|
وطار طيري وعقلي سفح معه
السلام عليكم ورحمة الله وبركاته
كيفكم اخوتي وبعد انقطاع طويل كنت ناويه ارجع ومعي مواضيع شيقه لطيري العزيز الامزوني البلوفرنتد لكن اليوم حصلي موقف والحمد الله على كل حال :( والله اكتبلكم وانا في قمة الروعه والحزن قد يظن البعض اني ابالغ لكن من شدة الحسره قلت خل اخواني يشاركوني الموقف الي مر علي انا اشريت طير وباذن الله كان بكمل معي سنه كامله وكنت ناويه اكتب تجربتي معه وصبري معه لحتى وصولي للنتيجه المرغوبه بعد التدريب في الفتره الطويله هذي تعلقت في الطير تعلق شديد جدا للاسف لدرجة صار ينام وياكل ويشاركني يومي كله من النشاطات حتى لدرجة الاهل تعودو عليه و حبوه خصوصا الوالده من شهر تقريبا بدا تعلقه هو ايضا فيها وتعلقها فيه هو بعد الطير صاريفقدنا لو نصد عنه شوي بس ينادي ويصيح يشاركنا جميع لحظاتنا حتى احنا تعلقنا فيه صار شديد جدا حساااااااااس جدا ذكييييي جدا يحب الناس تعودت عليه لدرجه جنونيه وقد تكون مرضيه للاسف يعني الزبده صار جزء من حياتي سبحان الله لدرجة حتا الطير صار يقلد صوتي ويفهمني اذا صرت معصبه ولا زعلانه ولا مبسوطه مع المود دايم ما احب احد يصرخ عليه ولا يقوله شي اي مكان انتقل له فتره معينه حتى رجوعي للبيت اخذه مستحيل اخليه مدلع دلع الله لايوركم ما امن عليه احد يعني وش اقولكم والله ندري بس صاير مثل التوام انا ادري انه طير بس هذا الي صار والي صار اليوم انه الجو كان حلو وااسف فيه رياح ما تسلطت الا اليوم اطلع والعبه برا دايم احطه على شبك الغسيل يلعب فيه عمره ماطار خواااف مايحب يطير يتعلق في ثيابي يبي يدخل جوا بس هذا طيري والي متعوده عليه منه اليوم ويا ليتني ماطلعت ولا طلعته رحت مثل العاده وحطيته على عروة العربيه من الغبا والدلاخه والحماره الي فيني مامنه موب طاير والله ماطريت الا الي مسفح في الهوا وانا دايم ارده بيدي بس هاالمره خليته احسبه بوقع في الارض بس الاخ ها المره صار طموح ورتفع وارتفع وارتفع وطار فوق جدار المخزن انا هناااااا في حلم ليس على ارض الواقع ابدا احتري احد يصحيني بس ابي مسكه يعلي اكثر لين اختفى فوق الغرفه انا هنا لاتعليق كان فيني عقل كاااان بس راح مدري وش قلت مدري وش حكيت مدري وش سويت امي تروح وتجي تهديني تقوا بيرجع بس انا في قمت الانهيار العصبي صراخ صياح باختصار انجنيت خلالالاص اتذكره اتذكر كلللل يومياتي معه مستحيل راح لالالالالا وين يروح مستحيل طيري راح الغالي راح من خذاه بيعيش ولا بيموت اتصلت على اخوي مثل المجنونه ابيه يجي يدوره في الحاره ولا يشقح الغرفه ويشوف هو فوق ولا امي ماصبرت الله يخليها ويطول بعمرها عن عشر رجال لبست عباتها وطلعت تدوره في الارض الي جنبنا اخوي تاخر انا هنا انجن زياده معد صبر لبست عباتي وجبت السلم مع اني عمري مارقت فوق طاوله بس خلالالالالاص ابرقا السلم واطمر الجدار(سبيدر مان على غفله ) معد همني الناس يضحكون يستغربون بالطقاااااق الي يطقهم طق وديت قفصه في الحوش الي جنب الغرفه الي وقع فوقها وانا ابرقا السلم تذكرت كلام الوالد لي يابنتي قصيه قصيه قصيه وانا اعااااااااااند لالالالالا ابطيره ابعلمه الطيران بس الهياط الي ما ل امه داعي ماله داعي وللاسف معلمته الطيران وفعلا تعلمه تقريبا بس ما بعد ضبطه قمت اوسوس بعض الناس طب عليهم الطير بينكرون وجوده عندهم خصوصا ها الايام الضمير معدوووم عند البشر انقهرت وين بيروح في الشوارع والله يا بعض الناس بحسبونه حماممه وبيطبخونه ويتغدون عليه كل هذا في مخي وادعي العزيز الجبار يرجعه لي توني على اول درجه في السلم الا امي تناديني . يا....... يا....... انا من نبرة امي حسيت انه فيه شي يبشر لقيت امي داخله هي واخوي الله يخليهم لي وامي حاطه طيري في عباتها خامته ومغطيته كتمت ابوه خافت يطير ثانيه امي واخوي انكسر خاطرهم علي بس ماسكين انفسهم مسكت طيري وقسم صحت صياح والله لو ابوي ولا امي ميتين وانا ودي اطق نفسي طق على عنادي وثقتي الزايده في الطير والله جاني قلبه منفظخ من الروعه الوالده وهي تدور على الطير قابلها اخوي وهو جاي وطبعا الي ساعدنا بعد ان طيري له اسم اناديه به فكانو ينادونه بسمه ولمحه اخوي الله يوفقه تحت احد السيارات وقام يناديه بس امي قالت امسكه وامزع ابوه وجبه بنتي انهبلت :p صار التسلب طاير المساحه ذي كلها الخسيس وكنت اول اربط شريطه في يدي وارطها في حجله عشان اذا ابعد اسحبه بس اليوم مدري وش فيني ثقه زايده وعباطه تنوح المهم الحمد الله والشكر له ربي قدر ولطف والله اني اشوف القفص ومو مصدقه انه عليه اسمع صوته ومو مصدقه انه صوته والله بقدرة قاااادر رجوعه سبحان الله شلون لقوه اهلي مدري سبحان الله سبحان الله سبحان الله والف الحمد والشكر له سبحانه رحت على طول وجبت المقص اشوى ماجبت المكينه وقصيته حلت حلت مدري وش قصيت بس قلت تووووبه خلاص بلا طيران بلا هم الى الان الروعه فيني واحس بتانيب ضمير بسبب ثقتي الزايده فيه هذا الي صار اليوم وقلت لازم اكتب لخواني في توزو عن معاناتي اليوم معليش كلام ملخبط موب مرتب سامحوني ما في تركيز ابدا وسلامتكم :( |
رد: وطار طيري وعقلي سفح معه
الحمد لله على سلامته
قرت عينك خيتي وهناك العقلان المال الحلال مايضيع وكل طقه بتعليمه الله يحفظه لك ويخليه وانتبهي له زيييييين |
رد: وطار طيري وعقلي سفح معه
الحمدالله على رجوعه
وانتبهي ثاني مره وعلى قصتك هذه كانها صارت معاي ماشاء الله عليك عيشتينا القصه بكل ماصار فيها دمتي بحفظ الله |
رد: وطار طيري وعقلي سفح معه
الحمدلله على سلامته
وانتبهي عليه |
رد: وطار طيري وعقلي سفح معه
والله كني معك فالقصة ماشاء الله عليك والحمد لله على سلامتة
|
رد: وطار طيري وعقلي سفح معه
انا جزنت من شفت العنوان بس بعد القراءة قلت الحمد لله انو رجع مرة ثانية هوى من اسمه طائر يعني بيحب شيء اسمه حرية فلازم تقصي من الاول
|
رد: وطار طيري وعقلي سفح معه
بارك الله فيكم يا اخواني اسم اسم وعلى تشريفكم لي
وجزاكم المولى كل خير على نصايحكم وتجاوبكم الله يوفقكم لمايحب ويرضى لكم جزيل الشكر والاحترام مشكلتي ان طيري كان خواف ومايحب الطيران بس انا الي جنيت على حالي علمته الطيران وفكر اني ابي اطيره لكن ها الاشكال الظاهر لازم نقص حتا رجليها :p انا احسب انه خواف وماراح يطير بس صار كمخه مثل راعيته لكن هين هذا وجهي ان خليت فيه ريشه ابنتفه نتف ما اخلي الا منقاره ها الدلخ |
رد: وطار طيري وعقلي سفح معه
الحمد الله قرت عينك حبيبتي برجوعه
تصدقين دمعت عيني حسيت في كل لحظه بشعورك والله بعدها بكيت على طيرتي الي ماتت (لولو) تذكرتها الله يحفظ لك طيرك ويحميه |
رد: وطار طيري وعقلي سفح معه
مساء الخير
والله بسراحة زعلتيني مرة على هاذي القصة وانشالله تكوني تعلمتي من الدرس والحياة دروس حمدلله على سلامته وتحياتي تقبلو مروري ابوغزل :88: حبتين |
رد: وطار طيري وعقلي سفح معه
عليك اسلوب خخخخخ رهيب
اولا الحمد لله على السلامه وان شاء الله اخر الاحزان والحمد لله انه رجع والواحد لا يتهور مهما كان يثق بطيره ويجرب يخليه يطير المهم انه رجع واخوك ووالوالده ما قصروا لازم تردين لهم الجميل مره ثانيه الحمد لله على الرجعه تحياتي |
رد: وطار طيري وعقلي سفح معه
الحمد لله على كل حال ويآ اخوان الي طيوركم جنآحهم كآمل انتبهو أشترو طيب الرباط الخاص لطيران للببغاء ورتاحو اذا تبيهم يطيرون ... الطير اذا طآر احيانناً مايعرف صاحبه يطير والسنين والتعب والتدريب كلها تروح سداء انتبهو والله يكيفينا الشر ويستر علينا وعليكم وعلى طيورنا وطيوركم .
|
رد: وطار طيري وعقلي سفح معه
الف الحمد لله على السلامه انتبهي عليه
|
رد: وطار طيري وعقلي سفح معه
الحمدلله على سلامته
والله وانا اقرا اقول ياااارب نهاية القصه تكون لاقيته :( لأني من كلامك واهتمامك فيه وارتباطك حسيتك تتكلمين عني فعلا موقف محزن وانا جربته قبل شهر الله يعين امهاتنا علينا امك تطلع بالشارع وامي يوم طار وقفت على رجلها بسرعه رغم صعوبة الوقفه عندها بس كله خوف وفزعه علشان خاطري الله يخليها لي ويخلي لك امك ^^ وتعلمي انا من بعدها صرت اطلعه الحوش بالقفص مع انه مثل طيرك خواف ومايطير من على كتفي بس كل طقه بتعليمه والله يحفظه لك ويهنيك فيه ^^ |
رد: وطار طيري وعقلي سفح معه
الحمدلله الذي رده لك وأسأل الله تعالى ألا يفجع أحداً بعزيز
|
رد: وطار طيري وعقلي سفح معه
أولآ :
الحمد لله على سلآمة طيركـ ثآنيآ : اذا انتي صار لك كذا ورجع الحمد لله آجل آنآ كيف ,, طآر طيري ولآ رجع زي قصتك ,, ثقه زايده وآنآ آركض بالشارع ,, إنهبلت بس الحمدلله على كل حآل |
رد: وطار طيري وعقلي سفح معه
الحمد لله على السلامة
.. .. بالتوفيق |
رد: وطار طيري وعقلي سفح معه
هذي الأيام وهذي الأيام وتمر الأيام وقصص وقصص ..
وكل من عمل صالح يدخل الجنة ومن عمل سيئ يدخل نار جهنم وبئس المصير أستغفر الله وأتوب أليه |
رد: وطار طيري وعقلي سفح معه
بارك الله فيكم يا اخواني والله يجزاكم خير على الدعوات وعلى النصايح
والف شكر لكم على مواساتكم لي وتفاعلكم الله يخليكم ويخلي غواليكم وطيوركم اخوي منصور النصر كلامك في الصميم وعلى الجرح والله انك صادق في كل كلمه لكم جزيل الشكر والامتنان على تواجدكم وتشريفكم لي سعيده جدا جدا جدا بكم |
رد: وطار طيري وعقلي سفح معه
اقتباس:
يا هلا وغلا ومرحبا بام ماجد والله نورت الصفحه بتواجدك الجميل مع اخواني الكرام اول شي الحمد الله على سلامة طيرك وانا لمحت موضوعك قبل كم اسبوع وحزنت على دجاجتك بس الحمد الله ربي رده لك وتصدقين يوخيتي اني وهو طاير بالسما تذكرتك على طوووول وتذكرت موقفك والله يا امس مر علي كنه مليوووون سنه والله ليلحين مومصدقه انه عندي كني في حلم الى الان وانا فيني الحزن والصدمه والروعه بس الحمد الله قدر ولطف وقولي آمين الله يخليلك والدتك ياااارب ويعافيها ويشافيها ولا يحرمكم من حسها وحنانها ووالدتي ووالدين المسلمين اجمعين فعلا سبحان الله ما في مثل الام في احساسها وفي فزعها على عيالها وخوفها عليهم وصدقتييي خلالالالاص نو برا نو نو نو فص جناح حبس في قفص يس يس يس انهبلت :p بس والله ن الي جاني امس هذا توام روحي وطار اكيد بطير عقلي معه والله سعيده جدا جدا جدا بتنويرك وتواجدك وتفاعلك معي بارك الله فيك ووفقك لما يحب ويرضي دائما نوريني بتشريفك لي دائما |
رد: وطار طيري وعقلي سفح معه
اقتباس:
الله يسلمك ويخليك بارك الله فيك وشرفني مرورك اقتباس:
الله يجزاااااااك خيرررر ويبارك فيك ويخليلك غواليك ولا يفجعك فيهم يارب شرفني مرورك وتفاعلك اقتباس:
اقتباس:
الله يسلمك ويخليك يارب ياااااايالله والله صيقت صدري :( فعلا الحمد الله على كل حال وهذا مكتوب ومقدر وانتهت مرحلة عيشه ورزقه معلك ووالله مااااا الووومك شي يعصر القلب عصر كنه واحد من العيال :p شرفيني تواجدك والله رفعت معنوياتي كنت احسب اني انا الي لحالي الي صارلي كذا حياك الله اقتباس:
اقتباس:
الله يسلمك ويخليك يارب شرفني مرورك اقتباس:
اقتباس:
شرفني مرورك اخي ماوكلي بس جهنم وبئس المصير مدري وش دخلها في الموضوع تراني مستويه لاتزيد الله يجزاك خير |
رد: وطار طيري وعقلي سفح معه
قوليا اللهم إإجرني في مصيبتي وإبدلني خير منها وإنشاء الله يجيك أحسن منها ومعليش
|
رد: وطار طيري وعقلي سفح معه
والله ان امك بنت رجال بس ونا خوك قصي الجناح ورتاحي
|
رد: وطار طيري وعقلي سفح معه
الحمدلله على سلامته والحمدلله انه رجع لك مااخذه احد وباعه
الحمدلله والوالده الله يعطيها العافيه ماقصررت |
رد: وطار طيري وعقلي سفح معه
الله يخليها لك الوالده والحمد لله قدر الله ولطف
ارجو من له القدره او المحاولة في تدريب طائره على الطيران الحر ان يكون في صالة مغلقة او في مكان لا يوجد شجر او جدار او سقف والحمد لله ان الطائر رجع . بالتوفيق |
رد: وطار طيري وعقلي سفح معه
هع هع هع هع . هع هع هع هع
كأختصار أنه أهم شيء في الحياة الشهادة والعمل الصالح |
رد: وطار طيري وعقلي سفح معه
حمدلله على سلامته وتحياتي
خفت تقولين وبعدين صحيت من النوم ويطلع حلم في حلم حمدلله على سلامته وتحياتي |
رد: وطار طيري وعقلي سفح معه
الله يسلمكم ويخليكم لعين ترجيكم أخوتي الاعزاء
وبارك الله فيكم لتفاعلكم معي جزاكم الله كل خير والحمد الله قدر ولطف أخي ابو محمد نعم للاسف بسبب تدريبي السابق له على الطيران والذي فعلا كان في مكان مغلق فقد طبقه عندما خرجنا كان يعتقد انه سيرضيني بجموحه :( انا السبب ليتني خليته معوق الاخ ماوكلي نعم صدقت لكن الروح عندما تولف روح اخرى حتى لوكانت من غير البشر تكون جزء منها برحيلها يكون الكون مؤلم ودمتم سالمين |
رد: وطار طيري وعقلي سفح معه
اقتباس:
هههههههههههههههههههههههههههههههههههههه حلوه تقصين رجلينه :12: متخيل شكله بمنقال بس هههههههههههههههه:12::12: الحمدلله على السلامه وزين انه رجع لك بس هاذي غريزه محفوره جواته مانقدر نغيره تقبلي مروري |
رد: وطار طيري وعقلي سفح معه
الحمد لله على سلامته
حسيتك زيي:shy:* ما اقدر أعيش مندونه |
رد: وطار طيري وعقلي سفح معه
مت من الضحك وانا اقرا السالفه
لكن حمدالله على سلامته وكفوا يالسنايديه على رقيت السلم تقبلي مروري النادر |
رد: وطار طيري وعقلي سفح معه
وااااي والله حزنت وفرحت وياج ياعمري عليج
حاسه فيج من قلب الحمدلله رجعلج وتوبي تخلينه يطير انا يطيري مابيه يتعلم ع الطيران بس اخواتي الله يهديهم من يشوفونه ياخ1ذونه ويطيرونه عبالهم لعبه وانا هواش وياهم شسوي فيهم لين كبر راسه وصار كله فوق الكبت اخر شي جبت المقص وهاك يجناح قص لين صار حتى مايعرف ينقز ههههههههه |
رد: وطار طيري وعقلي سفح معه
الحمدالله
أنا ماأامن أي طير لو أنه مولود معي وفي نفس اليوم |
رد: وطار طيري وعقلي سفح معه
ياهلا ومرحبا فيكم يا اخواني والله يسلمك ويخليكم بارك الله فيكم
شرفني مروركم وكلماتكم اسعدتني حرف حرف وكلمه كلمه وجمله جمله كل من شرفني ونورني ولو بحرف واحد سعيده بتواجده فهو وسام لي وشرف ولا تحرموني تواجدكم الراقي |
رد: وطار طيري وعقلي سفح معه
وعليكم آلسلام ورحمة الله وبركآته
والله يآ اني ضحكت ضحك > ههههههههههههههههههههاي بس وآلله استانست يوم قريت آن اخوك وامك آمسكوه وردوه وصرآحه اسلوبك في آلروايه عجبني مرره ههههه ولآعاد تطلعين هالطير برآ وتحيآتي ...... |
رد: وطار طيري وعقلي سفح معه
ههههههههههههههه كم ضحكت بقصتك دمك كثير خفيف يبين ضحكت كثير لما قريت قصتك على العموم فرحت ولله لما سمت رجع طيرك حمدلله على رجوعه ويتربى بعزك ان شاء الله
|
رد: وطار طيري وعقلي سفح معه
قصتج اليمة .. عشت الجو وربي
الحمــــــــدلله انه رجع لج .. ذا من لطف ربي بج .. الحمــــــــدلله على كل حال .. |
رد: وطار طيري وعقلي سفح معه
الله يلعن الشيطان وربي ثار الدم فيني حقدت عليه لو ما رجع لك الحمدالله اللي رجع
انا طيري حطيته عند خويي وطار عليه ثاني يوم صادوة فوق الشجرة نزل له من الجوع هههههههههه والحمدالله على كل حال وهذي الطيور يبي لها حذر التعامل قص الجناح وارتاح لا طار ما راح هههههه |
رد: وطار طيري وعقلي سفح معه
والله دمعت عيني من جد عيشتينا معاكي باللقصه والله فرحت من قلبي وحطيت يدي على صدري لما قريت انه كان بعباية امك الله يخليهم لك والله أنجن لو يطير طيري هذا وانا مومتعلقه فيه مثلك والله أني احبه اكتر من نفسي بس مولدرجة النوم والاكل نفسي يكون كذا بس أشلون
قرة عينك وتوبه بلا طيران بلا تعليم خليه بحضنك أبرك لك * |
رد: وطار طيري وعقلي سفح معه
الحمد الله علي رجوع طيرك وقرة عينك بشوفته
|
رد: وطار طيري وعقلي سفح معه
هههههههههههه حمد لله على سلامته للمرة الثانية :88:
|
| جميع الأوقات بتوقيت GMT +3. الساعة الآن 04:15 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو