~][ طائر المينا .. استفسارات وتساؤلات ][~
 

رد: ~][ طائر المينا .. استفسارات وتساؤلات ][~
 

انا اعرف ان السوؤل ليس بموجه لي شخصيا لكن حبيت اني اول واحد يرد عليك بخصوص طائر المينا بالنسبه لطائر المينا انا اعشقه لدرجه اني اربيه اكثر من عشره سنوات طائر المينا يختلف كثير عن باقي الطيور مثلا اذا انا حبيت اني اربي طائر مينا اي كان اندونوسوي او باكستاني او تايلندي او فلبيني او حتي ذو الوجهه الاصفر كلهم من فصيله الجواثم لطائر المينا عيوب وحسنات حلينا نتكلم عن عيوب المينا 1-فوضوي بدرحه لاتصدق 2-مزعج جدا 3-تكثر عزك الله اوساخه (فضلاته) 4-يأكل بشراهه 5-يشرب ماء بكثره يحب الاستحمام كل يوم.......6-جبان وخواف ..ناتي الي حسناته 1-متحدت ممتاز نبره صوته مثل الانسان بالضبط 2-يحفظ الكثير وله ذاكره حديديه يعني اذا كنت معلمه كلمه وماقالها تاكد انو بيقولها بالضبط نفس ماسمعها منك في احد الايام لانه ماينسى ابد صدقني انا حدث معاي نفس الشيء يعني يبهر من الاشياء الي عنده يفاجئك بكلام بطبق الاصل3-يتعلم بسرعه مذهله 4-جريء يتحدث امام الكل ليس مثل بعض البغبغاء يهاب الناس5-مرح ودائما يلعب 6-يحب يتكلم ويقلد مربيه7-ياكل اي شيء من اكل البيت حتى الرز الدجاجة اللحم السمك طبعا مطبوخ لاكن لاتصلح له جميع الحوامض 8-يعشق شرب الحليب -الان نأتي الي الانتاج انا صراحه ما انتج لاني ماجربت لاكن في اشخاص انتجو من المينا يعني بالامكان الانتاج بس بشروط لان المينا طائر حذر بدرجه مبهرة حساس الي ابعد الحدود من ناحيه الانتاج يجب ان تتوفر البيئه الصحيه مكان واسع وهادىء مكان بحجم الغرفه حتى البعوضه ماتدخله .بالنسبه الى فروخ المينا نفس البلابل بالضبط تقدر تعطيهم الاكل حق المينا منقوع بالماء او اكل الدجاج الكيماوي المخلوط حتى البطاطه المسلوقه مع الرز المسلوق من 5 الى 4 وجبات في اليوم .المينا لاتفقد الفتها خصوصا مع صاحبها لاتفارقه ابدا طائر اجتماعي لايطيق الوحده....بالنسبه للذكاء ذكيه جدا ومن هذا الاساس تتحدث بطلاقه ولها ذاكره حديديه .....الافضل انك تحصل على طائر مينا صغير وتعلمه الكلام الي انت تبقيه لان طائر المينا مستحيل ينسى الكلام الي تعلمه .اهو شييء في المينا انه يتكلم بصوت عالي وواضح انا بالنسبه لي مو شرط انه يكون اليف لانك حتي اذا طلعته على ايدك ممكن يرمي بفضلاته عليك يوسخ بكثره ...احسن مينا في التربيه من عمر شهر الي شهرين لانه بعض الاحيان يتكلم وعمره من اربعه شهور الى اقل:::::::::::في ملاحظه يااخوي ترى طيور المينا درجات في كل شيء يعني البكستاني ليس بمثل الهندي او الافريقي او التايلندي الافضل الاندونوسي الجافا و البلوان ثم الهيل الجبلي الذي يعيش في الفلبين لان الاحجام تفرق بين الثلاثه الانواع الجامبو والوسط والصغير اتمنى اني قدرت افيدك بقليل من المعلومات وتقبل مروري واسف اذا اني تطفلت عليك لاني اعرف ان الرساله ليست لي ولكني اعشق جميع انواع طيور المينا

رد: ~][ طائر المينا .. استفسارات وتساؤلات ][~
 

،،

أهلا بالغالي فوزي ..

شرفني مرورك وتواجدك .. وتشرفت بردك وتعليقك ..

صحيح ان الرسالة موجهة للأخ طائر المينا .. لكن لم أضع الموضوع هنا إلا لنفيد ونستفيد من الجميع .. والمجال مفتوح للجميع ..

فأشكر لك تواجدك ومشاركتك .. وأتمنى من جميع من لديه خبرة ولديه تجربة أن يضعها لنا هنا لنستفيد منها جميعا ً .. فهذا هو الأهم ويأتي في المقام الأول .. وماغير ذلك .. يأتي بعد ذلك تباعا ً ..

طرح جميل ومفيد أخي فوزي .. شارك لك ومقدر تجاوبك وحماسك للموضوع ..

ننتظر اخونا طائر المينا .. وبقية الأعضاء الرائعين أمثالك ..

ومهما قرأت عن المينا .. لن يتسلل الملل لداخلي .. أبدا ً .. أبدا ً ..

أكرر لك شكري

،،

رد: ~][ طائر المينا .. استفسارات وتساؤلات ][~
 

،،

تم إرسال رسالة تذكيرية لحبيبنا ( طائر المينا )

:)

ولا زلنا في انتظاركم

،،

رد: ~][ طائر المينا .. استفسارات وتساؤلات ][~
 

اشكرك اخي الكريم على ردك انا كنت ناوي ارسل لك مجموعه صور تخص جميع انواع المينا بس ماعرفت كيف الطريقه فاذا انت حبيت تقدر تشوف البوم الصور لجميع انواع طيور المينا في ملفي الشخصي واتمني انهم يعجبونك وانا منتظر الرد منك ان شاء الله

رد: ~][ طائر المينا .. استفسارات وتساؤلات ][~
 

،،

العفووو اخوي فوزي ..

ومشكووووور على الصور الحلوه الموجوده في ألبوم الصور عندك ..

بصراحه فيه انواع الواحد ما يصدق انها من انواع المينا .. سبحان الله الخالق المبدع ..

أشكرك جدا ً جدا ً جدا ً أخوي فوزي ..

بغيت اسألك عن أسعار طيور المينا عندكم بالبحرين .. انا صراحه شفت اسعار المينا الباكستانية عندكم على 30 دينار تقريبا .. ما ادري هل هذي فعلا اسعارها عندكم او فيه محلات ارخص وافضل ؟

شاكر لك ومقدر

،،

رد: ~][ طائر المينا .. استفسارات وتساؤلات ][~
 

هلا والله اخوي
اسف على التاخير
لكن اخونا fawzi اجاب على كل شيء
ماشاء الله عليه
حسب تجريبتي مع هذا الطائر فانا اربي هذا الطائر من 14 سنة
والانواع الي اربيه 3 انواع البكستاني_الهندي _والاندونيسي
الاسعار فرخ اندونيسي 800ريال وناطق اليف 2500ريال والغير اليف مابين 1800الى 2000
اسعار الفرخ الهندي والبكستاني مافي فرق بينهما الاسعار متقاربه
الفرخ من 100 الى 150 الناطق اليف 900ريال ناطق وغير اليف من 450الى 600
الاجابة عن الاسئلة
هل جربت إنتاجها ؟ نعم يجب توفير قفص كبير حوالي 3امتار مع العرض 2متر واضافة الاغصان ليستطيع الطائر بناء عشه
هل جربت اطعام فروخ صغيرة بالعمر جدا جدا ( مابين أسبوع إلى شهر ) ؟؟ نعم جربت اطعام الفرخ من عمر اسبوع
يجب ان تطعم الطائر 5مرات في اليوم في اوقات النهار
هل كانت مناعتها جيده ؟ لا في عمر اسبوع تكون مناعتها ضعيفة فيجب عليك الحذر وعدم تعريض الطائر للجواء الباردة مثل التكيف والمروحة فهو يعيش في الاجواء الجافا
هل تفقد طيور المينا ألافتها بسرعه ؟ نعم
هل تظهر بعض الذكاء في التعامل مع مربيها ؟نعم
أيهما أفضل .. الحصول عل طائر مينا أليف متكلم ( طبعا الحصول عليه صغير وتوليفه ) .. أو مينا متكلم غير أليف ؟
لأن الطائر الكبير لا يمكن توليفه بعكس الصغير .. ولكن للصغير مخاطر كبيرة ومن هنا أطرح تساؤلي الأخير .. برأيك ماهو العمر المناسب لاقتناء واحد منها ؟ العمر المناسب اسبوعين ونصف
اخي ارجو اني افدتك
لك تحياتي

رد: ~][ طائر المينا .. استفسارات وتساؤلات ][~
 

،،

أشكرك جزيل الشكر أخي الغالي طائر المينا ..

بالنسبة للإنتاج .. وبالأخص بناء الاعشاش .. من ايش تبني المينا اعشاشها ؟ هل يجب توفير بعض الاغصان الصغيره لعمل ذلك ؟ او خيوط ؟ او ثيّل ؟

هل بالإمكان جمع أكثر من جوز بقفص الانتاج الكبير هذا ؟

تجربتك بالإنتاج كانت من اي نوع من انواع المينا ؟

شاكر لك ومقدر يالغالي .. وآسف لإزعاجك ..

،،

رد: ~][ طائر المينا .. استفسارات وتساؤلات ][~
 

العفو اخوي هذا واجب علينا
بنسبة للتجربة كانت في البداية الهندي والبكستاني بعدين الاندونيسي الياسمينة
هل بالإمكان جمع أكثر من جوز بقفص الانتاج الكبير هذا ؟
نعم بالامكان جمع اكثر من جوز 4الى 5 اجوزاذا اكثر انصحك بغرفة ويفضل ان تكون في سطح المنزل بسبب رائحة
فضلاته الكريهة
من ايش تبني المينا اعشاشها ؟
المينا تبني اعشاشها من خوص النخل
قريب ساريكم بالصور طريقة انتاج المينا وهي بداخل غرفة في السطح عندي
اخي ارجو اني افدتك
تقبل تحياتي

رد: ~][ طائر المينا .. استفسارات وتساؤلات ][~
 

،،

الله يعافيك ويخليك يالغالي .. وبنتعبك معنا ..

والله شي رائع انك قدرت تنتج المينا الاندونيسيه ببيئتنا هنا .. واعتبره انجاز كبير ..

ياليت والله نشوف صور العمل عندك .. علشان اسوي شي مشابه له ..

وشي جميل انه بالإمكان جمع اكثر من جوز .. توقعتها بالعكس تماما ً ..

طيب كيف يتم اختيار الاجواز حيث لا يوجد فرق بين الجنسين على حد علمي ؟

وكم تضع الانثى من بيضه ؟ وكم وقت الحضن ؟ وكم مره تنتج بالسنه تقريبا ؟

هل عندك بعض الصور لانتاجك ؟


اسف اذا ثقلت عليك .. لكن عشقي للطائر هذا يتعدى كل الحدود ..

،،

رد: ~][ طائر المينا .. استفسارات وتساؤلات ][~
 

هلا والله اخوي لا تعب ولاشي
انت اخوي وبساعدك وانشاء الله
بينتج المينا عندك
كم تضع الانثى من بيضه ؟
المينا تضع من 3الى 5 بيضات
كم وقت الحضن ؟
من 18الى 19 يوم
طيب كيف يتم اختيار الاجواز حيث لا يوجد فرق بين الجنسين على حد علمي ؟
شوف اخوي الذكر اطول من الانثى وريش الانثى اغمق من ريش الذكر
كم مره تنتج بالسنه تقريبا ؟
من 12 الى 15بيضة
هل عندك بعض الصور لانتاجك ؟
انشاء الله قريب راح اصور بس
قالو ماشاء الله
اخي ارجو اني افدتك
تقبل تحياتي

رد: ~][ طائر المينا .. استفسارات وتساؤلات ][~
 

،،

ماشاء الله تبارك الله ..

بس لا زلت ارى انه اختيار جوز بمجرد النظر امر صعب شوي .. لانه لازم انقــّي بين كمية طيور .. وبناء على ملاحظة بالنظر بس .. ومكن تصيب وممكن تخطي ..

وهل وجود جوز .. يعني الانتاج ؟

لأنه ممكن اخذ جوز بس اواجه مشكله بالانتاج .. يا اما يكونون غير متوالفين على بعض .. او اعمارهم غير جاهزه للانتاج .. او لأي سبب يخفى عني ..

لكن بإذن الله ان الامور تتيسر وتتسهل .. ^.^

بانتظارك اخوي طائر المينا ..

،،

رد: ~][ طائر المينا .. استفسارات وتساؤلات ][~
 

اهلا يااخي الكريم الحمد لله ان الاصور عجبتك ترى في انواع اخرى لطيور المينا لسه مانزلتهم من النت بالنسبه الي الاسعار مو ثابته في الوقت الحالى لان موسم التزاوج الان بالنسبه لطائر المينا الباكستاني بعض الاحيان تجد السعر رخيص جدا ولكن يعتمد على نظافه الطير وعمر الطير وفي اشياء كثيره اما بالنسبه الى طائر المينا الاندونوسي مستحيل انك تحصله لانه صار نادر وجوده حتى في موطنه الاصلي قل عددهم بسبب العمران وصار عليه حظر ورقابه شديده من قبل الجهات الخاصه في اندونوسيه واي شخص يقول ان الجافا و البلوان متوفر ياسفني انه ماعنده اي خبر ه بتلك الانواع لانها اصبحت بالفعل نادره و المصدر الوحيد لبعض انواع لطيور المينا وبعض انواع البغبغاء هنا عندنا في البحرين

رد: ~][ طائر المينا .. استفسارات وتساؤلات ][~
 

،،

ماشاء الله تبارك الله اخي فوزي

والله شي مؤسف صراحه فقدان هالنوعيات الحلوه ..

طيب انا نازل اليوم ان شاء الله من الرياض للبحرين ولمدة 3 ايام ( الويك اند كامل ) ..

انا اعرف سوق واقف .. رحت له كثير .. واعرف محلات هناك .. بس قليل احصل مينا عندهم ..

تنصحني بأماكن ثانيه اروح لها فيها طيور ؟

،،

رد: ~][ طائر المينا .. استفسارات وتساؤلات ][~
 

،،

ولله الحمد .. الويك اند الماضي ( قبل يومين ) ..

زرت البحرين وزرت أهم محلات ومجمعات بيع الطيور فيها .. مثل سوق واقف بمدينة حمد .. وسوق المقاصيص بمدينة عيسى .. وكذلك بعض المحلات مثل دريم لاند وغيرها ..

وبصراحه شفت نوع من المينا ماعمري شفته ينباع عندنا بالسعوديه .. اللي هو Yellow-faced Myna

واسمه بالعربي ( المينا ذو الوجه الأصفر ) .. وهذي صور له :

http://upload.wikimedia.org/wikipedi...faced_Myna.jpg

http://carolinabirds.org/Photos2/Myn...l%20Gallas.jpg

وقال لي راعي المحل سعره 130 دينار .. ( 1300 ريال سعودي ) .. وان موطنه الفلبين .. بينما موطنه الأصلي غينيا الجديده ..

بصراحه كنت متشفق وميت اني اخذ لي واحد منهم .. خصوصا انهم فروخ تنغر ومره أليفه .. وعددهم هائل يعني اختار الطير على مزاجي .. لكن والله ما منعني الا خوف انه يصادر من الجمارك .. الشكوى لله .. والله نفسي بواحد ..

ولقيت عنده كمية هائلة برضو من المينا الاندونيسي ( Common Hill Myna )

http://www.vivapets.com/img/race/big_219.jpg

اسعارها على 60 دينار .. ( 600 ريال سعودي ) ..

آآآآآآآآهـ بس .. والله صراحه قهر اشوفهم قدامي واخاف اخذ منهم .. لكن ماعليه .. ان شاء الله القى احسن منهم هنا ..

حبيت اضيف الاسعار علشان الكل يستفيد منها

،،

رد: ~][ طائر المينا .. استفسارات وتساؤلات ][~
 

رد: ~][ طائر المينا .. استفسارات وتساؤلات ][~
 

هلا اخوي كيف حالك نصيح لاتستعجل اصبر شوي الان الجو مو زين انا جايبلك رابط للمينا الهنديه انا شاء الله يعجبك

http://www.youtube.com/watch?v=gLlGKhJ4sbs

رد: ~][ طائر المينا .. استفسارات وتساؤلات ][~
 

http://www.youtube.com/watch?v=hi5XMoYDuhgهذا رابط للمينا الي في الفلبين شبيه المينا الاندونوسي

رد: ~][ طائر المينا .. استفسارات وتساؤلات ][~
 

هذا رابط للمينا الاندونوسي الابيض اسمه bali maynah بالي مينا على فكره هذا نادر الان عليه حظر في اندونوسيهhttp://www.youtube.com/watch?v=fvR6CKxUuOc

رد: ~][ طائر المينا .. استفسارات وتساؤلات ][~
 

اخوي نفس ماقلت لك لاتستعجل لان اغلب المحلات يبون يتخلصون من المينات الي عندهم لان الجو مايسمح ترى حر والله المستعان هذا الايام مره الحراره شديده انا اليوم كنت في سوق المقاصيص في مدينه عيسى وياكثر المينات اليوم صاحبي ماشاء الله جايبله اكثر من خمسين طير بس للاسف نصهم ماتو من تغير الجو لان جونا للاسف حار من نفس الموطن الاصلي للمينا هناك في رطوبه بس مو حراره نفسنا في الخليج ملاحظه ترى المينا الوجه الاصفر لك عليه في الكلام لاتاخذه نصيحه انا كان عندي واحد ماينفع مره في رابط حق طير اسمه starling وهذا الرابط اتمني اني ماطولت عليك ابقيك تستفيد http://www.youtube.com/watch?v=kcRfBU59LhM

رد: ~][ طائر المينا .. استفسارات وتساؤلات ][~
 

،،

هلا والله اخوي فوزي ..

والله صراحه طيبت خاطري يوم قلت لا تاخذ .. اجل الحمدلله اني ما اخذت ^.^

صراحه كان نفسي اخذ واحد من المينا لكن الحمدلله .. خيره

اما بالنسبة للـ starling هذا حصلت مثله عندنا بالرياض .. لكن صراحه ما اعجبني مستواه في الكلام .. فيه تصفير كثيييير .. واي كلمه فيها حرف سين او صاد .. يضيع الكلمه ويقوم يصفر ..

الله يسهل وييسر والقى لي مينا اندونيسي .. او عادي .. ويبيض الوجه ^.^

مشكور اخوي فوزي على المقاطع وعلى المداخلات الحلوه

يعطيك الف عافيه ^.^

،،

رد: ~][ طائر المينا .. استفسارات وتساؤلات ][~
 

لاشكر على واجب انت اخوي وانا احبك في الله وذا بقيت الاندونوسي ترى بدوره لك وان شاء الله بحصله انت أمر ولك طيبه الخاطر ولاتهتم والله يعطيك العافيه ان شاء الله

رد: ~][ طائر المينا .. استفسارات وتساؤلات ][~
 

،،

أحبك الله الذي أحببتني فيه .. الله يعافيك اخوي فوزي

طيب الاندونيسي لو بتدوّر .. ماتخاف انه يتغير عليه الجو وتصير عليه مشاكل والا شي ؟

وماتقصر يالغالي .. كفووو

،،

رد: ~][ طائر المينا .. استفسارات وتساؤلات ][~
 

الله يسعد قلبك ان شاء ويثبتك على الصراط المستقيم قل ان شاء الله يارب العالمين......................... انشاء الله بدور لك لاتهتم بس انا نصيحتي لاتربي فرخ خصوصا هذه الايام لان مناعة الفريخ ضعيفه مره نصحيتي لك بطير توى بادي بالكلام انا بدور مو في السوق عند اي احد عندنا في البحرين من الربع الي نعرفهم واذا ماحصلت بدور لك النوع الثاني المينا هل اصغر شوي بالحجم من الاندونوسي بس ها ترى صدقني ان صوته واضح بشكل مايتصدق الميزه الي في الاندونوسي ان حجمه كبر البغبغاء اذا كبر يصير حجمه نفس الامازوني اليلو ناب بس في الكلام نفس الشيء مايفرق الى الحجم

رد: ~][ طائر المينا .. استفسارات وتساؤلات ][~
 

،،

امين ان شاء الله ^.^

ماشاء الله تبارك الله ..

بس المشكله اخوي فوزي ان المينا من يوم يتكلم يرتفع سعره بشكل خيالي :(

،،

رد: ~][ طائر المينا .. استفسارات وتساؤلات ][~
 

مشاء الله موضوع جداً رائع
وردوود ارووع
كنت مثلك اخوي ادور معلومات عن الطير هذا

بس فيه مشكله !!!ومحتار منها
لما اشتر واحد فرخ ياسمين..هل قدرته بالكلام تغطي على عيبه(كثرت إخراجه للفضلات )أعزكم الله؟؟
وهل لما اخرجه برى القفص فيه ضرر _لكثرت اخراجه للفضلاته؟وهل ابقيه بالقفص دائماً؟
وكيف تعليمه الكلام؟
وما هو العمر المفضل وخاصه للعضو المتدى؟وماهو افضل نوع؟وكم سعره بالسعوديه؟مع امكانه وضع صوره له؟حتى نعرف نوعة.

وأسف اخوي طير الهوى على مداخلتي
وارجوا منك تقبل سؤالي.

رد: ~][ طائر المينا .. استفسارات وتساؤلات ][~
 

،،

هلا بك اخوي ملك الجنون ..

بالعكس يالغلا .. الموضوع مفتوح للجميع ..

بالنسبة لأسئلتك بجاوب عليها .. ولو حصل تعليق وتعقيب من أحد الأخوة الأفاضل ومن هم أخبر وأعلم مني ياسلام سلم ..

بالنسبة للفضلات .. المينا والبلبل قريبه من بعض من هالناحية .. كلها سبحان الله فضلاتها كثيره ورائحتها مقرفة وتنرفز .. ولازم التنظيف أول بأول .. أما هل تغطي قدرة المينا على الكلام على مسألة الفضلات .. هي على حسب نظرة الشخص .. يعني انا عندي بلو فرونتد امازون .. ومتكلم وبدرجة الامتياز .. وعندي كروان متكلم بعد .. وعندي 2 كناري .. و 2 بادجي .. وبرضو فرخ بلبل تبنيته بعد ماتخلوا عنه اهله .. يعني عندي طيرين يتكلمون وانا ماني بحاجة المينا بس علشانه يتكلم !! وماهمني مسألة فضلاته لاني متعود عليه من قبل وعندي بلبل وربيت بلابل قبل كذا وكلهم نفس الشي .. لكن هي مسألة حب للطير .. انا احب المينا .. واتحمله بكل مافيه .. بإيجابياته وسلبياته .. مجرد حبي للطير يعطيني سبب لامتلاكه بوجهة نظري ^.^ وهي تختلف من شخص الى آخر .. بس للعلم .. بالنسبة لرأيي الشخصي .. مسألة فضلات المينا الناس عطتها اكبر من حجمها بكثير :) ومن بغى الدح ما قال أح .. ( مثل شعبي ) ..

بالنسبة لإخراج الفضلات خارج القفص .. نعم فيه إخراج فضلات خارج القفص .. والطير جوا القفص وبرا القفص نفس الوضع .. وانا عندي كل الطيور كذا حتى البلوفرونتد امازون .. برا القفص يخرج فضلات .. بس طبعا بتعاني من المينا لان فضلاته اكثر وأخيس .. وغير كذا بيعذبك لأنه حتى بإخراج الفضلات .. ممكن يرمي الفضلات خارج القفص وهو داخل .. سبحان الله يرميها رمي .. :)

اما تعليم الكلام .. فالمينا يمتاز انه مايحتاج للتلقين مثل باقي الببغاوات .. من حاله يتعلم ويلقط الكلام .. ماتدري الا وهو يتكلم .. :) يعني ماراح يعذبك من هالناحيه ..

العمر المفضل لاقتناء طير المينا هو بعمر اسبوعين ونصف على كلام اخونا ( طائر المينا ) ..

أما أنواعه كثيرة .. لكن المتعارف عليها عندنا واللي ممكن تلقاها منتشره .. 4 أنواع تقريبا ..

1/ الاندونيسي وبعضهم يسمونها ( جاويه نسبة الى البلد " جاوا " ) :

http://www.mynahbird.org/species/hills/mynah.jpg

وهو الافضل بلا منازع .. من ناحية النطق والشكل والحجم .. وسعرها بالبحرين 600 ريال .. لكن عندنا هنا اشوفه معروض بـ 1200 ريال :)

2/ المينا ذو الوجه الاصفر :

http://upload.wikimedia.org/wikipedi...faced_Myna.jpg

حجمه كبير .. وشكله مميز .. لكن قدرته على النطق ماتوصل لمستوى الاندونيسي بناء على كلام اخونا فوزي الله يحفظه .. وسعره بالبحرين 1200 ريال .. ولا قد شفته هنا بالسعوديه ابد ..


3/ الباكستاني :

http://upload.wikimedia.org/wikipedi...m_IMG_9571.jpg

حجمه صغير بالنسبة للاندونيسي .. وقدرته على الكلام ممتازه .. يشبه المينا الشائع لكن شحم وجهه احمر على برتقالي .. تاخذه فرخ تقريبا بـ 300 ريال ..

4/ المينا الشائع ( المستوطن لدينا الآن ) :

http://www.feelsecure.com.au/hollow.jpg

برضو حجمه صغير بالنسبة للاندونيسي .. وقدرته على الكلام ممتازه .. وسعره برضو 300 ريال تقريبا للفرخ ..


ان شاء الله اكون قدرت افيدك بخصوص المينا يالغلا .. وياليت لو عندي بعض الاخطاء ان يصححونها لي الاخوان فوزي وطائر المينا خصوصا ً بأنواع المينا لأني كتبتها بناء على خبرتي المحدودة جدا مقارنة بهم ..

وبالتوفيق يالغلا ^.^

،،

رد: ~][ طائر المينا .. استفسارات وتساؤلات ][~
 

كفييت ووفييت اخووي طير الهوى
يعطيك الف الف عاافيه

وننتظر تعليقات من ذوو الخبره

وكان عندي بلبل روسي ..كان يخرج فضلاته بشكل ماتتوقعه..؟؟بس أنا توقعت من الأكل حقه؟؟لأني كنت اعطيه اكل خاص للبلابل على شكل مخروطي وقطع صغيره جاهزه.
اتمنى انهم يفيودنا اهل الخبر.؟؟

وهذي صوره مشابه للبلبل الي عندي
شاريه من سوق الطيور 25 ريال
وأطلقته لأني احس انه طير بر مو بيوتي

http://farm4.static.flickr.com/3088/...0618817490.jpg



سؤال اخير..
اي افضل ببغاء الأفريقي؟ام طير المينا (الياسمينه)؟

رد: ~][ طائر المينا .. استفسارات وتساؤلات ][~
 

هذا سؤال لا يمكن لأحد الجواب عليه .. ولا يمكن لأحد الحكم في ذلك .. فهي تختلف من شخص إلى آخر .. لكن للجواب على هالسؤال ( وراح اقارن بين الافريقي والمينا الاندونيسي ) ننظر لعدة عوامل :

* القدرة على النطق والكلام : متساوين وجميعهم متحدث ممتاز .
* الوضوح في الصوت : المينا الاندونيسي أفضل وأوضح ، ومقلد بشكل مذهل مذهل .
* الجرأة في الكلام : المينا الاندونيسي أفضل .
* التعداد اللغوي ( عدد الكلمات المحفوظة ) : الأفريقي أفضل .


* النشاط الاجتماعي : الاثنين في درجة واحدة وكلهم يتعلق بصاحبه .
* المشاكل النفسية : الافريقي قد ينتف ريشه ويكون كئيب ومريض نفسيا .. عكس المينا مايحدث فيه هالشي .
* المناعة : المينا بجميع أنواعه أفضل .
* النظافة : الأفريقي أفضل ، مع العلم ان المينا طائر نظيف ويحب الاستحمام كل يوم ولأكثر من مره .. لكن يبقى كثيرة فضلاته وله رائحة أكثر من الافريقي ، غير انه ينثر اكله بفوضويه وبكل مكان.
* المظهر الخارجي : على حسب مزاج الشخص .


* القدرة على تعلم الخدع : الافريقي أفضل .
* القدرة على الترويض : الافريقي افضل .
* القدرة على التعبير والشعور : الافريقي افضل .
* القدرة على الفهم والاستيعاب : الافريقي افضل .


هذي قد تكون اهم المحاور اللي ممكن اننا نقارن فيها بين الطائرين .. وكل واحد ومزاجه ويشوف اللي يبغى .. ولا مانع من الاحتفاظ بكل النوعين سوا لوووووووووول ^.^

والافريقي كسب شعبية جارفه بسبب وفرته ورخص اسعاره وانتشاره بين الناس .. وكثرة البحوث والدراسات والمواضيع حوله .. وهذا أبدا ً ما يعني ان الطيور الأخرى أقل منها مستوى .. واكبر دليل على ذلك اليلو ناب امازون والدبل يلو هيد على سبيل المثال ..

وبالتوفيق لك اخوي ملك الجنون ..

وبانتظار الاخوان للتعقيب على المشاركات وتصحيحها ان لزم .. واضافة بعض النقاط التي يرونها مهمة ..

،،

رد: ~][ طائر المينا .. استفسارات وتساؤلات ][~
 

ماشاء الله عليك عند خبره بس المينا الاندونوسي جحمه يجي اكبر وراح تلاحظ ان شحمه الاذن الي في الجوانب غير متلاصقين يعني في مسافه بينهم بينما المينا الجحم الصغير الي يوجد بكثرة في بورما والهند والصين والنيبال وباكستان تكون متلاصقه لو تدخل في ملفي شوف الصور للمينا ولاحظ شحمه الاذن وبالنسبه للمينا ذو الوجه الاصفر في منو نوع كبير حجمه .ملاحظه بخصوص المينا اشخاص كثيرين وبعضهم مربين محترفين لايعروف وللاسف لماذا طائر المينا يخرج فضلات بكثره ؟الجواب سهل لانه من فصيله الجواثم وكثير الحركه نفس البلبل و الشحرور والعندليب وبغبغاء اللوري تلك جميعها تقفز ولاتمشي سبحان الله لو تلاحظ المينا الاندونوسي او الفلبيني الهل يقفز بالرجلين حيثما المينا الهندي العادي يمشي .على فكره حصلت لك مينا اندونوسي عنده كم كلمه ويقلد صوت البس وعند كذا كلمه بس سعره مرتفه ماادري اذا يناسبك او لا بس طير حلو مره واليف سعره 300 دينار اذا لك خاطر هذا جوالي 0097339265726

رد: ~][ طائر المينا .. استفسارات وتساؤلات ][~
 

ماشاء الله عليك عيني عليك بارده وا يحفظك ان شاء الله اسمحلي في بعض التصحيح......................
* القدرة على تعلم الخدع : الافريقي أفضل المينا اكبر مخادع ولاينسى اذا حفظ له ذاكره حديديه * القدرة على الترويض : الافريقي افضل . ممكن ترويض المينا بس يفضل تربيته وتعليمها في سن اصغر من ثلاثه اسبابيع الى شهر القدرة على الفهم والاستيعاب : الافريقي افضل . .المينا ايضا يستوعب وهذا مقطع لليوتيوب http://www.youtube.com/watch?v=8CODu2-yaMo

رد: ~][ طائر المينا .. استفسارات وتساؤلات ][~
 

،،

مشكور اخوي فوزي على التوضيح ..

هذا اللي تقصده الاندونيسي ..

http://www.2zoo.com/vb/picture.php?a...pictureid=7108

وبالنسبة للمينا سعره بصراحه مثل ما انت قلت مرتفع .. يعني تقريبا دبل السعر بالنسبة للفرخ .. وميزة المينا انه يتكلم بعمر صغير يعني ما يمديه ياخذه فرخ الا وبفترة بسيطة صار دبل السعر عكس الافريقي مثلا والامازون اللي مايتكلم الا بعد سنه وتعبان عليه راعيه .. ويستاهل رفعة السعر ..

لكن لي الشرف اني اخذت رقمك .. وبإذن الله راح أتشرف بسماع صوتك اخوي فوزي ^.^

ومشكور تعبناك وغلبناك معنا ..

بالنسبة لتعليقك وتعقيبك بالنسبة لنقاط المقارنة .. اشكرك على مداخلتك يالغالي .. ومقطع فيديو رائع ^.^

،،

رد: ~][ طائر المينا .. استفسارات وتساؤلات ][~
 

بس فيه مشكله !!!ومحتار منها
لما اشتر واحد فرخ ياسمين..هل قدرته بالكلام تغطي على عيبه(كثرت إخراجه للفضلات )أعزكم الله؟؟نعم قدرته على الكلام تغطي عيبه
وهل لما اخرجه برى القفص فيه ضرر _لكثرت اخراجه للفضلاته؟وهل ابقيه بالقفص دائماً؟
وكيف تعليمه الكلام؟ضرر من اي ناحيه؟اذا كان السبب من كثره فضلاته بيكون فيه اكيد بيوسخ الله يعزك اما اذا من ناحيه التدريب لازم تخليه بره القفص مهم جدا
وما هو العمر المفضل ؟وماهو افضل نوع؟وكم سعره بالسعوديه؟مع امكانه وضع صوره له؟حتى نعرف نوعة.العمر من شهر يكون مناسب .اما افضل نوع هو الاندونوسي الجافا او الفيلبيني الهل ....السعار في متناول الجميع سعره مناسب جدا بس اذا تكلم يرتفع سعره ...اما بخصوص الصور اخونا طير الهوي ماقصر عرض بعض الصور الله يجزيه الف خير بيض الله وجه ماشاء الله عليه .وتقبل مروري وتحياتي للجميع:88:

رد: ~][ طائر المينا .. استفسارات وتساؤلات ][~
 

هو المينا ميتكلم على طول يعني لو تخليه قريب من التلفزيون يقعد يخربط في الكلام ولاتفهم اي كلمه من عنده اما اذا انك علمته الكلام ودربته راح يقلد صوتك صوت رجال او صوت حرمه بالضبط .لانه عنده نبرتين في الصوت انا عندي المينا احسن من البغبغاء لانه مايتعب ولاينتف ريشه لاكن اذا استاء يصير مزعج مره...........بالنسبه للتميز بين المينات لاحظ مسافه الشحمه الفاصله الي في الجوانب بينهم مسافه وشوف الصوره الي ان كنت حاطه الجوانب متلاصقين لاحظت هذا هو الفرق والحجم برضو الاندونوسي جحمه اكبر .تحياتي لك وللجميع

رد: ~][ طائر المينا .. استفسارات وتساؤلات ][~
 

،،

ماقصرت أخوي فوزي ..

مشكور على هالمعلومات الحلوه ..


اخوي ( طائر المينا ) .. لك وحشهـ ..

،،

رد: ~][ طائر المينا .. استفسارات وتساؤلات ][~
 

رد: ~][ طائر المينا .. استفسارات وتساؤلات ][~
 

لاشكر على واجب يااخي الكريم الكل يساعد الثاني كلنا أخوان في المنتدى الجميل الله لاغير علينا ان شاء الله

رد: ~][ طائر المينا .. استفسارات وتساؤلات ][~
 

موضوع مفيد جدا

بس عندي سؤال
انا عندي مينو هندي صغير
توه عندي جديد
بس ابي اعرف عمره
هو عنده جناح بس ما يطير
ولا ياكل لحاله
واكله هو
ذاك الدوائر ماعرف اسمه:D
وممكن ينقل امراض او شي
وشنو العمر المناسب عشان مينو

وهل اذا كبر بيتكلم
وكيف اخليه يتعود ع المكـآن
وبس
مشكورين كثير ع الموضوع الجميل

رد: ~][ طائر المينا .. استفسارات وتساؤلات ][~
 

لازم صوره له علشان نحدد العمر ...المينا لايستطيع الطيران اذا كان صغير ولاياكل لوحده لازم انك تاكلينه .اكل المينا متواجد في كل مكان العلف الدوائر الي في العلب ولاكن يوجد نوع ىآخر لونه احمر يباع في محلات الطيور .المينا يتكلام بعد شهرين من العمر بس يحتاج الى تعليم وتدريب وصير اليف والمينا الهندي فيه مشكله اذا صار صديق مع المربي يصبح ودود ولا يفارق مربيه دائما يحب انه يلعب ويصفر ويتكلم مع صاحبه,

وهذا مقطع للمينا الهندي شوفي اشلون ودود مع المربيه

رد: ~][ طائر المينا .. استفسارات وتساؤلات ][~
 

لازم صوره له علشان نحدد العمر ...المينا لايستطيع الطيران اذا كان صغير ولاياكل لوحده لازم انك تاكلينه .اكل المينا متواجد في كل مكان العلف الدوائر الي في العلب ولاكن يوجد نوع ىآخر لونه احمر يباع في محلات الطيور .المينا يتكلام بعد شهرين من العمر بس يحتاج الى تعليم وتدريب وصير اليف والمينا الهندي فيه مشكله اذا صار صديق مع المربي يصبح ودود ولا يفارق مربيه دائما يحب انه يلعب ويصفر ويتكلم مع صاحبه,

وهذا مقطع للمينا الهندي شوفي اشلون ودود مع المربيه


http://www.youtube.com/watch?v=gLlGKhJ4sbs