|
هل الجميع يعاني من نفس الحالة ؟؟
السلام عليكم و رحمة الله و بركاته
اخواني انا لاحظت طيري هاليومين ذي فيه شوية خمول و اغلب الوقت نايم انا مستغرب من الوضع هل من الممكن انه خمول بسبب البرد هل فيه مرض لا سمح الله مع العلم اكله اقل شوي من الطبيعي و فضلاته ( اكرمكم الله ) طبيعية لكن التصفير و الكلام خف اتمنى مساعدتكم لي والله عايش بقلق و خوف على طيري بالتوفيق |
رد: هل الجميع يعاني من نفس الحالة ؟؟
.
البراز كيفه ..؟ و ياكل ولا لا و نشاطة ؟ |
رد: هل الجميع يعاني من نفس الحالة ؟؟
ياكل بصحه ممتازه ول لا؟؟؟
|
رد: هل الجميع يعاني من نفس الحالة ؟؟
برازه على حسب ملاحظتي طبيعي ( اكرمكم الله )
و اكله خفيف شوي و نشاطه قليل بسبب النوم او الخمول اتوقع انه نقص نوم او برد والا وش رايكم ؟ |
رد: هل الجميع يعاني من نفس الحالة ؟؟
.
طيب حبيبي دفه كويس الليلة وغطيه ..، ونومه بدري وبكرة شوف اذا ماراح الخمول طير به لبيطري |
رد: هل الجميع يعاني من نفس الحالة ؟؟
ان شاء الله
و يعطيك العافية على مساعدتك |
رد: هل الجميع يعاني من نفس الحالة ؟؟
نومه بظلام ومكان دافي لعشر ساعات على الاقل
وراقب التنفس وهو نايم في صوت خشرجه. للحرص............... لان قلة النوم تسوي نفس هذه الاعراض؟ وطمنا |
رد: هل الجميع يعاني من نفس الحالة ؟؟
اممممممم
بالنسبة للنوم ما اتوقع فيه صوت و هو يتنفس اثناء النوم لكن اللي مستغرب منه طول الوقت نايم لا تصفير لا لعب زي اول و ما فيه و لله الحمد اي افرازات و مثل ما قلت برازه طبيعي (( اكرمكم الله )) قطرة له ليمون بصحن الموية و حطيت برتقال و شمسته تحرك شوي و شرب ماء و اكل شوي و رجع نام اتمنى اللي قدر مر بها التجربة يقولي وش فيه طيري :( يا رب اشفي طيري |
رد: هل الجميع يعاني من نفس الحالة ؟؟
اعيد رفع موضوعي
صراحه استغربت وضعه تحسن هاليومين شوي لكن اليوم و انا رايح اشوفه اشوف انه مغمض احد عيونه حاولت اخليها يفتحها لكن لا جدوى ما ادري وش وضعه لاني توي صاحي من النوم و اشوفه مغمض عين وحده فقط الله يستر تكفون وش الوضع معه ؟ |
رد: هل الجميع يعاني من نفس الحالة ؟؟
لاحظت ان عينه متورمه (العين اللي مغمضها )
وش الحل او وش العلاج ؟ |
رد: هل الجميع يعاني من نفس الحالة ؟؟
السلام عليكم
عزيزي ادخل على هذا الموضوع واتبع التعليمات وان شاء الله ماعلى طيرك شر وسرع بالعلاج لاتتأخر http://2zoo.com/vb/showthread.php?t=66594 |
رد: هل الجميع يعاني من نفس الحالة ؟؟
حبيبي وديه لدكتور بيطري وبسرعة عشان لا تطور الحاله
وقدامه العافية |
رد: هل الجميع يعاني من نفس الحالة ؟؟
انا ناوي اوديه ان شاء الله
لكن هالفترة كيف احد من تطور المرض لا سمح الله لكن افرازات انفيه ما لاحظتها و صوت اثناء التنفس يمكن تكون واردة لكن ما لاحظتها الله يستر يا رب |
رد: هل الجميع يعاني من نفس الحالة ؟؟
صار لببغاء اختي قبل فترة
صار عين مفتوحة والثانية مغلقة ودتة بيطري واعطاه مرهم للعين يحط لمدة 3 ايام غير ابوي يمسكة بمنشفة واختي تحط بعينة والحمدلله طاب ربي يشفي ببغائك |
رد: هل الجميع يعاني من نفس الحالة ؟؟
جيب التايلان وجيب ابره بعد نزع الجزء المعدني وقطر قطره وحده بالعين المصابه لمدة 5 ايام وصب نص ملي من نفس العلاج بمشربية الماء لمدة 5 ايام
المشكله مرت علي العام الماضي وكان هذا العلاج بعد مشيئة الله |
رد: هل الجميع يعاني من نفس الحالة ؟؟
السلام عليكم اخوي
انقل الطير لمكان دافي وزود ساعات نومه وراقبه في الصباح بدري ونهاية النهار وشوف افحص طيرك تنفسه صوت صدره حجم التورم بعينه شوف حوالين خشمه هي ثلاث احتمالات يايكون برد او مجرد التهاب بالعين اواصابه بالميكوبلازم تايب ون الجو بارد هذي اليومين دفي الطير وشوف والافضل تشوف طيب يشوفه وقدامه العافيه |
رد: هل الجميع يعاني من نفس الحالة ؟؟
اقتباس:
انا وديته للببيطري و قال برد و عطاني علاج و صرت اعطيه اليوم هو اليوم الثالث لكن شفت ان عينه الظهر فتحت شوي |
رد: هل الجميع يعاني من نفس الحالة ؟؟
اقتباس:
بشوف وش وضعه و يمكن اني اراجع البيطري لان حالته مو مستقر او تتحسن يعني مره تسوء و مره تتحسن |
رد: هل الجميع يعاني من نفس الحالة ؟؟
الخمول في فصل الشتاء طبيعي ، لكن عليك باعطاء الطير الفيتامينات والغذاء الجيد ودائما تخليه بعيد عن التيارات الهوائية ، وتخليه في مكان دافيء .
سلامي |
رد: هل الجميع يعاني من نفس الحالة ؟؟
اقتباس:
والله وديته للبيطري و قال برد و عطاني علاج له لكن حالته الى الحين نص و نص ماهي مضبوطة يمكن اني اراجع به للبيطري و اللي عنده حل يقول لي لانه تو بغا يموت سألت خبير قالي لازم تغره ان عيا غره غصب و يوم غريته غصب اكل شوي و بعدها طاح و ما ادري وش صار له بغا يموت عيا يوقف على الخشبة و بدا يطيح منها ثم شوي و رجع على حالته و صعد للمجثم اللي بـ أعلى القفص و نام وش رايكم وش اسوي له و وش الحل ؟ |
رد: هل الجميع يعاني من نفس الحالة ؟؟
اقتباس:
يعني كل هالحالة طبيعي اخوي ؟ لانه اكل قليل جدا و اضطريت اني اغره غصب عشان ينشط شوي و حطيت له علاج بالاكل اللي و كلته بالابرة و حطيته له مويه و شوي علاج عشان اسرع له بالعلاج يا رب انه يتعافى |
رد: هل الجميع يعاني من نفس الحالة ؟؟
اقتباس:
الخمول هو ان يكون الطير هادئ قليل الحركة والنشاط في الشتاء لكن حسب معلوماتي واطلاعي يبدو ان طيرك فعلا مريض ، وعليك بالعلاج يا صديقي سلامي |
رد: هل الجميع يعاني من نفس الحالة ؟؟
اخوي طيرك مريض حاول انك تعطيه مضادات حيويه وفيتامينات وفيه دواء جدا ممتاز اسمه SACROLYTE
هذا معزز بكل الفيتامينات وهو على شكل بودره تخلط مع الماء مقدار ملعقه صغيره جدا لمده 7ايام انا صارت مع الطير الي عندي قبل قتره والحمدلله |
رد: هل الجميع يعاني من نفس الحالة ؟؟
اقتباس:
و يوم راجعته قال طيرك فيه تحسن شوي و عطاني علاج بودرة قال هذا بينفع ان شاء الله |
رد: هل الجميع يعاني من نفس الحالة ؟؟
ان شاء الله ما يصير الا الخير .. والخير يختاره الله تعالى
والله يشافي ويعافي طيرك :) |
رد: هل الجميع يعاني من نفس الحالة ؟؟
اقتباس:
ماني متأكد من اسمه لكن كرتون ابيض و فيه خطين واحد ازرق و واحد اصفر و بودرة ظروف صغيرة اذا خلطته مع الماء يصير لون الماء اصفر قال لي ظرف واحد كل ما حطيت مويه و يقول هذا فيتامينات و علاج ممتاز و امريكي ان شاء الله يؤدي مفعولة و يرجع طيري طبيعي :o و مشكورين على المساعده |
رد: هل الجميع يعاني من نفس الحالة ؟؟
اخوي انا صارت لي هذي الحاله
وسببها انو الببغاء راحت عليه نوماته اكثر من مره واحيانا تصير الوان حدود العين مثل البنفسجي والعلاج تخليه ينام في مكان مايعرفها الضوء مدة اسبوع وبعدين ابدء له تدريج الضوء يعني حط له لمبه يغطيها شي مثلا تحط اما مها كرتون وكل يوم تباعده شوي الين تشيله وبعدين ينام على ضوء هذي اللمبه او تخليه ينام في الظلمه على طول وهذا طبعا حسب ماصار معي او يمكن حالة ببغائك غير والله اعلم واتمنى اني افدتك وتحياتي |
| جميع الأوقات بتوقيت GMT +3. الساعة الآن 06:35 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو