|
ببغاء جديد
السلام عليكم
يعطيكم العافيه سالفه : مريت من عند سوق وشفت ببغاء اعجبني، قلت بأشتريه وشريته، وهذي صورته http://www.ajmle7sas.net/up1/uploads...50657157a6.jpg ياليت تقولون لي كم عمره ( تفصيل ) لأني ما اعرف شهر شهرين سنة سنتين ( هل هو كبير أو صغير ) طبعا راعيه يقول يتكلم، لكن إلا الان ماسوى شي ( فقط ) صَفر ، مره وحده. اول ما اخذته حطيت في يدي حب شمسي وقدمته له، وعض اصبعي لكن ماحركت يديني ..:wao: اول يوم عندي( يعني ضيف جديد ) ][ طبعا سويت نفسي إنه مو موجود ][ ( طبعا أنا عزابي ) يعني مافيه إلا أنا وهو التلفزيون والريديو اللي قهرني ( انا وياه في غرفه وحده) وازعجني بالريش الابيض .. وصخ الغرفة كاملة بالريش الأبيض طبعا ما قلت شي له ( بس قلت ) لا لا لا .. << وش رايكم فيني عندي اسئلة كثيرة : 1- هل اطلعه في الشمس بشكل يومي أو أسبوعي ؟ 2- هل فيه دواء لعلاج الحكة ( الظهريه ) ويطلع الريش الابيض ؟ 3- وش معنى إذا رفع رجل وحده وترك وحده ؟ 4-هل تنصحوني احطه قدام التلفزيون واخليه يشوفه ؟ 5- كيف اعرف إنه مايتكلم ؟ 6- هل المنقار يدل على شيء ؟ الطويل الحاد المنحي ؟ 7- كيف اعرف إن مافيه مرض الحساسية أو الجرب أو غيرها ؟ 8- أنا من النوع اللي ينوم ويطفي كل شي ( الليت و التلفزيون وكل شي ) هل يطلع أصوات إذا جاء وقت النوم ؟ يمكن اذبحه:D 9- هل يستحمل (مايموت )احطه في السيارة لكن افتح له الشباك ؟ 10-لو حطيته في الحوش ؟ هل البس (القطو ) يأكله ؟ 11- كم ينوم من ساعة ؟ وهل اقدر ابرمجه على نومي أنا ؟ 12- هل اقدر اخليه 3أيام في غرفة وعنده كل شي ( أكل ومويته ) بدون لا اكون موجود ؟ أو كم المده اللي اخليه لحاله بدون لا اجيه ؟ والله يعطيكم العافيه ، ترى غشيم أنا بس حبيت الطير صراحه، يعني اللي عنده معلومه لا يقول قديمه أو قليله، كل شي اتقبله وشكرا لكم :rolleyes: |
رد: ببغاء جديد
انا اشوفه انه فوق السنه تقريبا لان عيونه صفراء
|
رد: ببغاء جديد
شكرا لك على الرد، سنة يعني كبير ولا صغير ؟
|
رد: ببغاء جديد
هههههههههههههههه اول شي الف مبروووووووووك
ما شاء الله عليك 12 سؤال بداايه قووية انصحك تكمل وتعلم اكثر ممكن في يوم من الايام تكون انت المحترف في المنتدى وغيره بالنسبة للاسئله جاااري الرد |
رد: ببغاء جديد
الله يرفع قدرك
والله يبارك فيك و12 سؤال وهذا فيني النوم هههههههههه لا خلا ولا عدم |
رد: ببغاء جديد
1- هل اطلعه في الشمس بشكل يومي أو أسبوعي ؟
طبعآ لا تطلعه في الشمس لحد ما يصير يلهث لا اذا بتطلعه في الشمس برى بالكثير خليه 15 دقيقة بشكل اسبوعي اما اذا مكان داخل الشقه مقابل لشباك ومو حر على الطير فعادي خليه هناك يوميآ ما يضره اهم شي ما يقعد في ظلام دائم او تخليه في الغرفه فترات طويله خليه يغير جو كل فترة وفترة 2- هل فيه دواء لعﻼج الحكة ( الظهريه ) ويطلع الريش اﻻبيض ؟ فيه فرق بين الحكه وترتيب الريش الحكه تلقاه طول الوقت ياكل في نفسه والريش يبدأ يتساقط ويحمر مكانه اما ترتيب الربش فهذا غريزه طبيعيه فيه عشان يرتب نفسه واما الريش الابيض فهذا موجود في كل الببغاوات واضن انه لما يكبر يختفي خلاص 3- وش معنى إذا رفع رجل وحده وترك وحده ؟ اذا رفعها وهو مقفلها ومدخلها في جسمه عادي كذا يعني مريح وهي وقفته الطبيعيه كذا وخاصة وقت النوم 4-هل تنصحوني احطه قدام التلفزيون واخليه يشوفه ؟ انا جربت هذي الطريقه وما تغير شي الطير بطبعه سبحان الله خجول ويحب الهدوء لاكن انصحك تحط له مسجل وتسجل الكلمات بنفسك الي تبغاه يقولها بس لازم يكون تسجيل واضح وخله شغال عنده لو ما كنت فيه او عادي اثناء وجودك 5- كيف اعرف إنه مايتكلم ؟ الطير ما راح يبدأ يتكلم الا بعد اسبوع لو كان اصلاآ متكلم بيبدا لو حس بالامان وتعود عليك 6- هل المنقار يدل على شيء ؟ الطويل الحاد المنحي ؟ طبعآ الببغاء في الطبيعه يقوم بسحل منقاره في الشجر والاحجار لاكن عندك لازم توفر العاب يعضها ويلعب فيها واذا لاحظت ان منقار الببغاء صار طويل ومن الامام صار كانه طبقتين لازم توديه محل طيور يسحلونه 7- كيف اعرف إن مافيه مرض الحساسية أو الجرب أو غيرها ؟ اذا كان نشيط ومافيه افرازات في الانف او الفم او احمرار في الجلد او تساقط واضح في الريش غير الريش الابيض او اسهال الله يكرمك معناته الطير سليم 8- أنا من النوع اللي ينوم ويطفي كل شي ( الليت و التلفزيون وكل شي ) هل يطلع أصوات إذا جاء وقت النوم ؟ يمكن اذبحه فيه صووت يقهرر ويذبحك يطلعه الطير في الليل وهو انه يحك منقاره الاسفل في منقاره الاعلى صوت كانك تحك خشبتين في بعض والصوت هذا دليل السعاده والراحه اهم شي بعده عن البرد وتيار الهوى المباشر 9- هل يستحمل (مايموت )احطه في السيارة لكن افتح له الشباك ؟ على حسب اذا فيه مكيف والفترة مو مره طويله عادي اما لو الجو حر وبيطول فيها ساعات يعني وانت مو معاه لا حرام بيرجع يلهث ويموت عطش 10-لو حطيته في الحوش ؟ هل البس (القطو ) يأكله ؟ انا لي تجربه سيئه مع البساس مو بس ياكلونه الا ياكلون امه وابوه معاه لازم تبعدهم عنه 11- كم ينوم من ساعة ؟ وهل اقدر ابرمجه على نومي أنا ؟ ايه تقدر تبرمجه بس مو تهلكه طول الليل لانه يصحى مع ضوء النهار لازم ينام 8 ساعات عشان يكون نشيط طول اليوم 12- هل اقدر اخليه 3أيام في غرفة وعنده كل شي ( أكل ومويته ) بدون ﻻ اكون موجود ؟ أو كم المده اللي اخليه لحاله بدون ﻻ اجيه ؟ لا حرام عليك ترى الطير ما يتحمل بدون ناس وخاصة صاحبه انا مره خليت طيري نور عند واحد وسافرت بس لمدة اسبوع والله الطير نتف ريشه لحد ما طلع الدم وما كان ياكل كويس الببغاء معروف يتعلق في صاحبه كييير والله يعطيكم العافيه ، ترى غشيم أنا بس حبيت الطير صراحه، يعني اللي عنده معلومه ﻻ يقول قديمه أو قليله، كل شي اتقبله اتمنى اكون افدتك ومعليش على التأخير بس والله داخل من الجوال وغير كذا المودم يستهبل |
رد: ببغاء جديد
الله يعطيك العافيه
وبيض الله وجهك صراحه اجوبة بسيطة وواضحة الله يوفقك |
رد: ببغاء جديد
بخصوص عمرهـ
هذا تجاااوز الـ 3 سنوات !! وممكن يكون أكبر بكثير !!! لان واضح ان عيونه صفر والمفروض قبل ماتشتري الطيــر .. تسئل هنا عشــان نفيدك بالسعر وكل شي اقتباس:
اقتباس:
1- اذا كان رايق 2- اذا كان يبي ينام 2- اذا كان بردان < وانتبه بعدهـ عن الاماكن الباردهـ عشان لايمرض عليك ويموت خليه بجو معتدل لا حر ولا برد اقتباس:
اقتباس:
اقتباس:
اقتباس:
اقتباس:
اقتباس:
ماادري والله بس اذا المسافه قصيرهـ عادي مو مشكله اقتباس:
اقتباس:
اقتباس:
ولازم تغيرله الاكل باليوم مرهـ .. والمويا تغيرها له مرتين باليوم بس ماقلت لنا بكم شريته ... وكيف ولافته .. وهل هو يجعر ..؟ يعض .؟ يطلع عاليد .؟ |
رد: ببغاء جديد
يالطيب ماودك تسأل عن تاريخ الكاسكو في العالم العربي !!!!
12 سؤال وتوك شاريه !!! هع هع يتربى بعزك |
رد: ببغاء جديد
اقتباس:
بالعكس ...وانا اتمنــى من كل الاعضــاء المبتدئين .. أن يفعلو مثلــه ( حتــى عن التفاصيل الممله ) وهــذا يدل على الحــرص طبعــا .. أمــا في بعض الاعضاء المبتدئين الله يهديهم مايسئلو .. أبــد وفي الاخير بعد كم يوم ولابعد كم اسبوع .. الطير مرض عليه .. (( وبعدها يقوم يسأل )) ! |
رد: ببغاء جديد
اقتباس:
شريت بـ1300 ريال، بالقطيف ولا يجعر، يعض يدي خفيف << يدل على شيء :) مايطلع على اليد ؟ ياليت تجاوب ولا عليك أمر :) |
رد: ببغاء جديد
وديته لبيطري ، بس شكله مطفى النور، يقول إنه صغير شكله
انا بالجبيل |
رد: ببغاء جديد
اقتباس:
الله يرفع قدرك انا والله شريت كتاب لكن أحاول اخصص وقت له شكرا لمشاعرك الطيبه |
رد: ببغاء جديد
سؤال
هل عدم طلوعه على اليد ( يعني مشكلة ) ؟ كم يحتاج له من الوقت ( عشان يتكلم ) ولو يصفر ؟ اللي عندي احس إنه اطرم يعضني عضه بسيطه إذا قدمت له الأكل هل يعني شي ؟ |
رد: ببغاء جديد
تصدقون يا اخوان
طلعت الببغاء من القفص قسم بالله تحسفت إني طلعته بالطقاق دخلته -------------- السؤال هل هو أمر عادي ؟ ولا احبسه في القفص إلين يتعود علي بعدين اطلعه |
رد: ببغاء جديد
حبيبي ابو تماضر
شوف اذا تبي تدخله للقفص عندك ثلاث طرق الطريقة الاولى انك تحط بمحل الاكل الاكل الي يحبه يعني لو يحب الفول السوداني حط فول سوداني بمحل الاكل وخله يشووفك بعدها بينزل لحاله سكر عليه .... والطريقة الثانيه انك تجيب عصا او اذا قفصك من النوع الي ينفتح من فوق افتحه وخله يركب على العصا او على الشبك العلوي حق القفص والطريقة الثالثه انك تسمي بالله وتقفط الطير مع رقبته وتدخله القفص |
رد: ببغاء جديد
الله يرفع قدرك ويوفقك
والله انا سويت كل الطرق لكن مانفع في الأخير اتخذت الأخير ، بس بطريقة احترافية :) |
رد: ببغاء جديد
شوفوا يا اخوان
هذا الرابط http://www.zshare.net/download/948480202ef3ca6f/ صوره للطير بالله عليكم عطوني الخبر الوكاد عن عمره لاني انا بالجبيل ولا فيه بيطري متخصص إلا في الدمام والدمام بعيده عني بحكم عملي لذلك ياليت تشوفون الصورة ترى حجمها كبير، يعني يمديك تشوف عينه ( بالتكبير ) |
رد: ببغاء جديد
اقتباس:
اقتباس:
بس انت الحيــن ماعليك تكلم ولا ماتكلم .. لاتستعجل أبداً [: اقتباس:
المهم انت لاتقرب منــه الا اذا بتعطيه الاكل والمويا أو بتنظف القفص ( لمدهـ أسبوع ) وخليــه بمكان مرتفع .. يعني ابو متر ونص - مترين ... عشــان يعتاد على جو البيت ... وبعد أسبوع .. قرب منــه . يعني خليــه بجنبك اذا قاعد عالجهاز ولا عالتلفزيون وانت لاتمد يدك عنده ولا شي وخليك اسبوع بجنبك .. لاتسويله أي شي الا للاكل والمويا والتنظيف فقط المقصد من هالحركـــه ... < الان الطير جديد وخايف منك وانت بهالحركه تبين له انك ماتبي تأذيه وبعــد الاسبوع الثاني .. طلعه برا القفص وحطه بالاستاند .. والافضل انك تقص ريشه عشان لايخبط بالجدران :D المهم .. خليه ولاتقرب منــه اذا طلعته عشان لايحسبك تبي تأذيه وبعد كم يوم .. إبدا اعطيه الاكل بيدك ( بالاستاند طبعاً ) وهو مع الوقــت بيعتاد عليك وانت بهالوقــت.. روح بقسم الببغاوات وفرفر بهالمواضيع وخذلك خبرهـ عشان تعرف تتعامل مع الطير أكثر و اهم شي لا تستعجل أبـــداً .. |
رد: ببغاء جديد
الله يرفع قدرك يارب
ويرزقك باللي تتمنى المفروض الإدارة تفعل خدمة ( التقييم ) عشان نقيم مثل هذي الشخصيات الكريمة والرائعة |
| جميع الأوقات بتوقيت GMT +3. الساعة الآن 06:38 PM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو