منتديات تو زوو
الصفحة 1 من 3 1 23
عرض 40 مشاركات من هذا الموضوع لكل صفحة

منتديات تو زوو (http://www.2zoo.com/vb/index.php)
-   قسم هواة الببغاوات (http://www.2zoo.com/vb/forumdisplay.php?f=31)
-   -   نتف الريش.. حاله قهرها شامبيه.. بفضل الله.. بالصور و الفيديو.. (http://www.2zoo.com/vb/showthread.php?t=116399)

كاسكوكيه 18-08-2009 07:09 PM
نتف الريش.. حاله قهرها شامبيه.. بفضل الله.. بالصور و الفيديو..
 
السلام عليكم و الرحمه..


الكثير يعرف بالحاله الي مر فيها ببغائي الكاسكو "شامبيه" من نتف للريش.. بدأت من شهر.. واحد سنة 2009

بدا البرد و بدا ريش شامبيه يتساقط.. .. "القلش" و هالشي معروف بتبديل الريش.. انتهبت فترة التساقط.. بس شامبيه تطوّرت عنده حالة تساقط الريش.. لنتف الريش.. صار كل همة يرتب ريشه لحد ما وصلنا للشهر الرابع. و صارت أجزاء من جسم شامبيه تقريباً بدون ريش..

نصحوني بعض الأعضاء بزيت الزيتون.. وبديت العلاج بزيت الزيتون.. الوصفه كانت اني اخلي الزيت على جسم شامبيه اسبوع بعدين اغسله..
وفعلاً, طبقت النصيحة,, اول يومين تحمّل شامبيه الزيت على جسمه..

بس للأسف رجع للنتف.. لكن بطريقه وحشيه.. لدرجة ظهور الدم .. و صار كل همّه هالريشتين الي على جسمه.. :(

قررت ساعتها اني اغسل جسم شامبيه من الزيت.. و احاول اغير البيئه الي هو فيها..

و بدأت أولاً بالألعاب.. و اني اخلي شامبيه مشغول بكل شي عنده من القفص للأكل.. لكل كل شي..

كان معظمه الألعاب عباره عن انابيب شرب العصير.. امسكها واربطها في القفص.. ويقعد يعضها طوووووووول اليوم

وألعاب أخرى كانت تشغل وقته,,

بعدها على شهر 5 جبت ببغاء ثاني.. عشان يونس شامبيه.. عملاً بنصيحة اخوي العزيز سكر..

و صح انهم من هذاااااااااك اليوم للحين و هم يتصارعون.. لكن نفسية شامبيه تغيرت للأفضل..

يعني صار ملتهي ومشغول تقريباً 100% بكل الي قاعد يصير حوالينه ... و نسى نتف الريش

وبكذا خلصت المرحلة المهمة وهي اني أخلي شامبيه يوقف عن النتف,, والحمد لله وقف بشكل نهائي,,

وبما أن شامبيه نسى نتف الريش.. صار الموضوع متركز بالنسبه لي على المرحلة التالية.

انتبهت مع مرور الوقت.. ان ريش شامبيه ما زال عالق فيه بقايا الزيت.. و هالشي بصراحه كان مخرب الريش.. و حسيت انه ريشه تالف.. ,, و أشعث..

بديت اقرى في النت.. لقيت كم مقال.. و فيديو على اليوتيوب لطيور كانت تنتف ريشها.. بس صارت وكأنها ما صابتها حالة نتف الريش..

بديت أسأل اصحاب هالطيور.. و اكمل قراءة المقالات.. و قريت انهم يستخدمون الصبار لعلاج الريش التالف..

رجعت للمقالات على النت.. و شفت الطريقه..
والي هيه عباره عن انكم تدورون نبتة صبار.. و تفتحون الورقه و اتطلعون الجل الموجود فيها..و ع طووووول تحطوه في الخلاط.. قبل مايتأكسد لأنه اذا تأكسد هالشي بيضر الببغاء..

تخلطوه في الخلاط مع الماء.. و تخلوه في الثلاجه على طول و كل ما احتجتو تروشون ببغاواتكم فيه تحطو المحلول في رشاش مع ماء دافي و ترشون جسمهم فيه :)


جربت الطريقة.. و انصدمت للفرق الكبيييييييييير في ريش شامبيه, من بعد ما غسلت ريشه بيووومين فقط لا غير

صار ريش شامبيه نظيييييييييف و نااااااااعم.. و من يومها و ريش شامبيه يطلع بلمعان و نظافه من الزيت..

يعني باختصار موضوع شامبيه مر بمراحل ثلاث..

1) علاج غير مناسب لحالته.. و هو زيت الزيتون, يمكن يكون مناسب في حالات ثانية بس في حالة شامبية للأسف ما نفع,,

2) العلاج السلوكي.. وجود بوشهاب (الببغاء الآخر).. و تغيير البيئه من العاب و غيره

3) علاج الريش نفسه من التلف بالصبار...

هذا الموضوع كتبته حتى ما يضن أحد ان نتف الريش المتعلق بالحالات النفسية ماله علاج,,,

ومن المهم على المربي انه يدرك نوع مرض ببغائه,, إذا كان مرض جلدي, أي حساسية, أم مرض نفسي مثل شامبية,,,

ولكل تشخيص طريقة علاج مختلفة,,,

وفي موضوع قادم بإذن الله بنزل لكم طريقة صنع محلول الصبّار, وبعض المواضيع الأخرى المتعلقة بالألعاب,,,


أحب اني أشكر اخوي سكر.. لمتابعته حالة شامبيه معاي .. و اهتمامه.. وأشكر كل من سأل عن شامبيه.. و حالته :D

المهم.. أخليكم مع فيديو.. يوضح بالصور رحلة علاج شامبيه.. و اسمحوا لي استغنيت عن الصور لان الفيديو توضيحي و بيغنيكم عن الصور ان شاء الله ..





انزلوا شوي تحت.. في حد بيسلّم عليكم... :o


^


^



^

:D

^



^


اذكروا الله.. ;)


^


^



^



... من 5 دقايق.. بس مصوره.. يعني أحدث صوره..















^




^


:rolleyes:

فديت قلبه بس يا نااااااااس.. :shy:



.. ما شاء الله .. =)

http://up4.m5zn.com/9bjndthcm6y53q1w.../tzvwi9tc8.jpg


http://up4.m5zn.com/9bjndthcm6y53q1w.../nidjtguqr.jpg

الله يحفظه لي أمين.. :cool:



http://up4.m5zn.com/9bjndthcm6y53q1w.../sseis2b4w.jpg
[/CENTER]

فارس مجهول 18-08-2009 07:21 PM
رد: نتف الريش.. حاله قهرها شامبيه.. بفضل الله.. بالصور و الفيديو..
 
ماشاء الله تبارك الله ... مابعد الصبر الا الفرج

موضوع رائع ,, وانتي بطريقتك وصبرك على شامبيه

اعطيتي الامل ,, لكثير من الناس اللي طيورهم تعاني مثل

هالحاله ,, واصعب .... شكرا اختي كاسكوكيه

ابدعتي , في الموضوع ,, وسطرتي كل انواع الابداع

تقبلي تحياتي ..

كاسكوكيه 18-08-2009 07:24 PM
رد: نتف الريش.. حاله قهرها شامبيه.. بفضل الله.. بالصور و الفيديو..
 
اقتباس:
المشاركة الأصلية كتبت بواسطة فارس مجهول (المشاركة 1009027)
ماشاء الله تبارك الله ... مابعد الصبر الا الفرج

موضوع رائع ,, وانتي بطريقتك وصبرك على شامبيه

اعطيتي الامل ,, لكثير من الناس اللي طيورهم تعاني مثل

هالحاله ,, واصعب .... شكرا اختي كاسكوكيه

ابدعتي , في الموضوع ,, وسطرتي كل انواع الابداع

تقبلي تحياتي ..


فعلن اخوي.. الصبر مفتاح الفرج.. وصلت مرحله .. يأست.. بس رجعت وحاولت مره ثانيه

و الحمد لله النتايج مثل ما انته اتجوف..

تسلم اخوي فارس مجهول على مرورك.. :cool:

سكر 18-08-2009 07:32 PM
رد: نتف الريش.. حاله قهرها شامبيه.. بفضل الله.. بالصور و الفيديو..
 
ما شاء الله تبارك الله

سبحان الله كيف كان وفين صار

أتذكرك يا كاسكوكية قبل كم شهر لما نزلتي صور لشامبيه وكان ريشه منحوت نحت

سبحان مغير الأحوال,,

ماشاء الله الحين شكله رائع بمعنى الكلمة

والحمد لله صبرتي وربي وفقك في انك تعتني ببغائك بطريقة صحيحة حتى ظهرت النتيجة المطلوبة,,

أشكرك على طرحك للموضوع اللي أكيد بيغير نظرة الكثيرين ويعطيهم أمل في علاج نتف الريش

وما أقول غير الله يكون في عونك بتجيك أسألة كثيرة من أهل الببغاوات اللي تنتف ريشها

وأشكرك على كلامك الجميل, وما عملنا شي غير الواجب وهذا أقل ما نقدمه لعضوة مثلك أفادتنا بمواضيعها الشيقة والمفيدة,,

ربي يوفقك وينور دربك

والله يحفظلك شامبيه وأبو شهاب,,,

تحياتي

s811 18-08-2009 07:34 PM
رد: نتف الريش.. حاله قهرها شامبيه.. بفضل الله.. بالصور و الفيديو..
 
مشااء-الله-
اهنيك-على-صبرك

lll_o 18-08-2009 07:58 PM
رد: نتف الريش.. حاله قهرها شامبيه.. بفضل الله.. بالصور و الفيديو..
 
ماشاء الله تبارك الله

الحمد لله عرفت قصة شامبيه و الحمد لله انو رجع زي ماكان و الحمد لله على انو صاحب هاذا الطير شخص مهتم بطيره و متابع معاه و الحمد لله باقي كم يوم و يدخل علينا شهر رمضان الكيرم

و كل عام و انتو بألف خيييير<< عارف مكاني غلط ههههههههه بس حبيت ابارك بيوم واحد لكل الي اعرفهم


تحياتي للكل و خصوصا كاسكوكيه

lll_o 18-08-2009 07:59 PM
رد: نتف الريش.. حاله قهرها شامبيه.. بفضل الله.. بالصور و الفيديو..
 
كاسكوكيه الله يهديكي

ليش مخليه الموسيقه جزينه في المقطع ؛(

كاسكوكيه 18-08-2009 08:09 PM
رد: نتف الريش.. حاله قهرها شامبيه.. بفضل الله.. بالصور و الفيديو..
 
اقتباس:
المشاركة الأصلية كتبت بواسطة سكر (المشاركة 1009040)
ما شاء الله تبارك الله

سبحان الله كيف كان وفين صار

أتذكرك يا كاسكوكية قبل كم شهر لما نزلتي صور لشامبيه وكان ريشه منحوت نحت

لا تذكرني.. ههههههههه.. أيّام كنت اكتب موضوع وأنا اصيح.. و الدموع على خدي... :D


سبحان مغير الأحوال,,

ماشاء الله الحين شكله رائع بمعنى الكلمة

كنت اتمنى أشوف ردة فعلك على الصور الجديده.. هههه بس قلت بخليها مفاجئه.. :rolleyes: الحمد لله التغير واضح وكبير..

والحمد لله صبرتي وربي وفقك في انك تعتني ببغائك بطريقة صحيحة حتى ظهرت النتيجة المطلوبة,,

أشكرك على طرحك للموضوع اللي أكيد بيغير نظرة الكثيرين ويعطيهم أمل في علاج نتف الريش

لفترة حسيت الأمل راح.. بس الحمد لله.. رجعنا .. و ان شاء الله الكل يوصلون للنتيجه الي يتمنوها مع ببغاواتهم..

وما أقول غير الله يكون في عونك بتجيك أسألة كثيرة من أهل الببغاوات اللي تنتف ريشها

حاضره بالي أقدر عليه ان شاء الله.. .. ولااااااو هذيلا أعضاء توزو.. :D

وأشكرك على كلامك الجميل, وما عملنا شي غير الواجب وهذا أقل ما نقدمه لعضوة مثلك أفادتنا بمواضيعها الشيقة والمفيدة,,

والله أحرجتني.. باهتمامك.. و نصايحك.. و مواضيعك.. الي تفيد الكل.. عضو لايمكن الاستغناء عنه.. :D
ربي يوفقك وينور دربك

والله يحفظلك شامبيه وأبو شهاب,,,

أميييييييييييين تسلم سكر ع المرور.. و شاكره لك مره مليون.. :rolleyes:


تحياتي


ألحين بيبقى أطبق على شامبيه مواضيع التدريب الي سويتها .. يا سكر.. خلّص وقت الدلع لشامبيه.. ههههههههه

كاسكوكيه 18-08-2009 08:09 PM
رد: نتف الريش.. حاله قهرها شامبيه.. بفضل الله.. بالصور و الفيديو..
 
اقتباس:
المشاركة الأصلية كتبت بواسطة s811 (المشاركة 1009043)
مشااء-الله-
اهنيك-على-صبرك

تسلم اخوي.. :rolleyes:

الصبر مفتاح الفرج.. :D

كاسكوكيه 18-08-2009 08:11 PM
رد: نتف الريش.. حاله قهرها شامبيه.. بفضل الله.. بالصور و الفيديو..
 
اقتباس:
المشاركة الأصلية كتبت بواسطة lll_o (المشاركة 1009095)
ماشاء الله تبارك الله

الحمد لله عرفت قصة شامبيه و الحمد لله انو رجع زي ماكان و الحمد لله على انو صاحب هاذا الطير شخص مهتم بطيره و متابع معاه و الحمد لله باقي كم يوم و يدخل علينا شهر رمضان الكيرم

و كل عام و انتو بألف خيييير<< عارف مكاني غلط ههههههههه بس حبيت ابارك بيوم واحد لكل الي اعرفهم


تحياتي للكل و خصوصا كاسكوكيه
هههههههههههه ايوه اخيرن عرفت القصه.. :88:

تسلم اخوي.. نك نيمك غريب.. ما اعرف شو اسميك :confused: ههههههه

وانته بألف خير.. ههههههههه بالعكس مكانك صح.. :12: تعال كل يوم.. :cool:

كاسكوكيه 18-08-2009 08:12 PM
رد: نتف الريش.. حاله قهرها شامبيه.. بفضل الله.. بالصور و الفيديو..
 
اقتباس:
المشاركة الأصلية كتبت بواسطة lll_o (المشاركة 1009101)
كاسكوكيه الله يهديكي

ليش مخليه الموسيقه جزينه في المقطع ؛(

مش حزين ولا شي.. يتهيء لك.. :12:

هههههه


لا بس لحن هادي أحب استخدمه :rolleyes:

كاجو 18-08-2009 08:28 PM
رد: نتف الريش.. حاله قهرها شامبيه.. بفضل الله.. بالصور و الفيديو..
 
الف الف مبروك على النتائج المذهله

وفعلاً مثل ماقلتي لكل طير طريقه تناسبه في العلاج

وأنا حاس بشعور الفرح عندك لاني مريت بنفس الحاله

لاكن حذار من فصل الشتاء ممكن ينتكس يحتاج لعنايه مكثفه

ومشكوره على الموضوع الحلو الراقي والفيلم الوثائقي الاروع ...

.

كاسكوكيه 18-08-2009 08:31 PM
رد: نتف الريش.. حاله قهرها شامبيه.. بفضل الله.. بالصور و الفيديو..
 
اقتباس:
المشاركة الأصلية كتبت بواسطة كاجو (المشاركة 1009146)
الف الف مبروك على النتائج المذهله

وفعلاً مثل ماقلتي لكل طير طريقه تناسبه في العلاج

وأنا حاس بشعور الفرح عندك لاني مريت بنفس الحاله

لاكن حذار من فصل الشتاء ممكن ينتكس يحتاج لعنايه مكثفه

ومشكوره على الموضوع الحلو الراقي والفيلم الوثائقي الاروع ...

.

هلا والله بكاجو.. الله يبارك فيك اخوي..

فعلن.. كل طير له شخصيته.. و اطباعه.. و درجة توالف تختلف من طير للثاني

الله يعيني على الشتا و الصيف.. و كل يوم.. :o

العفو.. كل هذا للفائده.. :)

طير الهوى 18-08-2009 09:31 PM
رد: نتف الريش.. حاله قهرها شامبيه.. بفضل الله.. بالصور و الفيديو..
 
،،

ماشاء الله تبارك الله ^.^

قيل : من صبر ظفر ..

وانتي يا كاسكوكيه صبرتي وظفرتي .. وتستاهلين ..

ان شاء الله يكتمل ريشه ويحلى ويحلى .. وتشوفين شامبيه بأحلى حالاته وتشوفين كل اناث الكاسكو يحتكون فيه ويغازلونه من حلاته ^.^

موضوعك درس لكل عضو .. انه ما ييأس وانه ما يتخلى عن طيره مهما صار فيه ..

أبدعتي يا كاسكوكية .. ومشكورهـ على تغطيتك المتواصلة ..

دمتي ودام شامبيه بخير ^.^

،،

سمساار 18-08-2009 10:26 PM
رد: نتف الريش.. حاله قهرها شامبيه.. بفضل الله.. بالصور و الفيديو..
 
الحمدلله على سلامته
ومبوك عليك الانتهاء من علاجه
اتمنى الله ان يحفضه ويبعده من كل مرض
تقبل مروري

راينو 18-08-2009 10:44 PM
رد: نتف الريش.. حاله قهرها شامبيه.. بفضل الله.. بالصور و الفيديو..
 
ما شاء الله عليك
صبووووووووووووووووووره و الله يخلي لك شامبيه
الصراحه عجبتني عزيمتك على علاجه

INTER^MAILN 19-08-2009 12:40 AM
رد: نتف الريش.. حاله قهرها شامبيه.. بفضل الله.. بالصور و الفيديو..
 
ماشالله تبارك الرحمن الله يباركلك بالطير واللع يعطيك العافيه على صبرك انا عندى كاسكوو حقى مشكلته بذيله بس احسه ينتف ذيله احطله صبار

الحلم الوردي 19-08-2009 02:45 AM
رد: نتف الريش.. حاله قهرها شامبيه.. بفضل الله.. بالصور و الفيديو..
 
ما شاء الله تبارك الله

موضوع جميييل جدا جدا

ماشاء الله نتائج جميلة جدا ومفرحة للغاية

اللله يخليلك اياه ويحفظه

الصراحة ابهريتيني

ما شاء االله عليك

افريكانا 19-08-2009 06:36 AM
رد: نتف الريش.. حاله قهرها شامبيه.. بفضل الله.. بالصور و الفيديو..
 
موضوع متعوووووب عليييييه يعطيك العافيه والله يرد لك طيرك مثل ما كان واحسن
ماشاء الله لاقوة الا بالله

كاسكوكيه 19-08-2009 09:18 AM
رد: نتف الريش.. حاله قهرها شامبيه.. بفضل الله.. بالصور و الفيديو..
 
اقتباس:
المشاركة الأصلية كتبت بواسطة طير الهوى (المشاركة 1009199)
،،

ماشاء الله تبارك الله ^.^

قيل : من صبر ظفر ..

وانتي يا كاسكوكيه صبرتي وظفرتي .. وتستاهلين ..

ان شاء الله يكتمل ريشه ويحلى ويحلى .. وتشوفين شامبيه بأحلى حالاته وتشوفين كل اناث الكاسكو يحتكون فيه ويغازلونه من حلاته ^.^

موضوعك درس لكل عضو .. انه ما ييأس وانه ما يتخلى عن طيره مهما صار فيه ..

أبدعتي يا كاسكوكية .. ومشكورهـ على تغطيتك المتواصلة ..

دمتي ودام شامبيه بخير ^.^

،،

هلا.. ^^

الحمد لله .. الصبر مفتاح الفرج فعلن.. :)

هههههههههههه لا بدري بدري على المغازل.. :D


وصلتني اقتراحات ببيع شامبيه.. بس اعترضت طبعن.. و الحمد لله..

الله يخليك امين.. :)

كاسكوكيه 19-08-2009 09:19 AM
رد: نتف الريش.. حاله قهرها شامبيه.. بفضل الله.. بالصور و الفيديو..
 
اقتباس:
المشاركة الأصلية كتبت بواسطة سمساار (المشاركة 1009246)
الحمدلله على سلامته
ومبوك عليك الانتهاء من علاجه
اتمنى الله ان يحفضه ويبعده من كل مرض
تقبل مروري
الله يسلمك امين.. و يبارك فيك..

^_^ امين يارب..


حيّاك اخوي.. :D

كاسكوكيه 19-08-2009 09:22 AM
رد: نتف الريش.. حاله قهرها شامبيه.. بفضل الله.. بالصور و الفيديو..
 
اقتباس:
المشاركة الأصلية كتبت بواسطة راينو (المشاركة 1009261)
ما شاء الله عليك
صبووووووووووووووووووره و الله يخلي لك شامبيه
الصراحه عجبتني عزيمتك على علاجه
:D

الله يخليه امين..

حبيته.. لازم بصبر عليه.. :shy:


^_______________^

كاسكوكيه 19-08-2009 09:24 AM
رد: نتف الريش.. حاله قهرها شامبيه.. بفضل الله.. بالصور و الفيديو..
 
اقتباس:
المشاركة الأصلية كتبت بواسطة INTER^MAILN (المشاركة 1009423)
ماشالله تبارك الرحمن الله يباركلك بالطير واللع يعطيك العافيه على صبرك انا عندى كاسكوو حقى مشكلته بذيله بس احسه ينتف ذيله احطله صبار
تسلم اخوي.. الله يبارك فيك اخوي..

الصبار ما كان علاج النتف.. كان علاج لتلف الريش..

النتف عالجته بالألعاب و شغل وقت الطير بأشياء غير ريشه ..

و لي موضوع اخر ان شاء الله اوصف فيه الالعاب الي استخدمتها.. :)

كاسكوكيه 19-08-2009 09:28 AM
رد: نتف الريش.. حاله قهرها شامبيه.. بفضل الله.. بالصور و الفيديو..
 
اقتباس:
المشاركة الأصلية كتبت بواسطة الحلم الوردي (المشاركة 1009617)
ما شاء الله تبارك الله

موضوع جميييل جدا جدا

ماشاء الله نتائج جميلة جدا ومفرحة للغاية

اللله يخليلك اياه ويحفظه

الصراحة ابهريتيني

ما شاء االله عليك


تسلم\ين على المرور..

و الحمد لله على الحال الي وصلنا عليه

امين يا رب.. و يخليكم ^^

من صبر نال.. :)

كاسكوكيه 19-08-2009 09:29 AM
رد: نتف الريش.. حاله قهرها شامبيه.. بفضل الله.. بالصور و الفيديو..
 
اقتباس:
المشاركة الأصلية كتبت بواسطة افريكانا (المشاركة 1009809)
موضوع متعوووووب عليييييه يعطيك العافيه والله يرد لك طيرك مثل ما كان واحسن
ماشاء الله لاقوة الا بالله


هلا.. ^^

الله يسلمك و يعافيك امين..

امين يا رب.. ويعافي كل طير امين.. :)

عطر شفاف 19-08-2009 09:56 AM
رد: نتف الريش.. حاله قهرها شامبيه.. بفضل الله.. بالصور و الفيديو..
 
مشكوره ياقلبي الله يعطيك العافيه
ماشاء الله تبارك الرحمن
على كل هالحاله اللي مر فيها مازلتي متمسكه فيه
تصدقين دمعت عيني وانا اشوف الفيديو
مادري حسيت بمعاناتك وحسيت اني عشت الفرجه معك
الله يهنيك باللي عندك

بس ماعليش بسألك
كيف حببتيه بالألعاب لأن اللي عندي يخاف من الألعاب ^_^

وبعد يصير اشتري معه طير دره
ولا لازم نفس النوع ؟؟

Q8 Sailer 19-08-2009 09:58 AM
رد: نتف الريش.. حاله قهرها شامبيه.. بفضل الله.. بالصور و الفيديو..
 
ماشاءالله تبارك الرحمن ..

سبحان الله فرق كبير بين اول والحين ..

واهنيج على الصبر اللي فيج وطول البال ..

:) صاير جميل واحلى من قبل ماشاءالله ..

مشكلتج كانت تقارب مشكلتي .. وانحلت مشكلتي ولله الحمد لكن باقي القليل ... :)

ممكن استخدم الصبار اللي قلتي عنه لكن ممكن تقولين لي في نوع معين من الصبار ؟ وكيف طريقة تحضيره بالتفصيل !؟ :)

لأن ابي ريش الكاسكو يطلع نظيف وناعم مثل قبل .. هو طالع لكن احسه ناشف ويحتاج لتنظيف .. :)

والحمدلله على سلامة شامبيه ^_^

وسكر الله يجزاك خير على اللي قاعد تسويه لأصحاب الببغاوات :)

the big 19-08-2009 10:36 AM
رد: نتف الريش.. حاله قهرها شامبيه.. بفضل الله.. بالصور و الفيديو..
 
ماشاء الله تبارك الله



الحمد لله على سلامته ..



سبحاان الله فرق بين اول والحين .



ماشاء الله الحين هو مثل القمر :)



وبصراحه ابدعتي بكتابه الموضوع .



والله يخليه لك ويبعده من كل مرض ..

كاسكوكيه 19-08-2009 02:24 PM
رد: نتف الريش.. حاله قهرها شامبيه.. بفضل الله.. بالصور و الفيديو..
 
اقتباس:
المشاركة الأصلية كتبت بواسطة عطر شفاف (المشاركة 1009994)
مشكوره ياقلبي الله يعطيك العافيه
ماشاء الله تبارك الرحمن
على كل هالحاله اللي مر فيها مازلتي متمسكه فيه
تصدقين دمعت عيني وانا اشوف الفيديو
مادري حسيت بمعاناتك وحسيت اني عشت الفرجه معك
الله يهنيك باللي عندك

بس ماعليش بسألك
كيف حببتيه بالألعاب لأن اللي عندي يخاف من الألعاب ^_^

وبعد يصير اشتري معه طير دره
ولا لازم نفس النوع ؟؟
العفو..

طير وصلني بأكمل عافيته.. ما ينفع ارميه يوم يمر عليه كم شهر تعبان.. :( .. بالعكس.. حاولت اني اساعده يرجع مثل قبل وأحسن.. بفضل الله سبحانه وتعالى..

لو بتنتظرين شوي.. بنزل موضوع للألعاب.. عشان تستفيدين من الأشياء الموجوده في البيت عندج..

بالنسبه للنوع الي لازم يكون مع الكاسكو بصراحه ما أعرف.. بس انا طيري للحين مش متقبل وجود طير كاسكو ثاني ههههههههههه

كله هواش.. :D

كاسكوكيه 19-08-2009 02:26 PM
رد: نتف الريش.. حاله قهرها شامبيه.. بفضل الله.. بالصور و الفيديو..
 
اقتباس:
المشاركة الأصلية كتبت بواسطة Q8 Sailer (المشاركة 1009997)
ماشاءالله تبارك الرحمن ..

سبحان الله فرق كبير بين اول والحين ..

واهنيج على الصبر اللي فيج وطول البال ..

:) صاير جميل واحلى من قبل ماشاءالله ..

مشكلتج كانت تقارب مشكلتي .. وانحلت مشكلتي ولله الحمد لكن باقي القليل ... :)

ممكن استخدم الصبار اللي قلتي عنه لكن ممكن تقولين لي في نوع معين من الصبار ؟ وكيف طريقة تحضيره بالتفصيل !؟ :)

لأن ابي ريش الكاسكو يطلع نظيف وناعم مثل قبل .. هو طالع لكن احسه ناشف ويحتاج لتنظيف .. :)

والحمدلله على سلامة شامبيه ^_^

وسكر الله يجزاك خير على اللي قاعد تسويه لأصحاب الببغاوات :)

ألحين بروح اسوي خلطة الصبار.. وبصورها.. وبنزل موضوع بكل شي قريته عنها ان شاء الله

:D.. ان شاء الله ما اتأخر..

كاسكوكيه 19-08-2009 03:32 PM
رد: نتف الريش.. حاله قهرها شامبيه.. بفضل الله.. بالصور و الفيديو..
 
اقتباس:
المشاركة الأصلية كتبت بواسطة the big (المشاركة 1010039)
ماشاء الله تبارك الله



الحمد لله على سلامته ..



سبحاان الله فرق بين اول والحين .



ماشاء الله الحين هو مثل القمر :)



وبصراحه ابدعتي بكتابه الموضوع .



والله يخليه لك ويبعده من كل مرض ..
الله يسلمك اخوي the big

هيه والله كيف كان و كيف صار.. الحين قمر ما شاء الله عليه..

امييييييييين يا رب :)

INTER^MAILN 21-08-2009 12:23 PM
رد: نتف الريش.. حاله قهرها شامبيه.. بفضل الله.. بالصور و الفيديو..
 
اقتباس:
المشاركة الأصلية كتبت بواسطة كاسكوكيه (المشاركة 1009956)
تسلم اخوي.. الله يبارك فيك اخوي..

الصبار ما كان علاج النتف.. كان علاج لتلف الريش..

النتف عالجته بالألعاب و شغل وقت الطير بأشياء غير ريشه ..

و لي موضوع اخر ان شاء الله اوصف فيه الالعاب الي استخدمتها.. :)
مشكووره والله يوفقج وفى خوش طريقه شامبو جونسون لادموع بعد اليوم وحطى شوى ديتول ورشى الطير فيه بعدين سبحيه بالماى

naasooh 21-08-2009 01:02 PM
رد: نتف الريش.. حاله قهرها شامبيه.. بفضل الله.. بالصور و الفيديو..
 
مشكووور
على نقل خبرتك لنا و
صراحتا نحتاج هالتجارب الناجحه
الله يبارك لك في طيرك
ويعطيك خيره ويكفيك شره

د.أحمد 21-08-2009 03:21 PM
رد: نتف الريش.. حاله قهرها شامبيه.. بفضل الله.. بالصور و الفيديو..
 
صراحة رغم أني لأول مرة أسمع بموضوع ببغاءك .. إلا أني تأثرت جدا جدا بالموضع

ومقطع الفيدو كان جدا مؤثر ..

ان كان في شي أثار استغرابي بشكل رهيب .. فهو صبرك ومحاولاتك لانقاذ ببغائك .. والاصرار الشديد على تغييره

وهذا يدل على محبتك واخلاصك له ..

ويا بختك باالاجر الا كسبتيه في سبيل انقاذ هذا الطائر

شكرا لك جدا

كاسكوكيه 21-08-2009 03:22 PM
رد: نتف الريش.. حاله قهرها شامبيه.. بفضل الله.. بالصور و الفيديو..
 
اقتباس:
المشاركة الأصلية كتبت بواسطة INTER^MAILN (المشاركة 1012950)
مشكووره والله يوفقج وفى خوش طريقه شامبو جونسون لادموع بعد اليوم وحطى شوى ديتول ورشى الطير فيه بعدين سبحيه بالماى

تسلم اخوي.. ويوفقك امين.. اخوي كويت سيلر جرب الديتول وجابت نتايج معاه..

الله يوفقك ومشكور على المشاركه

ابو محمــد 21-08-2009 03:33 PM
رد: نتف الريش.. حاله قهرها شامبيه.. بفضل الله.. بالصور و الفيديو..
 
بصراحه الموضوع والفيديو والشرح كامل ومفيد والحمد لله ع النتايج وهذا ان دل يدل ع عدم اليأس وحبك للرمادي,,

الحمد الله ع سلامه شامبيه وما تشوف شر.

كاسكوكيه 21-08-2009 03:49 PM
رد: نتف الريش.. حاله قهرها شامبيه.. بفضل الله.. بالصور و الفيديو..
 
اقتباس:
المشاركة الأصلية كتبت بواسطة naasooh (المشاركة 1012984)
مشكووور
على نقل خبرتك لنا و
صراحتا نحتاج هالتجارب الناجحه
الله يبارك لك في طيرك
ويعطيك خيره ويكفيك شره
الله يخليكم naasooh

ويبارك فيكم امين و يوفقكم..

امين يارب.. :)

كاسكوكيه 21-08-2009 03:52 PM
رد: نتف الريش.. حاله قهرها شامبيه.. بفضل الله.. بالصور و الفيديو..
 
اقتباس:
المشاركة الأصلية كتبت بواسطة د.أحمد (المشاركة 1013172)
صراحة رغم أني لأول مرة أسمع بموضوع ببغاءك .. إلا أني تأثرت جدا جدا بالموضع

ومقطع الفيدو كان جدا مؤثر ..

ان كان في شي أثار استغرابي بشكل رهيب .. فهو صبرك ومحاولاتك لانقاذ ببغائك .. والاصرار الشديد على تغييره

وهذا يدل على محبتك واخلاصك له ..

ويا بختك باالاجر الا كسبتيه في سبيل انقاذ هذا الطائر

شكرا لك جدا
.. هلا اخوي د.أحمد.. تسلم والله..

صار لي فتره احط مواضيع شامبيه.. بس توقفت.. حسيت كلمه توديني و كلمة تجيبني و حال طيري تعبان و ما اعرف شو اسوي فيه.. و مريت بمرحله حسيت يأست.. كل حد له راي .. وأكثر شي كان يقهرني.. كلمة.. "بيعيه" :mad:
فعلن.. احبه.. اول طير لي.. و الكل يريده.. لان لونه اغمق عن الثاني.. بس مستحيل ابيعه.. :rolleyes:

العفو.. ^_^

كاسكوكيه 21-08-2009 03:53 PM
رد: نتف الريش.. حاله قهرها شامبيه.. بفضل الله.. بالصور و الفيديو..
 
اقتباس:
المشاركة الأصلية كتبت بواسطة ابو محمــد (المشاركة 1013198)
بصراحه الموضوع والفيديو والشرح كامل ومفيد والحمد لله ع النتايج وهذا ان دل يدل ع عدم اليأس وحبك للرمادي,,

الحمد الله ع سلامه شامبيه وما تشوف شر.
تسلم اخوي ابو محمد.. فعلن.. حب الرمادي غييييييييير.. :D

الله يسلمك.. و الشر ما إييك امين ..

محــ15ــمد 21-08-2009 04:46 PM
رد: نتف الريش.. حاله قهرها شامبيه.. بفضل الله.. بالصور و الفيديو..
 
بالتوفيق

كان ودي شفت الموضوع من فتره حتى اعطيك فكرة احد الخبراء في نتف الريش

وهي ( استحمام الطائر بماء البحر ) لمدة شهر

بالتوفيق


جميع الأوقات بتوقيت GMT +3. الساعة الآن 11:57 PM.
الصفحة 1 من 3 1 23
عرض 40 مشاركات من هذا الموضوع لكل صفحة

Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو