|
رد: سؤال بسيط لاصحاب الخبرة
اقتباس:
و لكن خليني اوضح شغله على ردك,, انا ما جا ببالي ابدا و لله الحمد المتاجرة و خصوصا في القطط.. لسببين اولا انه حرام بيع القطط هذا من الناحيه الدينية. و ثانيا لاني فعلا شفت كيف حالهم فالمحلات و حتى لو كانت محلات كبيرة و معروفة.. انا في حال زاوجتها " و انا سالت عشان لو فكرت بأي وقت اني ازاوج اكون عارف الكتنز كيف " ف أنا ما راح ابيع او اني استغل البسه بأي شكل من الاشكال و عندي الحمدلله المقدرة اني اعتني و اصرف عليهم ف ماراح اقصر فيهم :) و انا فعليا افكر بأني اعقمها بس احس انو اخليها تحس احساس الامومة و لو مرة بعمرها. اشكرك على ردك خلاني اوضح سبب سؤالي :) اتمنى اكون و ضحتلك و للاعضاء سبب الموضوع تحياتي لك اخي العزيز :) :) و لازم تبقى سعيد لاني تبنيت قطة :) |
رد: سؤال بسيط لاصحاب الخبرة
هلا اخوي..
ممتاز الله يجزاك خير..انا اسفة فهمتك غلط لما شفتك تسأل عن الانتاج وكيف بيكون مافي شي اسمه احساس امومة عند القطط..تراها غريزة لمدة شهر وبعدها ماتعرفهم ولا تبيهم...يعني صدقني لو عقمتها ما راح تزعل وتتضايق القطوة لانها ماصارت ام :) الشغلة كلها هرمونات تلعب بجسمهم...اسمع كلامي والله العظيم انا مجربة وندمانة قد شعر قطوتك اني ماسمعت نصايح الناس وزوجتها ابي انبسط بالكتنز وجابتلي خمسة...وهذا هم كلهم عندي..كنت افكر الموضوع سهل لا والله مو سهل صعب وصعب فوق ماتتصور...كأنك تربي ست اطفال مايكبرون..تظل طول عمرك تعتني فيهم ماراح بجي يوم ويعتمدوا على انفسهم..انت المسؤل عن كل شي... بعد ماكان كيس رمل واحد يجلس شهر الحين يبيلك كل اربع ايام كيس ابو 10كيلو...وفريزر مليان دجاج كل اسبوع تمونه...وصناديق رمل بكل مكان ونص يومك يروح وانت تنظف البوكسات..وهذا مرض وذاك تعب وشغلة متعبة جسديا ونفسيا..وصدقني اهلك ماراح يتحملوهم وحيرغموك تتصرف وتتخلص منهم...الشعر راح يملي البيت في كل مكان شعر عالكنب والارض وملابسكم ماغير واحد يمشي وينظف....هذا غير الكتمة اللي بتصير بالبيت والحساسية والربو لان الشعر بزيادة...انا اكتب الحين وصدري يصفر من الربو ماجاني الا بعد ماكثروا البسس :( اخر الشي بتختار اسهل الطرق بتحطهم بالحوش او تعرضهم تبني وكلا الامرين مش صحيح...وبتختار اسهل غذاء الدراي فود وهالشي مرررة خطير..محد بيطبخ كل يوم دجاجتين ثلاثة :( سيبك من حكاية الامومة تراها كلام فاضي ماله اساس من الصحة..وعقمها حالا هذا افضل عمر...وانا اساعدك وادلك على بيطري كويس بس قول انت وين ... |
رد: سؤال بسيط لاصحاب الخبرة
اقتباس:
يب هو اكيد لما يكون عندك بسه وحده تعتني فيها و تلعبيها غير لما يكونو ام و الكتنز حقهونها .. صحيح كلامك هما مسؤوليه و لازم ما نقصر بحقهم .. انا ما بزاوجها بأي حال من الأحوال خلاص شلت الفكرة :( و ان شاء الله اليوم أو بكرة بروح عند دكتور ان شاء الله بطعمها و بسأله عن التعقيم في كثير دلوني ع نفس الدكتور و عن تجربة .. و أنا من جدة :) :) |
رد: سؤال بسيط لاصحاب الخبرة
برافو...واذا تبي بعد انا ادلك عالخاص في كثير بياطرة كويسين بجدة وتختلف اسعارهم .... افضل هدية تقدمها للقطوة عالكرسمس ��
|
رد: سؤال بسيط لاصحاب الخبرة
اقتباس:
يب ياريت تدليني بالخاص ع دكاترة اسعارهم حلوة سواء بالتطعيم و التعقيم .. الدكتور اللي رحتو اداني التطعيمة ب 100 هذا و هو دكتور خاص يعني مو بعياده انك تاخدي اوراق التطعيم .. و غير كدا قلي لسه باقيلها تطعيمتين كل وحده ب 100 .. وحده نفس اللي اديتها ياها تقريبا و الثانيه للسُعار انا عادي ما عندي مشكله ادفع حق التطعيم بس بعدين اكتشفت من وحده عندها قطط و كدا قالتلي التطعيمة الاساسية ب 50 :| .. ف ما احب اححد يستغلني ! غير انو التعقيم عندو ب 400 و غيرو ب 250 |
رد: سؤال بسيط لاصحاب الخبرة
مممممم ما اعتقد في تطعيمات بخمسين حتى لو اللي يدقونها الهنود العمال...لاتثق بالتطعذمات الرخيصة الا لو كانت في عيادة او صيدلية..الاسعار هذي كانت قبل سبع ثمان سنين وبالمحلات والاسواق المشبوهة زي الحمام بالرياض والاهدل... مش عيادة
100ريال جدا طبيعي السعر واغلب العيادات اغلى حنا بالشرقية المحلات تطعم 100ريال وبعضها 80 عيادة ارامكو طعمت قطاوتي الفيروسات و التنشيطي والسعار قيمة كل ابرة 150 ريال..عيادة الخبر التطعيم 250 تقريبا اما التعقيم فأنصحك لاتترخص مافي احد يعقم انثى 250 مستحيل واذا في لاتعقم عنده ...يبدوا اللي قالك المعلومات وحدة تتعامل في كل شي مع المحلات والاماكن الرخيصة الغير معروفة ارخص تعقيم للانثى في جدة 350 وهالسعر جدا رخيص ويسويه بيطري خاص مش عيادة اما العيادات في كل انحاء المملكة ارخص عيادة 500 والغاليين 800 خليك بالشي الواضح ولاتسمع كلام كل من ينصح ..البعض يهمهم يوفروا ولو على حساب الجودة وصحة الحيوان في قطط صارت لهم مضاعفات بسبب قلة النظافة واستخدام ادوات غير معقمة من المحلات الرخيصة برسلك عالخاص بياطرة كويسين واسعارهم معقولة |
| جميع الأوقات بتوقيت GMT +3. الساعة الآن 11:03 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو