|
تم شراء الرمادي والحمد لله
السلام عليكم ورحمة الله وبركاته كيف حالكم اخواني تم شراء الرمادي والحمد لله بسعر 1200 العمر سبعة أشهر تقريبا من اول ما وصل وهو في مكانه ولا طلعته من القفص محاولة لتهيئة المناخ :hbtfyt: طبعا يجعر ونفش الريش عند اول ماتقترب منه لكن الحين خف اشوي وقام يطلع ويصفر محتاج لتدريب وتربية وعناية هذه صورة له http://www.2zoo.org/get-7-2009-2zoo_org_mjkd0gnf.jpg الموضوع الثاني وانا كنت ابحث عن الرمادي الافريقي انعرض علي واحد حلو مرتب وأليف ويتكلم مثل السلام ورد السلام وبوسة وتقدر توقفه على اليد وتمسح عليه لكن سعره ثلاثة آلاف ريال :notred: هذا صورته http://www.2zoo.org/get-7-2009-2zoo_org_n0uyztz6.jpg الصراحة عجبني لكن ما اقدر اشتريه طبعا الرجال كان بيراعيني فيه ويبيعه علي بــ 2800 لكن ما بغيته ، وباعه في اليوم الثاني بــ 3200 فاشتريت اللي في الصورة الأولى اربيه على كيفي شرايكم في السعر والشكل نرجو ابداء الرأي تحياتي لكم |
رد: تم شراء الرمادي والحمد لله
ياهلا اخوي احس سعره غالي
لأن عندنا في البحرين بسعر ال 650 ريال يعني وايد اخذو عليك والطير مومحجل !!!!! انا من كم يوم اخذت لي واحد ب 600 ريال والبارحه اخذت واحد بنفس السعر يعني اخذت طيرين بسعر طيرك على العموم الله يبارك لك فيه |
رد: تم شراء الرمادي والحمد لله
الله يهنيك في طيرك و عقبال ما تسولف معاه
اقتباس:
احنا في الدوحه الكاسكو الكبير في العمر و متوحش و يجعر جنه صفارة انذار سعره 1500 ريال .. تخيل !!! و البغبغاء الي شراه اخونه بو دانيل يمكن يوصل سعره 2700 -3000 او حتى اكثر في بعض الظروف مع العلم ان استيراد الطيور مسموح في قطر و ممنوع في السعودية لكن جوف من اغلى و جوف الفرق |
رد: تم شراء الرمادي والحمد لله
اي والله الله يعينكم اخوي ويفرج عليكم استيراد الطيور
|
رد: تم شراء الرمادي والحمد لله
ارى السعر مناسب المشكلة اختلاف الاسعار بشكل غريب بدول الخليج عندنا بالامارات مثل هذا الطير على 1800 و1600 يعني لوتقارن راح تشوف الفرق لكن بالبحرين معروف الطيور ارخص مدري السبب ..؟؟
|
رد: تم شراء الرمادي والحمد لله
السعر غالي شوي
بس الطير حلو ونظيف الله يخليه لك |
رد: تم شراء الرمادي والحمد لله
سعره مناسب جدا على حجمه وعمره الله يوفقك .
|
رد: تم شراء الرمادي والحمد لله
ما شاء الله تبارك الله
الببغاء جميل جداً ربي يبارك لك فيه ويحفظه لك ولا تسأل عن السعر يا غالي,, لأن هذا السؤال ممكن يسبب لك حسرة إذا كان غالي وما بيغير شي لأنك شريته وخلاص,, وخذها قاعدة إذا انت اشتريت شي للتربيه أو للإقتناء,,, آخر شي تفكر فيه السعر (ما أقول لا تفكر في السعر لكن خليه آخر شي) أهم شي يكون مناسب لك ومرضي لك من كل النواحي وهذا اللي أشوفه في ببغائك بمواصفاته ما شاء الله ويا ما أعضاء اشترو ببغاوات بقيمة رخيصه جداً,, وبعد اسبوع تمنو انهم ما اشتروه,, وعرضوه للبيع بنص القيمة,,, ربي يوفقك في تربيته والعنايه به تحياتي |
رد: تم شراء الرمادي والحمد لله
اقتباس:
السلام عليكم ورحمة الله مرحبا فيك اخوي مثل ما قالوا الاخوان الاسعار تتفاوت من مكان الى اخر والحمد لله انا مبسوط لما حصلت بالقيمة هاذي وانا كنت ابحث عن الصغير اللي اربيه على كيفي يعطيك العافية |
رد: تم شراء الرمادي والحمد لله
اقتباس:
يسلمو على مرورك والحمد لله البارحه نطق اول كلمة مع اني ما دربته على الكلام حاولت بس اخليه ياكل من ايدي وخلال يومين قام يقول اسم يعقوب يعطيك العافية |
رد: تم شراء الرمادي والحمد لله
اقتباس:
يسلمو على مرورك علمي علمك السبب مدري شنو اللي عندهم خلفية اكثر عن هالموضوع اتوقع عندهم الجواب موفقين |
رد: تم شراء الرمادي والحمد لله
اقتباس:
يسلمو على مرورك السعر بالنسبة لي مناسب كثير تحياتي لك |
رد: تم شراء الرمادي والحمد لله
اقتباس:
يسلمو على مرورك الحمد لله على كل حال |
رد: تم شراء الرمادي والحمد لله
اقتباس:
يسلمو على مرورك لا بالعكس السعر مناسب جدا لي وانا مبسوط اقتباس:
بهاذي صدقت فيه عندي صديق اشترى كاسكو افريقي عمره كبير وضحكوا عليه قالوا له انه صغير اشتراه بــ 850 يعني الحين ما يبيه الله يوفق الجميع وشكرا لك على المرور |
رد: تم شراء الرمادي والحمد لله
ماشاء الله تبارك الله طير فرخ وحجم ونظافة . ابدأ في التلقين من ألحين ولا تتأخر . وبالنسبة للسعر لايهمك رأي أحد . والله يوفقك,,, |
رد: تم شراء الرمادي والحمد لله
اقتباس:
يسلمو على مرورك ايه هذا شغال عليها من سمعتها نطقت كلمة كنت ارددها بدون ما اتعمد القنها تحياتي لك |
رد: تم شراء الرمادي والحمد لله
|
رد: تم شراء الرمادي والحمد لله
اقتباس:
يسلمو على مرورك الحمد لله اليوم طالع بكم صوت صاير زقرت تحياتي |
رد: تم شراء الرمادي والحمد لله
اقتباس:
اخوي الله يبارك لك فيه..ويتربى في عزك..انا كلامي نفس كلام الاخ سكر..اذا بغيت شيء للتربية لاتدور السعر دور على طير نظيف في الاول حتى وان كان غالي..والسعر في الاخر:)..لكن اذا كان للتجارة فالافضل انك تأخذ ببغاء رخيص الثمن وتحاول تدربه وتبيعه:rolleyes:..والله يوفقك..ومبرووك:D |
رد: تم شراء الرمادي والحمد لله
مشكور يعطيك مليون عافية
|
رد: تم شراء الرمادي والحمد لله
سعر مرررررره قويس الي شفته بي الصوره حلو
|
رد: تم شراء الرمادي والحمد لله
مشاء الله تبارك الله طير في غاية الجمال والطير باين علية ذكي وخذها من اخوك ابو غلا
وانشاء الله الولافة والكلام جاي في الطريق مسائلة وقت لا اكثر ولا اقل ولا تستعجل عليه لان عمره زي ماقلت باقي فرخ . |
رد: تم شراء الرمادي والحمد لله
اقتباس:
يجوز الاستيراد بس لازم تجيب اوراق كثيرة .......... وكلام فاضي هههه:freind: |
رد: تم شراء الرمادي والحمد لله
سعر اكثر من مناسب
مبرووك عليك ويتربى بعزك |
رد: تم شراء الرمادي والحمد لله
اخوي طيرك ماشاء الله جميل وسعره ممتاز
انا استحاله احصل مثل طيرك بهذا السعر المناسب واتأكد ان مافيه خساره ابد بأذن الله ولوتفكر تبيعه راح يجيب لك اكثر من هذا السعر |
رد: تم شراء الرمادي والحمد لله
بالتوفيق يارب
|
رد: تم شراء الرمادي والحمد لله
ألف مبرووووووووووووكـ الله يخليه لك مـآ شـآء الله
يــآرب يتعود عليك و تدربه إن شـآء الله ~ |
رد: تم شراء الرمادي والحمد لله
نصيحة لك أخوي العزيز.....
1- روح لبيطري وخليه يقص جناحه. 2- لاتحبسه في القفص إلا وقت النوم أو وقت خروجك من المنزل لأنك لو حبسته راح يمرض نفسياً وينتف ريشه مثل ماحصل مع طيري. 3- لاتقربه من الأطفال في هذي الفترة إلا بعد مايألف أصحاب المنزل. 4- التنويع في الطعام من خضروات وفواكه وحبوب ولاتخلي أحد يحط له الطعام إلا أنت. 5- وضع الطائر في مكان مرتفع تقريباً متر ونصف. 6- استخدام البخاخ المائي (الرذاذ) يوم بعد يوم ولاتستخدم الترويش من الشطاف في هذي الفترة إلا بعد أن يتعود عليك. 7- لاتعرضه للتيارات الهوائية. 8- لا يكون في ممر المنزل أو في وسط الصالة أو قرب الأبواب المنزلية وإنما اجعل له خصوصية ومكان ملائم. 9- مراعاة أوقات النوم. 10- اجلب له بعض الألعاب. ويتربى في عزك. |
| جميع الأوقات بتوقيت GMT +3. الساعة الآن 09:02 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو