|
خبراء البلوفرونتد
الاسلام عليكم
هل هذا الطير ابلوفرونتد؟ اذا كان ابلوفرونتد من اي درجه هو في البلوفرونتد ، انا خبري فيه عدة انواع للبلوفرونتد؟ وكم عمره؟ وهذه صورة الطير http://img102.herosh.com/2010/07/24/629306521.jpg http://img105.herosh.com/2010/07/24/610752900.jpg |
رد: خبراء البلوفرونتد
اخوي شوف هذا الرابط ان شاء الله يفيدك
ببغاوات الامازون الاكثر شعبية في العالم (فصائل - درجات - تكاثر - فروقات) |
رد: خبراء البلوفرونتد
والله ما ودي احزنك .. بس هذا اورنج وينجز مو بلو فرونتد ... اذا البياع باعه لك على انه بلو فرونتد روووح بسرررعه ورجعه ..
انت بكم شريته .. ؟ |
رد: خبراء البلوفرونتد
شكرا أخي مجنون الأمازون
وشكر لك يا أخي lost love وبصراحة انا ماشريت الطير ولكن شفته معروض للبيع ويقول صاحبه انهو بلو فرونتد ، و بفضل الله ثم من فضل هذا المنتدى شكيت في الأمر انهو ليس البلو فرونتد لان البلو فرونتد على حسب معرفتي به يكون منقاره اسود بالكامل وكل هذه المعرفه من هذا المنتدى واللسان يعجز عن شكركم والله ماقصرتوا وجزاكم الله خيرا |
رد: خبراء البلوفرونتد
ما سوينا إلا اللي علينا ..
|
رد: خبراء البلوفرونتد
هذه ياأخوي بلوفرنتد 100%100 وهذا على ما أعتقد الدرجه الثانيه وليس اورنج والعمر ماهو كبير
مهذي صورة الاورنج http://www.alknary.com/up//uploads/t...98a2f75e49.jpg اتمنى اكون افدتك |
رد: خبراء البلوفرونتد
|
رد: خبراء البلوفرونتد
مو بلو فرنتد مثل مقالوا الخوان الامزونيات قبل شتريها ازم تراجع المنتدى وتقرا لان بينها تشابه كبير والفوارق بينها بالشكل قليله وبسيطه لكن المضمون يختلف بين كل طائر واخر
|
رد: خبراء البلوفرونتد
|
رد: خبراء البلوفرونتد
شكرا يا أخي lost love و يا أخي ابو مزنه ويا أخي كاسكو ويا أخي الببغاء الأفريقي
على تفاعلكم مع الموضوع ويا أخي ابو مزنه اذا كان الطير بلوفرونتد يكون لون منقاره أسود بالكامل بينما هذا الطير لون منقاره نفس لون منقار الأورنج |
رد: خبراء البلوفرونتد
اذا شاك لاتشتريه وانا اخوك
عشان ماتقعد تهوجس طول الوقت |
رد: خبراء البلوفرونتد
اخوي هذا بلوفرنتد توه فرخ لاحظ منقاره الطير توه صغير الاورنج وينج حجمه اصغر وللتاكيد هذه فروخ البلوفرنتد نفس الي عندك وعلى فكره البلوفرنتد انواع والي عندك الحجم الزين
http://www.2zoo.org/get-7-2010-2zoo_org_w5m3itxa.jpg |
رد: خبراء البلوفرونتد
السلام عليكم انا مع الاخ فوزي لانه صح البلوفرنتد الفرخ مايتضح لونه وخصوصا بعض الانواع الي اتجي العلامه الصفراء مختفيه او مشككه انه هو اورنج وينج بس اعتقد الاورنج وينج يبين الصفار اكثر صح ممكن نضيع في اشكالهم وهم صغار بس اعتقد انه فرخ بلوفرنتد ولو تلاحظ اخوي انه اليلونابد فرخ يجي اخضر كامل وبعدين تتضح فيه العلامه الصفراء وتقبل تحياتي
|
رد: خبراء البلوفرونتد
شكرا جزيلا لكم يا أخواني على تفاعلكم مع الموضوع
ويا أخواني الذين قالوا ان الطير بلوفرونتد ، اتقولون ان الطير تتغير الوانه بكل مرحله كلام صحيح وما عليه غبار، ولكن تغير الألوان تكون في الريش وليس في المنقار وبينما المنقار لونه يكون ثابت في جميع الببغاوات ، وكان عندي أورنج وينجز فرخ يشبه هذا الطير في مسامات الوجه والجسد ، ولو تقارن اتشوف ان هذا الطير أقرب بكثير الى الأورنج وماذا تقولون يا أخوان؟ |
رد: خبراء البلوفرونتد
اقتباس:
ارخص واظمن ومعروف ومافيه شكك وجودة كلام افضل |
رد: خبراء البلوفرونتد
اهلا أهلا أخي ابو خالد
وطبعا طبيعي الأفضل الكاسيكو والحمدلله عندي كاسيكو وماشاء الله عليه . ولكن حبيت أقتني أحدى الأمازونات وصار عندي مايلي أمازون وأورنج وينجز ولاحظة ان فيهم بعض الغباء ههههههه والأخوان ماقصروا في تفصيلات عن طيور الأمازون وأفضلهم ولكن للأسف على اسعار الطيور اليلوناب والدبل يلو اسعارهم واجد فوق ولكن البلو فرونتد ارخص اشوي والأخوان حببوني فيه وحبيت أقتنيه وعلى العموم خلنا في صلب الموضوع وشكرا لكم |
رد: خبراء البلوفرونتد
اقتباس:
|
رد: خبراء البلوفرونتد
أهلا أخي فواز وشكرا لك
ولكن انا أختلف معاك لأن قريت في أحدى المواقع الأجنبية يحددون نوع الطير وعمره من المنقار وانتظر صورة الطير يا أخي فواز والسموحه يا أخي تعبتك معاي |
رد: خبراء البلوفرونتد
،،
هذا اورنج وينج ولا يختلف عليه اثنين :) شي واضح جدا .. ولا يحتاج الى نقاش .. فرخ البلوفرونتد من يوم يطلع من البيضه لين يموت ومنقاره اسود بالكامل .. ولا يشوبه اي بياض .. بالاضافه الى طريقة القناع الاصفر والازرق .. يجي من تحت وفوق ويلتقون عند المنقار بالوسط .. وكذلك غياب الدقه الصفراء على الجنحان .. وأيضا ً ألوان الطير شاحبه والبلوفرونتد مو كذا .. وهذي صور فروخ بلوفرونتد .. تدل على انه مافيه مرحله عمريه يمر فيها .. يكون منقاره فيه لون ابيض .. http://www.avesint.com/images/bfaspec5-26-04.jpg http://www.muamat.com/adpics/4b35c01...b63a04971.jpeg http://www.p-pp.tv/articles/bluefron...mages/baby.jpg http://www.parrothouse.com/images/babykodiak1.JPG وبالتوفيق يالغالي ،، |
رد: خبراء البلوفرونتد
يا شباب صلوو على النبي
الببغاء هذا بلو فرونتد,, وفيه أنواع للبلو فرونتد ومواصفات لكل نوع,, في الشكل وفي درجات الألوان وحتى في شكل المنقار والرأس والأعين والجسم,,, الخ واللون الأزرق في الأورنج وينج يكون لون أصيل وثابت,, ومثل النظارات على العين ,, أما البلو فرونتد فاللون غير ثابت ومتغير بمراحل العمر,, ويختلف تشكيله من طائر الى طائر,, ومن فترة الى فترة حتى ميزو ببغائي الحين مافيه ولا نقطة زرقاء كله أصفر بس,, وأول ما شريته كان كل راسه ازرق ولا نقطة صفراء,, صاحب الموضوع لا تشيل هم هذا بلو فرونتد مو أورنج وينج,,, وكلامي هذا مو رأي ,, هذي معلومة يا غالي أما أخواني اللي قالو انه اورنج وينج,, التبس عليهم الموضوع لأنهم متخصصين تقريباً في الكاسكو أكثر من الأمازونيات,, أو في نوع آخر,, وكلهم أرادو لك الخير بس ما حالفهم الحظ,, الله يجزاك ويجزاهم خير تحياتي |
رد: خبراء البلوفرونتد
شكرا أخي طير الهوى وماقصرة وانا متأكد أنهوا أورنج وينج ومو مختلف معاك
ولكن أخي العزيز فواز مو مقتنع وبصراحه في أحد الشباب في منتدى ثاني عارض هذا الطير وقال انهو بلوفرونتد وهذا الشخص يوم يشتري الطير قالوا له انهوا بلوفرونتد ، وانا يوم قلت له ان طيرك مو بلوفرونتد مسكين زعل وهو مخدوع ايضا . وشكرا لكم جميعا والله يعطيكم الف عافية |
رد: خبراء البلوفرونتد
والله حيرتنا يا أخي سكر
|
رد: خبراء البلوفرونتد
اقتباس:
والله هذا بلو فرونتد يا قمر والرجال اللي زعل معاه حق... روح اعتذر له ولا تستحي من الحق,, ربي يوفقك |
رد: خبراء البلوفرونتد
اهلا أخي سكر وشكرا لك
بصراحه اعتذرة الى الشخص من يوم أختلفة الآراء في الطير وقلت له ويش الي صار في هذا الموضوع ولكن عندي تعليق على كلامك أخي سكر انت قلت ان طيرك البلوفرونتد والله يخلي طيرك ان شاء الله ويطول في عمره انهوا تتغير ألوانه في عدة مراحل ولو نلاحظ ان التغيير يكون في لون الريش فقط وليس في المنقار ومنقار البلوفرونتد يكون اسود بالكامل وأثبت أخي العزيز مجنون الأمازون في موضوعه الجميل عن انواع الأمازونات والفروقات http://www.2zoo.com/vb/showthread.php?t=170169 وما تعليقك يا أخي سكر ؟ |
رد: خبراء البلوفرونتد
تعليقي يا قمر ان لون المنقار عبارة عن علامة واحدة فقط ما تكفي انك تقول انه اورنج,,,
وعشان تقدر تقرر لابد ان يكون لديك عدة علامات كافية لإتخذا قرارك مثل اللي يشتكي مرض ماء أو علة معينة,, ممكن تتشابة بعض الأعراض ,, لكن مو معناته كلها نفس المرض.. وظيفتي هنا اني اجاوبك على سؤالك اذا كان بلوفرنت او اورنج.. أما مسألة الإقناع والإقتناع هذا موضوع ثاني يا غالي يعتمد على ثقتك في المجيب وفي معلوماته بس صدقني ما تتخيل قد ايش انا مستغرب من إختلاف الأعضاء في نوع الببغاء اللي سألت عنه ربي يوفقك |
رد: خبراء البلوفرونتد
ما عليش اتحملني أخي سكر وانا اذا ناقشتك مو معناته أني مو واثق فيك
بالعكس منزود ثقتي فيك وفي الأخوان وانا رايي مثل راي أخي طير الهوى ان لون المنقار يكون ثابت لا يتغير لونه على حسب العمر وهذا الكلام مو من عندي قريته في أحدى مواقع الأجنبيه وشكرا |
رد: خبراء البلوفرونتد
بكل تأكيد ان هذا الطير بلو فرنتد وليس اورنج
الطير ماشاء الله رووعه ومميز خذه وتوكل على الله |
رد: خبراء البلوفرونتد
،،
سبحان الله العظيم :D .. مادام أخونا سكر قال ان هذا بلو فرونتد فهو بلو فرونتد ان شاء الله .. لأن سكر استاذنا ومافيه كلام ان شاء الله .. انا بصراحه قبل الرد اعتمدت على أمرين .. الأول معرفتي بالطيور .. والثاني بالاستفادة من المراجع .. راجعت مراجع البلوفرونتد جميعها .. وشفت مقارنات بين انواع البلوفرونتد وبحثت عن لون المنقار هل يختلف في بعض الانواع ؟ لأني ابي اي نوع يقول انه ممكن يجي لون المنقار مخلوط اي لون مع الاسود علشان اقول انه بلوفرونتد .. بس ماحصلت .. الرابط هنا فيه مقارنة بين انواع البلوفرنتد الثلاثه .. http://www.parrot-link.co.uk/blue-fronted-amazons.htm على حسب الجدول الموجود في المرجع السابق .. يذكر ان جميع انواع البلوفرونتد لها لون منقار ولسان اسود .. ولو كان فيه مخلوط لون ثاني بالمنقار كان كتبوه مثل لما ذكروا هالنقطه في ( كير ) الطير .. بعد ما اعتمدت على معرفتي وشفت المرجع السابق يقول هالكلام .. حكمت ان هالطير اورنج وينج .. لكن مادام الاخوان قالوا بلوفرونتد .. ليه ما يكون بلوفرونتد :D وان شاء الله بموضوع ثاني يحالفنا الحظ اكثر ونعطيك الجواب كافي وافي :) موفق يالغلا ،، |
رد: خبراء البلوفرونتد
والله انا قلت له بس هو مومقتنع الله يهديه ويصلحه
|
رد: خبراء البلوفرونتد
كلامك درر درر يافوزي وانا اكدت كلامك في بداية الموضوع بس بغيت اشوف لين وين بيوصلون الشباب لانه فيه فرخ انا شفته يمكن حتا ماتقول اورنج وينج طلعت العلامه الزرقاء والصفراء بعد ماكبر وتحياتي
|
رد: خبراء البلوفرونتد
طير الهوى حبيبي انا عارف والله ان قصدك طيب وقلت هذا الكلام فوق
وعلى فكرة الأنواع ماهي 3 بس,, هي أكثر,, وبعد فترة بيتغير العدد,, هذا مبدأ التطور عند الحيوانات,, تختفي أنواع وتوجد أنواع اخرى بحسب ضروف وعوامل كثيرة جداً,, وحالياً مع اختلاف المناخ, ومشاكل البيئة, والإحتباس الحراري ,, طبيعي اننا في مرحلة ما حنشهد ظهور أنواع مختلفة تطورت حتى تتعايش مع النظام الجديد للكون,, وقبل فترة معينة من الزمن, يمكن ما كان فيه أنواع كثيرة من الببغاوات,, بس التهجين والهجرة يعطي فرز للأنواع,, أقصد من كلامي لا نعتمد على المعلومات اللي في المنتديات على اساس انها الوحيدة,, لكنها المعلومات المتوفرة حالياً,, ومن أروع مافي المنتدى هذا ان الأعضاء يحبون الخير ويسعون له قدر الإمكان,, مثل ما سويت انت الله يوفقك,, أخوي فوزي وأخوي طيري وياكل من يد غيري,, ما قصرتم انتم والباقيين بس أخونا vipaltear واثق فينا وفي المنتدى وحب يسأل,, وهذا هو الصح واحنا لخبطناه شوي,, وهو معذور بصراحة,, لو أنا مكانه أكيد بحتار. vipaltear يا غالي أسعدني تواصلك وتقبلك للنقاش, وعجبني حوارك وبحثك عن المعلومة ربي يوفقك ويبارك فيك وفيه أمور نظرية وأمور عملية,, أغلب الشباب اللي قالو انه اورنج قالو كذا لانهم اتعمدو على المعلومات النظرية المكتوبة في المنتديات وغيرها وطبيعي يكون فيه شواذ واختلاف في الواقع العملي,, وهذا اللي صار معانا الحين,, بعض الأحيان تتغير الصبغة في المنقار لأسباب معينة مثل قلة أشعة الشمس أو نوع الغذاء أو نقص معين في صبغة الطير,, أو نقص معين في معادن أو فيتامينات لها علاقة في اللون... وأحيانا هذي النواقص أو العوامل تكون مؤقتة ومرتبطه بمرحلة معينة,, وتروح الشي الآخر انه الببغاوات مثل البشر ,, عندهم عيوب وراثية وجينات تطلع اختلافات عن المألوف,, ومو شرط يكون فيه معلومة سابقة تقول لنا عن هذي العيوب الخلقية اللي ما تأثر في شي.. وأقرب مثال لما تشوف طفل سعودي شعره أشقر,, ما ينفع تقول انه أوربي :D لون شعره هذي علامة واحدة عند الأوربيين لكنها ماهي كل العلامات اللي تأكد هذي المعلومة,, ولو دورت في المنتديات وفي الكتب تلاقي ان صفات سكان جزيرة العرب مافيها لون الشعر أشقر,, لكن تلاقي في صفات سكان أوربا هذي المواصفات,, نظرياً في المنتديات لكن عملياً وفي الواقع نلاقي بعض الإختلافات, ومو دائما يكون الوضع العملي متطابق تماماً مع النظري,, عموماً المواصفات اللي تقراها في منتدياث ثانية توفر لك المعلومات الرئيسية والشائعة,, لكنها ما تقدر تحصر كل المواصفات الطارئة والنادرة,, أشكر لك رحابة صدرك وسامحني اذا فهمت مني شي خطأ بسبب سوء تعبيري , أو قصور بلاغتي في إيصال التوضيح.. تحياتي |
رد: خبراء البلوفرونتد
اقتباس:
ههههههههههههه لحد الآن مابعد قررتو ايش نوع الببغاء انا حطيت في ردي السابق صوره للأورنج عشان تقارن بالصوره الموجوده بالموضوع انا الاحظ فيه فرق بينهم يعني صورة الببغاء المعروض بالموضوع تختلف عن صورة الاورنج مافيه تشابه |
رد: خبراء البلوفرونتد
طيب شفلك بلوفرنتد غير هذا
اظن انت بالبحرين خل فوزي يدلك محل خويه |
رد: خبراء البلوفرونتد
والله اللسان يعجز عن شكركم جميعا والله يعطيكم الف الف الف عافيه
والسموحه يا أخواني الأعزاء تعبتكم معاي وشكرا لكم أجمعين والله يرفع مقامكم في الجنة ان شاء الله |
رد: خبراء البلوفرونتد
ياجماعه الطير بلو فرنتد ومن اطيب السلالات
والبلو ليس ثلاث انواع فقط فهو يندرج تحت اكثر من عشر انواع ولكن الذي يصل الينا بالوطن العربي نوعان منها فقط الوجه الازرق والوجه الاصفر واريحكم منه اذا صاحب الموضوع يقدر يرسله للرياض انا شراااي |
رد: خبراء البلوفرونتد
،،
يالبيـــــــهـ بسسسس :D ياويل اللي مالهـ تو زو ;) ،، |
رد: خبراء البلوفرونتد
الخبر الأكيد في نوع الطير
أولا اشكر كل من ساهم وشارك في الموضوع الأخوان الذين قالوا انهوا أورنج وينج وأنا واحد منهم ، هذا الكلام غير صحيح الطير ليس أورنج وينج. والأخوان الذين قالوا انهوا بلوفرونتد كلامهم 50 % صحيح. الطير عبار عن مكس بين البلوفرونتد واليلو كراون ، ويعني كلمة بيور صحيحه ، وليس مافهمناه نحن ان الكلمه خاصه بالحيوانات وليس لها علاقة بالببغاوات هذا الكلام غير صحيح بل يمكن ان يكون تزاوج بين نوعين من الببغاوات مثل (اليلوناب مع المايلي أو الدبل يلو مع اليلوناب أو البلوفرونتد مع اليلوكراون) وهذا الكلام من المحلات التجارية للطيور ، طبعنا صورة الطير وذهبت بالأمس الى المحلات الخاصه بالأمازونات وسئلت أكثر من واحد أول ماشافوا الصوره قالوا هذا مكس بدون تردد . وشكرا لكم جميعا والله يعطيكم العافيه |
رد: خبراء البلوفرونتد
الظاهر ان الموضوع اخذ اكبر من حده ..
يا اخوان لازم تعرفوا ان اختلاف الاراء لا يفسد للود قضية .. اخي السائل طبعا هذا جواب لسؤالك .. الطير من نوع ((بلوفرونتد امازون)) وعلى فكرة لا يوجد تهجين بين الانواع .. واحب اوضح للاخوان بالصور وهي خاصة بطيري ((موتشو)) طبعا اخذته وكان عمره 6 شهور .. وشكله قريب جدا من الاورنج .. http://www.2zoo.org/get-7-2010-2zoo_org_yinu9l24.JPG http://www.2zoo.org/get-7-2010-2zoo_org_6bbw22e0.JPG http://www.2zoo.org/get-7-2010-2zoo_org_vbc3680n.JPG http://www.2zoo.org/get-7-2010-2zoo_org_pjz5dlbo.JPG http://www.2zoo.org/get-7-2010-2zoo_org_7168ull5.JPG http://www.2zoo.org/get-7-2010-2zoo_org_4pzwrgd0.JPG |
رد: خبراء البلوفرونتد
أهلا أخي مجنون الأمازون أنت عزيز وغالي بس انا أختلف معال في التهجين
يصير تهجين بين الأمازون وعندي الدليل على ذلك ، كان عندي أمازون نوع مايلي عارضنه للبيع في أحدى المنتديات وشاف أحد التجار الأعلان وقال لي (اذا لك خاطر انا ابيه حق انتاج اذا اهوا نثية لان عندي يلوناب ابي انتج منهم) أنت عزيز وغالي مع أختلافي معك وأنا قريت مواضيعك وللامانه وليسة مجامله مواضيعك حلوه وجميلة و أحلى من العسل |
رد: خبراء البلوفرونتد
انا عن نفسي وهذا رأيي ..
اول شي نوعه كنت جازم انه اورنج وينجز .. بس بعد كلام الأعضاء الكبار والخبراء مثل سكر ومجنون الامازون كان مقنع واقتنعت انه بلو فرونتد ثاني شي انه انا متأكد وجازم 100 % ان الأمزونيات والطيور كلها ما فيها تهجين مثل الحيوانات .. وطبعا كل واحد وله رأيه ويحق له انه يبديه |
| جميع الأوقات بتوقيت GMT +3. الساعة الآن 07:20 AM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو