منتديات تو زوو - مشكلة تنتيف الريش لدى الببغاء..(ارجو التثبيت)

منتديات تو زوو (http://www.2zoo.com/vb/index.php)

- قسم هواة الببغاوات (http://www.2zoo.com/vb/forumdisplay.php?f=31)

رد: مشكلة تنتيف الريش لدى الببغاء..(ارجو التثبيت)

اقتباس:

المشاركة الأصلية كتبت بواسطة Q8 Sailer (المشاركة 906170)

السلام عليكم ورحمة الله وبركاته...

اخواني الاعضاء بما اني عانيت من مشكلة تنتيف ريش الببغاء حبيت افيدكم بكم معلومه .. واتمنى ان الموضوع يتثبت حتى لا تكثر الاسئله على مشكلة تنتيف ريش الببغاء وتعم الفائده للجميع ...

طبعا يا اخوان هي 3 حالات بالغالب تسبب بنتف ريش الببغاء ..

الحاله الاولى

هي تجديد الريش حق بعض الببغاواة (طبعا الريش بهذه الحاله يتساقط بروحه) وهذا شيء طبيعي.

الحاله الثانيه

هي ان الببغاء حاس بالملل أو تكون فيه حاله نفسيه وغالبا ماتسبب هذي الحاله النفسيه ان يكون هو متربي بين عائله وتعود عليها .. وفجأه يجيبون ببغاء جديد ويحطونه يمه...
الببغاء راح يحس بالغيره و بتجي له حاله نفسيه وينتج عنها تنتيف الريش.

الحاله الثالثه

وهي اعتقد من اصعب الحالات ... وهي ان الببغاء بيكون فيه فايروس فينتج من هذا الفايروس حساسيه في جسم الببغاء وبعدها راح ينتف ريشه الببغاء الين ما يطلع أو يبين منه الريش الابيض ويكون مثل (الفروه) أو (القطن الابيض)

ولمعرفة ان كان الببغاء فيه فايروس .. يتم فحصه عن طريق البيطري .. وياخذون عيينه من ريشه وتكون( الذيل) (الريش اللي يكون باللون البرتقالي أو الاحمر بالنسبه للببغاء الرمادي) وتتم عملية الفحص عن طريق تحليل هذه العيينه اللي خذوها من الببغاء.

طبعا هذا التحليل مو أي بيطري بيسويه .. لابد من بيطري موثوق واعتقد ان يتم فحصه من مستشفى بيطري بريطاني وهو يكون عالمي طبعا.

والحل للحساسيه ان يتم علاجه عن طريق البيطري ونصائح الدكتور البطيري .. لكن مو أي بيطري لابد ان يكون البيطري عنده شهاده عالميه أو يكون معتمد عليه و موثوق فيه.

والسلام عليكم ورحمة الله وبركاته...

اخواني بما اني ما اقدر اسوي تعديل على الموضوع ...

قبل قليل وصلني العلاج للحساسيه في الببغاء..

وهي عباره عن حقنه تعطى للانسان وتباع في الصيدليات واسمها (Neupogen Injection)

يحقن بها الببغاء للقضاء على الحساسيه ومنعه من تنتيف الريش ...

واتمنى من الجميع ان يستفاد من هذه المعلومات.

رد: مشكلة تنتيف الريش لدى الببغاء..(ارجو التثبيت)

سيلر...
تسلم و الف شكر على هالموضوع المفيد ..
نتف الريش حاله مستعصيه و لي تصيب طيره كنها صايبتنه هههههههههههه يتعقد من هالكلمه :)
ها بشرنا شو سويت فالدراسه ان شاء الله اوكيه !!

رد: مشكلة تنتيف الريش لدى الببغاء..(ارجو التثبيت)

تسلم يا سيلر على هالمجهود الطيب منك ...
بس كيف هاي الحقنه للانسان ؟؟ ماتظر الطير ؟؟؟

رد: مشكلة تنتيف الريش لدى الببغاء..(ارجو التثبيت)

مشكور اخي على المعلومات القيمة والجميلة , ولكن من وين انلاقي بيطري معة شهادات عالمية ههههههههههه.

رد: مشكلة تنتيف الريش لدى الببغاء..(ارجو التثبيت)

اقتباس:

المشاركة الأصلية كتبت بواسطة لوتيه (المشاركة 916024)

تسلم يا سيلر على هالمجهود الطيب منك ...
بس كيف هاي الحقنه للانسان ؟؟ ماتظر الطير ؟؟؟

اسف على التأخير في الرد لكن ماكنت منتبه ..

والله اختي انا قريت عن هذي الحقنه وهي عباره عن بروتينات تشبه البروتينات الموجوده في الجسم ...

وهي تقوم بتعديل وتنظيم كريات الدم ...

فما اعتقد لها أي تأثير على الطائر .. لأن سبحان الله لو دخلتي بيطري أو محل يبيع ادويه بيطريه بتشمين ريحة الادويه نفس ريحة ادوية الانسان ..

لو بحثتي عنها في الانترنت في موقع قوقل راح تلقين معلومات عنها ..

وللاسف عندنا بالكويت خالصه من الوكيل نفسه :(

مادري وين بحصلها ...

========

اقتباس:

المشاركة الأصلية كتبت بواسطة abocimba (المشاركة 916115)

مشكور اخي على المعلومات القيمة والجميلة , ولكن من وين انلاقي بيطري معة شهادات عالمية ههههههههههه.

العفو اخوي وحياك الله ... وتستاهلون كل خير انت وباقي الاعضاء ...

اي والله وين تلاقي بيطري معه شهادات عالميه ... بس تصدق انا ملاحظ ان البيطريين الاجانب .. اقصد الامريكان والبريطانيين افضل من الهنود والفلبن ... الخ ...

واسف على اطالتي :))

رد: مشكلة تنتيف الريش لدى الببغاء..(ارجو التثبيت)

مشكوووووووووووووووووور اخي العزيز وبارك الله فيك

رد: مشكلة تنتيف الريش لدى الببغاء..(ارجو التثبيت)

يعطيك العافيه أخوي والله ماقصرت

رد: مشكلة تنتيف الريش لدى الببغاء..(ارجو التثبيت)

الله يعافيكم والعفو يا اخواني ...

وان شاءالله الكل استفاد ...

والله يعطيكم العافيه ...

رد: مشكلة تنتيف الريش لدى الببغاء..(ارجو التثبيت)

طيب فيه سؤال يالغالي

أنت قصدك بالأبره أنه يطعم مع صدره ولا علاج مع الماء

رد: مشكلة تنتيف الريش لدى الببغاء..(ارجو التثبيت)

اخوي منتج طيور

اعتقد يطعم مع صدره .. لأنها تعتبر حقنه ...:) واسف على الاطاله ..