظافة عموماً
لالا يا مهند هاض يلي بحجم كف اليد قديش حسبلك اياه ؟؟ انا قبل شهر او شهرين اشتريت من جبل عمان كيس تقريبا قد حجم نصف الذراع يعني تقريبا كيلو او اكثر شوي يعني يا كيلو يا كيلو ونص وحقو 3 دنانير يعني انا حاطو في صندوق تقريبا 50 سم في فلتر سقفي وعبا تقريبا كل الصندوق يعني طوله 40-45 سم هذا الكيس
باسل والله ما بعرف انا جربتها فعاليتها ما كانت جيده بالنسبه الي فعشان هيك بطلت استخدمها وهاي تجربتي ما بعرف عنكم :D |
رد: أسئلة عن تنظيف المضخة الغاطسة والنظافة عموماً
والله يا نجمنا الا ما تكون في تجارب فاشلة بس لا تنسى انها بتضل تجارب لا حقائق
والفحم انا عن نفسي افضل الحجم الصغير مع انو معلوماتي مثل انجل مان انو الحجم قد كف اليد البودر اتوقع انو ورق اللوز ويستعمل باحاوض الفايتر والاروانا بشكل كبير لدى محترفين تايلند لكن يعبها استبدالها كل شهر بس او اكم اسبوع لكن لو تقدر اتامن صورة لها حتى نتاكد |
رد: أسئلة عن تنظيف المضخة الغاطسة والنظافة عموماً
اقتباس:
انا ابي اصحح لك معلومة خارج نطاق التغطية يب تبقا التجارب تجارب والحقائق حقائق لكن الحقائق اولا واخيرا تأتي من التجارب لاني شايفك تقول هيك دئما حبيت انبهك لهانقطة بس :)) تحياتي |
رد: أسئلة عن تنظيف المضخة الغاطسة والنظافة عموماً
طبعا اخي لكن الحقيقة العلمية غير قابلة للتجريب و الرفض بسبب بعض النظريات
|
رد: أسئلة عن تنظيف المضخة الغاطسة والنظافة عموماً
فسر الماء بعد العناء بالماء ! ههههههههههههههههاي
كيو انت احسن واحد :D:D:D :freind: |
رد: أسئلة عن تنظيف المضخة الغاطسة والنظافة عموماً
محمود يا ريت اسم المحل على الخاص
طبعاً هذه هي المادة http://imageshack.us/a/img51/645/dsc00215bt.jpg |
رد: أسئلة عن تنظيف المضخة الغاطسة والنظافة عموماً
لالا مو هي يلي كنت احكي عنها صورها من ورى وركز عالكلام خليه واضح
|
رد: أسئلة عن تنظيف المضخة الغاطسة والنظافة عموماً
الكلام واضح يا باسل ... اقلبها وبس
من ورا مكتوب بالصيني ما راح تستفيد اشي |
رد: أسئلة عن تنظيف المضخة الغاطسة والنظافة عموماً
اتوقع انها لتنقية المياه وخصوصا في الاحواض المزروعة واذا ما خاب ظني بيجوا اكثر من كيس بالعلبة والبعض بستعملها للتنقية السريعة بعد تغيير المياه بشكل كامل للتخلص من الضباب او بعد تغيير الحصى الذي ينتج عنه عكورة للمياه
بس النوع يلي عنا http://76.my/UserImages/Items/1103/13/kingyo@2.jpg هاد النوع جديد علي طبعا العلبة هاي على اقرب سطل زبالة الله يعزك لانها بتاثر على كيمياء المياه بشكل غير مرغوب فيه وما بتخلي الفلترة الطبيعية تصير من تغذية البكتيرية على المركبات الكيميائية |
| جميع الأوقات بتوقيت GMT +3. الساعة الآن 12:45 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو